குரங்கு அணில் முட்டம்

                                   

௨ 

திருஞானசம்பந்தர்   சுவாமிகள் அருளிச்செய்த
முதலாம் திருமுறை

தகவல் பலகை	விவரம்
தலம்	குரங்கு அணில் முட்டம்
ஊர்
நாடு	தொண்டை நாடு
ॐசுவாமி	வாலீஸ்வரரர்
ॐஅம்பிகை	இறையார் வளையம்மை
பாடியவர்கள்	ஞானசம்பந்தர்  (1)         விழுநீர் மழுவாள் (1-31)
ஸ்தல மரம்	இலந்தை
தீர்த்தம்	வாலி தீர்த்தம்,  காக்கை தீர்த்தம்
பண்	தக்கராகம்
குறிப்புகள்	குரங்கு (வாலி), அணில், முட்டம்(காகம் வழிபட்ட தலம்  காஞ்சிபுரத்திற்கு அருகாமையில் உள்ளது
பதிக பலன்	பிறவாமை பெற்று முத்திப் பேறு பெறலாம்
வரிசை எண்.	31                                                       6/32

திருச்சிற்றம்பலம்          

விழுநீர்மழு வாள்படை அண்ணல் விளங்கும்

கழுநீர் குவளைம்மல ரக்கயல் பாயும்

கொழுநீர்வயல் சூழ்ந்த குரங்கு அணில் முட்டம்

தொழுநீர்மையர் தீதுறு துன்பம் இலரே.  1  

விடைசேர்கொடி அண்ணல் விளங்கு உயர் மாடக்

கடைசேர் கரு மென்குளத்து ஓங்கிய காட்டில்

குடை ஆர் புனல் மல்கு குரங்கு அணில் முட்டம்

உடையான் எனை ஆளுடை எந்தை பிரானே.    2  

சூலப்படை யான்விடை யான்சுடு நீற்றான்

காலன் தனை ஆருயிர் வவ்விய காலன்

கோலப்பொழில் சூழ்ந்த குரங்கு அணில் முட்டத்து 

ஏலம் கமழ் புன்சடை எந்தை பிரானே.  3  

வாடா விரி கொன்றை வலத்து ஒரு காதில்

தோடு ஆர் குழையான் நல பாலன நோக்கிக்

கூடாதன செய்த குரங்கு அணில் முட்டம்

ஆடா வருவார் அ வர்  அ ன்புடை யாரே.  4  

இறை ஆர் வளையாளை ஓர் பாகத்து அடக்கிக்

கறை ஆர்மிடற்றான் கரி கீறிய கையான்

குறையார் மதி சூடி குரங்கு அணில் முட்டத்து

உறைவான் எமை ஆளுடை ஒண்சுட ரானே.  5  

பலவும் பயன் உள்ளன பற்றும் ஒழிந்தோம்

கலவம் மயில் காமுறு பேடை யொடு ஆடிக்

குலவும்பொழில் சூழ்ந்த குரங்கு அணில் முட்டம்

நிலவும் பெருமான் அடி நித்தல் நினைந்தே.  6  

மாடு ஆர் மலர்க் கொன்றை வளர் சடை வைத்துத்

தோடு ஆர் குழைதான் ஒரு காதில் இலங்கக்

கூடார் மதில் எய்து குரங்கு அணில் முட்டத்து 

ஆடார் அரவம் மரை யார்த்து அமர் வானே.  7  

மையார் நிறம் மேனி அரக்கர் தம் கோனை

உய்யா வகையால் அடர்த்து இன்னருள் செய்த

கொய்யா மலர் சூடி குரங்கு அணில் முட்டம்

கையால் தொழுவார் வினை காண்டல் அரிதே.  8  

வெறியார்மலர்த் தாமரையானொடு மாலும்

அறியாத அசைந்து ஏத்த ஓரார் அழல் ஆகும்

குறியா நிமிர்ந்தான் தன் குரங்கு அணில் முட்டம்

நெறியால் தொழுவார் வினை நிற்ககிலாவே.  9  

கழுவார் துவர் ஆடை கலந்துமெய் போர்க்கும்

வழுவாச் சமண் சாக்கியர் வாக்கு அவை கொள்ளேல்

குழுமின்சடை அண்ணல் குரங்கு அணில் முட்டத்து 

எழில் வெண்பிறையான் அடி சேர்வது இயல்பே.  10  

கல் ஆர் மதில் காழியுள் ஞானசம் பந்தன்

கொல் ஆர் மழு ஏந்தி குரங்கு அணில் முட்டம்

சொல்லார் தமிழ்மாலை செவிக்கினி தாக

வல்லார்க்கு எளிதாம் பிறவா வகை வீடே.

திருச்சிற்றம்பலம்