திரு பழுவூர்

   

௨ 

திருஞானசம்பந்தர் சுவாமிகள்   அருளிச்செய்த
இரண்டாம் திருமுறை 

தகவல் பலகை	விவரம்
தலம்	திரு பழுவூர்
பிற பெயர்கள்	கீழ் பழுவார், யோகாவனம்
நாடு	சோழ நாடு (வ)
ॐசுவாமி	யோகவநேஸ்வரர், ஆலந்துறையார்
ॐஅம்பிகை	அருந்தவநாயகி
பாடியவர்கள்	சம்பந்தர் (1)         முத்தன் மிகு மூவிலை (2-34)
ஸ்தல மரம்
தீர்த்தம்	பிரம தீர்த்தம்
பண்	இந்தளம்
குறிப்புகள்	பரசுராமர் பழி தீரும் பொருட்டு பூசித்த தலம். அம்பிகை தவம் செய்தால் யோகவனம் என அழைக்கப்படுகிறது
பதிக பலன்	சிறப்பு பெறுவார்கள்
வரிசை எண்.	34                                                      55/63

திருச்சிற்றம்பலம்          

முத்தன்மிகு மூவிலைநல்வேலன்விரி நூலன்
அத்தன்எமை ஆளுடைய அண்ணல் இடம் என்பர்
மைத்தழை பெரும்பொழிலின் வாசமது வீசப்
பத்தரொடு சித்தர்பயில்கின்ற பழுவூரே.  1  

கோடலொடு கோங்கு ஆவை குலாவுமுடி தன்மேல்
ஆடரவம் வைத்த பெருமானதிடம் என்பர்
மாடமலி சூளிகையி ஏறிமட வார்கள்
பாடலொலி செய்யமலி கின்றபழு வூரே.  2  

வாலிய புரத்தில் அவர் வேவவிழி செய்த
போலிய  ஒருத்தர் புரிநூலரிடம் என்பர்
வேலியின் விரைக்கமலம் அன்னமுக மாதர்
பாலென மிழற்றிநடம் ஆடு பழுவூரே.  3  

எண்ணும் ஓர் எழுத்து மிசையின் கிளவி தேர்வார்
கண்ணு முதலாய கடவுட் கிடம தென்பர்
மண்ணின்மிசை ஆடிமலையாளர் தொழுது ஏத்திப்
பண்ணின் ஒலி கொண்டு பயில்கின்ற பழு வூரே.  4  

சாதல்புரி வார் சுடலை தன்னில்நட மாடும்
நாதன் நமை ஆளுடைய நம்பன் இடம் என்பர்
வேதமொழி சொல்லி மறையாளர் இறைவன் தன்
பாதமவை ஏத்த நிகழ்கின்ற பழு வூரே.  5  

மேவயரு மும்மதிலும் வெந்தழல் விளைத்து
மா அயர அன்று உரிசெய் மைந்தன் இடம் என்பர்
பூவையை மடந்தையர்கள் கொண்டுபுகழ் சொல்லிப்
பாவையர்கள் கற்பொடு பொலிந்த பழுவூரே.  6  

மந்தணம் இருந்து புரிமாமடி தன் வேள்வி
சிந்த விளையாடு சிவலோகனிடம் என்பர்
அந்தணர்கள் ஆகுதியில் இட்ட அகில் மட்டார்
பைந்தொழி நன் மாதர் சுவடு ஒற்றுபழு வூரே.  7  

உரக்கடல் விடத்தினைமிடற்றிலுற வைத்தன்
அரக்கனை அடர்த்து அருளும் அப்பன் இடம் என்பர்
குரக்கினம் விரைப்பொழிலின் மீதுகனி  உண்டு
பரக்குறு புனற்செய்விளையாடுபழு வூரே.  8  

நின்ற நெடுமாலும் ஒரு நான்முகனும் நேட
அன்று தழலாய் நிமிரும் ஆதி இடம் என்பர்
ஒன்றும் இரு மூன்றும் ஒரு நாலும் உணர்வார்கள்
மன்றினில் இருந்துடன்மகிழ்ந்தபழு வூரே.  9  

மொட்டை அமண் ஆதர் துகில் மூடு விரிதேரர்
முட்டைகண் மொழிந்த முனிவான் தன்னிடம் என்பர்
மட்டைமலி தாழை இளநீரதிசை பூகம்
பட்டையொடு தாறுவிரிகின்ற பழு வூரே.  10  

அந்தணர்கள் ஆனமலையாளர் அவர் ஏத்தும்
பந்தமலி கின்ற பழுவூர் அரனை ஆரச்
சந்தமிகு ஞானம் உணர் பந்தன் உரை பேணி
வந்தவணம் ஏத்தும் அவர் வானம் உடை யாரே.

திருச்சிற்றம்பலம்