திரு கானூர்

  

௨ 

திருநாவுக்கரசு சுவாமிகள்   அருளிச்செய்த
ஐந்தாம் திருமுறை 

தகவல் பலகை	விவரம்
தலம்	திரு கானூர்
பிற பெயர்கள்	மணல்மேடு
நாடு	சோழ நாடு (வ)
ॐசுவாமி	செம்மேனி நாதர்
ॐஅம்பிகை	சிவலோக நாயகி
பாடியவர்கள்	சம்பந்தர் (1)         வானார் சோதி (1-73) அப்பர் (1)         திருவின் நாதனும் (5-76)
ஸ்தல மரம்	கொன்றை
தீர்த்தம்	கொள்ளிடம்,
பண்	திரு குறுந்தொகை
குறிப்புகள்	சுவாமி தீ வண்ணராக காட்சி அளித்த தலம்  நாயகன் நாயகி பாவனையில் அமைந்த திருப்பதிகம்
பதிக பலன்	துயரம் நீங்கும் .
வரிசை எண்.	76                                                      56/63

திருச்சிற்றம்பலம்          

திருவின் நாதனும் செம்மலர் மேலுறை
உருவனாய் உலகத்தின் உயிர்க்கு எலாம்
கருவ னாகி முளைத்தவன் கானூரில்
பரம னாய பரஞ்சுடர் காண்மினே.  1  

பெண்டிர் மக்கள் பெருந்துணை நல் நிதி
உண்டு என்றே என்று கவன்மின் ஏழைகாள்
கண்டு கொண் மின்நீர் கானூர் முளையினைப்
புண்டரீகப் பொதும்பில் ஓதுங்கியே.  2  

தாயத் தார் தமர் நல் நிதி என்னும் இம்
மாயத்தே கிடந்திட்டு மயங்கிடேல்
காயத்தே உளன் கானூர் முளையினை
வாயத் தால் வணங்கீர் வினை மாயவே.  3  

குறியில் நின்று உண்டு கூறையிலாச் சமண்
நெறியை விட்டு நிறைகழல் பற்றினேன்
அறியலுற்றிரேல் கானூர் முளையவன்
செறிவு செய்திட்டு இருப்பது என் சிந்தையே.  4  

பொத்தல் மண்சுவர்ப் பொல்லாக் குரம்பையை
மெய்த்தன் என்று வியந்திடேல் ஏழைகாள்
சித்தர் பத்தர்கள் சேர் திருக் கானூரில்
அத்தன் பாதம் அடைதல் கருமமே.  5  

கல்வி ஞானக் கலைப்பொருள் ஆயவன்
செல்வ மல்கு திருக்கானூர் ஈசனை
எல்லி யும் பகலும் மிசைவு ஆனவா 
சொல்லி டீர் நும் துயரங்கள் தீரவே.  6  

நீரும் பாரும் நெருப்பும் அருக்கனும்
காரும்  மாருதம் கானூர் முளைத்தவன்
சேர்வு ஒன்று அறியாது திசைதிசை
ஓர்வும் என்றிலர் ஓடித் திரிவரே.  7  

ஓமத் தோடு அயன் மால் அறியா வணம்
வீமப் பேரொளி யாய விழுப்பொருள்
காமற் காய்ந்தவன் கானூர் முளைத்தவன்
சேமத் தால் இருப்பாவது என் சிந்தையே.  8  

வன்னி கொன்றை எருக்கு அணிந் தான்மலை
உன்னி யேசென்று எடுத்தவன் ஒண் தி றல்
தன்னை வீழத்தனிவிரல் வைத்தவன்
கன்னி மாமதிற் கானூர்க் கருத்தனே.

திருச்சிற்றம்பலம்

இப்பதிகத்தில் 9-ம் பாடல் கிடைக்கப்பெறவில்லை.