திருமந்திரம் - 1.20 கல்வி

                  

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	20
தந்திரம்	முதல் தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	20. கல்வி
பிற குறிப்புகள்

திருச்சிற்றம்பலம்

குறிப்பு அறிந்தேன்உடல் உயிர் அது கூடிச்

செறிப்பு அறிந்தேன் மிகு தேவர் பிரானை

மறிப்பு அறியாது வந்து உள்ளம் புகுந்தான்

கறிப்பு அறியா மிகும் கல்வி கற்றேனே.  1  

கற்றறிவாளர் கருதிய காலத்துக்

கற்றறிவாளர் கருத்தில் ஓர் கண் உண்டு

கற்றறி வாளர் கருதி உரைசெய்யும்

கற்றறி காட்டக் கயல்உள ஆக்குமே.  2  

நிற்கின்ற போதே நிலை உடையான் கழல்

கற்கின்ற செய்மின் கழிந்து அறும் பாவங்கள்

சொல் குன்றல் இன்றித் தொழுமின் தொழுதபின்

மற்று ஒன்று இலாத மணிவிளக்கு ஆகுமே.  3  

கல்வி உடையார் கழிந்து ஓடிப் போகின்றார்

பல்லி உடையார் பாம்பரிந்து உண்கின்றார்

எல்லியும்  காலையும் ஏத்துமின் இறைவனை

வல்லியுள் வாதித்த காயமும் ஆமே.  4  

துணை அது வாய்வரும் தூயநற் சோதி

துணை அது வாய் வரும் தூயநற் சொல்லாம்

துணை அது வாய் வரும் தூயநற் கந்தம்

துணை அது வாய்வரும் தூயநற் கல்வியே.  5  

நூல் ஒன்று பற்றி நுனி ஏற மாட்டாதார்

பால் ஒன்று பற்றினால் பண்பின் பயன்கெடும்

கோல் ஒன்று பற்றினால் கூடா பறவைகள்

மால் ஒன்று பற்றி மயங்குகின் றார்களே.  6  

ஆய்ந்துகொள் வார்க்குஅரன் அங்கே வெளிப்படும்

தோய்ந்த நெருப்பது தூய்மணி சிந்திடும்

ஏய்ந்த இளமதி எட்டவல் லார்கட்கு

வாய்ந்த மனமல்கு நூலேணி யாமே.  7  

வழித்துணை யாய்மருந் தாயிருந் தார்முன்

கழித்துணை யாம்கற் றிலாதவர் சிந்தை

ஒழித்துணை யாம்உம் பராய்உலகு ஏழும்

வழித்துணை யாம்பெருந் தன்மைவல் லானே.  8  

பற்றது பற்றில் பரமனைப் பற்றுமின்

முற்றது எல்லா முதல்வன் அருள்பெறில்

கிற்ற விரகின் கிளர் ஒளி வானவர்

கற்றவர் பேரின்பம் உற்றுநின் றாரே.  9  

கடல் உடை யான்மலை யான்ஐந்து பூதத்து

உடல் உடை யான்பல ஊழிதொ றூம் ஊழி

அடல்விடை ஏறும் அமரர்கள் நாதன்

இடம் உடை யார்நெஞ்சத்தில் இருந் தானே.  10 

திருச்சிற்றம்பலம்