திருமந்திரம் 2:04 - தக்கன் வேள்வி

                         

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	4
தந்திரம்	இரண்டாம்  தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	4.  தக்கன் வேள்வி
பிற குறிப்புகள்	தக்கன் வேள்வி கருப்பொருள்

திருச்சிற்றம்பலம்

                  

தந்தைபி ரான்வெகுண் டான்தக்கன் வேள்வியை

வெந்தழல் ஊடே புறப்பட விண்ணவர்

முந்திய பூசை முடியார் முறைகெட்டுச்

சிந்தினர் அண்ணல் சினம் செய்த போதே.  1

சந்தி செயக்கண்டு எழுகின்ற அரிதானும்

எந்தை இவன் அல்ல யாமே உலகினில்

பந்தம் செய் பாசத்து வீழ்ந்து தவம் செய்ய

அந்தம் இலானும் அருள்புரிந் தானே.  2

அப்பரிசே அயனார் பதி வேள்வியுள்

அப்பரிசே அங்கி அதிசயம் ஆகிலும்

அப்பரிசே அது நீர்மையை உள்கலந்து 

அப்பரிசே சிவன் ஆலிக்கின் றானே.  3

அப்பரி சேஅயன் மால்முதல் தேவர்கள்

அப்பரி சே அவர் ஆகிய காரணம்

அப்பரிசு அங்கி யுளநாளும் உள்ளிட்டு

அப்பரிசு ஆகி அலர்ந்து இருந்தானே.  4

அலர்ந்து இருந்தான் என்று அமரர் துதிப்பக்

குலம் தரும் கீழ் அங்கி கோளுற நோக்கிச்

சிவந்த பரம் இது சென்று கதுவ

உவந்த பெருவழி ஓடி வந்தானே.  5

அரி,  பிரமன், தக்கன் அருக்கன் உடனே

வருமதி, வாலை, வன்னிநல் இந்திரன்

சிரம், முகம்,  நாசி, சிறந்தகை தோள்தான்

அரன் அருள் இன்றி அழிந்தநல் லோரே. 6

செவி மந்திரம் சொல்லும்  செய்தவத் தேவர்

அவிமந் திரத்தின் அடுக்களை கோலிச்

செவிமந் திரம் செய்து தாம் முற நோக்கும்

குவிமந் திரங்கொல் கொடியது வாமே.  7

நல்லார் நவகுண்டம் ஒன்பதும் இன்புறப்

பல்லார் அமரர் "பரிந்தருள் செய்க" என

வில்லார்  புரத்தை விளங்கு எரி கோத்தவன்

பொல்லா அசுரர்கள் பொன்றும் படிக்கே.  8

தெளிந்தார் கலங்கினும் நீ கலங்காதே

அளித்தாங்கு அடைவது எம் ஆதிப் பிரானை

விளிந்தான் அது தக்கன் வேள்வியை வீயச்1

சுளிந்தாங்கு அருள்செய்த தூ மொழி யானே.