இலிங்க புராணம்

                        

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	3
தந்திரம்	இரண்டாம்  தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	3. இலிங்க புராணம்
பிற குறிப்புகள்	இலிங்கத்தின் பழமை

திருச்சிற்றம்பலம்

                  

அடிசேர்வன் என்னஎம் ஆதியை நோக்கி

முடிசேர் மலைமக னார்மக ளாகித்

திடம் ஆர் தவம் செய்து தேவர் அறியப்

படியார அர்ச்சித்துப் பத்திசெய் தாளே.  1  

திரிகின்ற முப்புரம் செற்ற பிரானை

அரியன் என்று எண்ணி அயர்வுற வேண்டா

புரிவுடை யாளர்க்குப் பொய்யலன் ஈசன்

பரிவொடு நின்று பரிசு அறி வானே.  2  

ஆழி வலம் கொண்டு அயன்மால் இருவரும்

ஊழி வலம்  செய்ய ஒண்சுடர் ஆதியும்

ஆழி கொடுத்தனன் அச்சுதற்க்கு அவ்வழி

வாழி பிரமற்கும் வாள்கொடுத் தானே.  3  

தாங்கி இருபது தோளும் தடவரை

ஓங்க எடுத்தவன் ஒப்பில் பெருவலி

ஆங்கு நெரித்து "அமரா" என்று அழைத்தபின்

நீங்கா அருள்செய்தான் நின்மலன் தானே.  4  

உறுவது அறிதண்டி ஒண்மணல் கூட்டி

அறுவகை ஆன்ஐந்தும் ஆட்டத்தன் தாதை

செறுவகை செய்து சிதைப்ப முனிந்து

மறுமழு வால்வெட்டி மாலைபெற் றானே.  5  

ஓடிவந்து எல்லாம் ஒருங்கிய தேவர்கள்

வாடி முகமும் வருத்தத்துத் தாம் சென்று

நாடி "இறைவா நம" என்று கும்பிட

ஈடில் புகழோன் "எழுக" என் றானே.  6 

திருச்சிற்றம்பலம்