திருக்கழுக்குன்றம்

               

௨ 

திருஞானசம்பந்தர் சுவாமிகள் அருளிச்செய்த
முதலாம் திருமுறை

தகவல் பலகை	விவரம்
தலம்	திரு கழுக்குன்றம்
ஊர்	வேதகிரி, வேதாச்சலம், கதலிவனம் கழுக்குன்றம்
நாடு	தொண்டை நாடு
ॐசுவாமி	வேதகிரீஸ்வரர்
ॐஅம்பிகை	சொக்க நாயகி
பாடியவர்கள்	திருஞானசம்பந்தர் (1)          தோடு உடையான் ஒரு காதில்(1-103) திருநாவுக்கரசர்(1)         மூவிலை வேல் கையானை (6-92)      சுந்தரர்(1)         கொன்று செய்த கொடுமை  (7-81)
ஸ்தல மரம்	வாழை
தீர்த்தம்	சங்கு தீர்த்தம்.
பண்	குறிஞ்சி
குறிப்புகள்	மலையில் பறவைகள் வந்து உணவு பெற்று செல்வதால் கழுகு தீர்த்தம்  என்று பெயர்  மார்க்கண்டேயன் வழிபட்டது.  மலை வலம் வருதல் சிறப்புடையது  மாணிக்கவாசகருக்கு இறைவன் குரு வடிவு காட்டிய தலம்.  12 ஆண்டுக்கு ஒரு முறை சங்கு உற்பத்தியாகும் குளம் உள்ளது
பதிக பலன்	புண்ணிய பலன்கள் கிடைக்கும்.
வரிசை எண்.	103                                                         28/32

திருச்சிற்றம்பலம்

            

தோடுடையான் ஒரு காதில் 
        தூய குழைதாழ
ஏடுடையான் தலை
        கலனாக இரந்து உண்ணும்

நாடு உடையான் 
        நள்ளிருள் ஏம நடமாடும்
காடு உடையான் காதல்செய் 
        கோயில் கழுக்குன்றே.  1 

 கேணவல்லான் கேழல்
        வெண் கொம்பு குறள் ஆமை
பூணவல்லான் புரிசடை 
        மேலொர் புனல்கொன்றை
பேணவல்லான் பெண்மகள் 
        தன்னை ஒருபாகம்
காணவல்லான் காதல்செய் 
        கோயில் கழுக்குன்றே.  2  

தேன் அகத்தார் வண்டு அது 
        உண்ட திகழ்கொன்றை
தான் அகத்தார் தண்மதி 
        சூடித் தலைமேலோர்
வான் அகத்தார் வையகத்தார்கள் 
        தொழுது ஏத்தும்
கான் அகத்தான் காதல்செய் 
        கோயில் கழுக்குன்றே.  3 

துணையல்செய்தான் தூயவண்டு 
          யாழ்செய் சுடர்க்கொன்றை
பிணையல்செய்தான் பெண்ணின்
        நல்லாளை ஒருபாகம்
இணையல்செய்யா இலங்கு எயில்
          மூன்றும் எரி உண்ணக்
கணையல்செய்தான் காதல்செய் 
          கோயில் கழுக்குன்றே.  4  

பை உடைய பாம்பொடு 
        நீறு பயில்கின்ற
மெய் உடையான் வெண்பிறை 
        சூடி விரிகொன்றை
மை உடைய மாமிடற்று
        அண்ணல் மறிசேர்ந்த
கை உடையான் காதல்செய் 
        கோயில் கழுக்குன்றே.  5

  
வெள்ளம் எல்லாம் விரிசடை 
          மேலோர் விரிகொன்றை
கொள்ள வல்லான் குரைகழல் 
          ஏத்தும் சிறுத்தொண்டர்
உள்ளம் எல்லாம் உள்கிநின்று
          ஆங்கே உடனாடும்
கள்ளம் வல்லான் காதல்செய் 
          கோயில் கழுக்குன்றே. 6  

இப்பதிகத்தில் 7-ஆம் பாடல் கிடைக்கப்பெறவில்லை.  7  

ஆதல் செய்தான் 
        அரக்கர் தம் கோனை அருவரையின்
நோதல் செய்தான் 
        நொடிவரை யின்கண் விரல் ஊன்றிப்
பேர்தல் செய்தான் 
        பெண்மகள் தன்னோடு ஒருபாகம்
காதல் செய்தான் காதல்செய் 
        கோயில் கழுக்குன்றே. 8  

இடந்த பெம்மான் 
        ஏனம தாயும் அனமாயும்
தொடர்ந்த பெம்மான் 
        தூமதி சூடி வரையார்தம்
மடந்தை பெம்மான் 
        வார்கழல் ஓச்சிக் காலனைக்
கடந்த பெம்மான் காதல்செய் 
        கோயில் கழுக்குன்றே.  9  

தேய நின்றான் திரிபுரம் 
         கங்கை சடைமேலே
பாய நின்றான் பலர்புகழ்ந்து  
        ஏத்த உலகு எல்லாம்
சாய நின்றான் வன் 
        சமண் குண்டர் சாக்கி யர்
காய நின்றான் காதல்செய் 
        கோயில் கழுக்குன்றே.  10  

கண்ணுதலான் காதல்செய் 
        கோயில் கழுக்குன்றை
நண்ணியசீர் ஞான 
        சம்பந்தன் தமிழ்மாலை

பண்ணியல்பால்  பாடிய 
        பத்தும் இவைவல்லார்
புண்ணியராய் 
        விண்ணவ ரோடும் புகுவாரே.

திருச்சிற்றம்பலம்