திருமந்திரம் - 1.23 நடுவு நிலைமை

                     

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	23
தந்திரம்	முதல் தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	23. நடுவு நிலைமை
பிற குறிப்புகள்	சார்பில்லா இயல்பு

திருச்சிற்றம்பலம்

                  

நடுவுநின் றார்க்கு அன்றி ஞானமும் இல்லை

நடுவுநின் றார்க்கு நரகமும் இல்லை

நடுவுநின் றார்நல்ல தேவரும் ஆவர்

நடுவுநின் றார்வழி நானும்நின் றேனே.  1  

நடுவுநின் றான்நல்ல கார்முகில் வண்ணன்

நடுவுநின் றான்நல்ல நான்மறை ஓதி

நடுவுநின் றார்சிலர் ஞானிகள் ஆவோர்

நடுவுநின் றார்நல்ல நம்பனும் ஆமே.  2  

நடுவுநின் றார்சிலர் ஞானிகள் ஆவர்

நடுவுநின் றார்சிலர் தேவரும் ஆவர்

நடுவுநின் றார்சிலர் நம்பனும் ஆவர்

நடுவுநின் றாரொடு நானும்நின் றேனே.  3  

தோன்றிய எல்லாம் துடைப்பன் அவன் அன்றி

ஏன்றுநின் றார் என்றும் ஈசன் இணையடி

மூன்று நின்றார் முதல்வன் திரு நாமத்தை

நான்று நின்றார் நடுவாகி நின்றாரே.  4  

திருச்சிற்றம்பலம்