திரு ஒணகந்தான்தளி

௨ 

சுந்தரமூர்த்தி சுவாமிகள் அருளிச்செய்த
ஏழாம் திருமுறை

தகவல் பலகை	விவரம்
தலம்	திரு ஒணகாந்தான்தளி
ஊர்
நாடு	தொண்டை நாடு
ॐசுவாமி	ஒணேஸ்வரர், காந்தேஸ்வரர்
ॐஅம்பிகை	காமாட்சி அம்மை
பாடியவர்கள்	சுந்தரர்   (1)         நெய்யும் பாலுந் தயிரும் (7-5)
ஸ்தல மரம்
தீர்த்தம்
பண்	இந்தளம்
குறிப்புகள்	பொன் பெற்ற பதிகம்
பதிக பலன்	பாவம் விலகும்.
வரிசை எண்.	05                                                       4/32

திருச்சிற்றம்பலம்          

நெய்யும் பாலும் தயிரும் கொண்டு    
          நித்தல் பூசனை செய்யல் உற்றார்    
கையில் ஒன்றும் காணம் இல்லைக்    
          கழலடி தொழுது உய்யின் அல்லால்    
ஐவர் கொண்டு இங்கு ஆட்ட ஆடி    
          ஆழ் குழிப்பட்டு அழுந்து வேனுக்கு 
உய்யுமாறு ஒன்று அருளிச் செய்யீர்    
          ஓண காந்தன் தளியு ளீரே.  1  

திங்கள் தங்கு சடைக்கண் மேலோர்    
          திரைகள் வந்து புரள வீசும்    
கங்கை யாளேல் வாய் திறவாள்    
          கணபதியேல் வயிறு தாரி    
அங்கை வேலோன் குமரன் பிள்ளை    
          தேவி யார் கோல் தட்டி யாளார்    
உங்க ளுக்கு ஆட் செய்ய மாட்டோம்    
          ஓண காந்தன் தளியு ளீரே.  2  

பெற்ற போழ்தும் பெறாத போழ்தும்    
        பேணி உம்கழல் ஏத்து வார்கள்    
மற்றோர் பற்றிலர் என்று இரங்கி    
          மதி உடையவர் செய்கை செய்யீர்    
அற்ற போழ்தும் அலந்த போழ்தும்    
          ஆவற் காலத்து அடிகேள் உம்மை    
ஒற்றி வைத்து இங்கு உண்ண லாமோ    
          ஓண காந்தன் தளியு ளீரே.  3  

வல்ல தெல்லாம் சொல்லி உம்மை    
          வாழ்த்தி னாலும் வாய்திறந்து ஒன்று 
இல்லை என்னீர் உண்டும் என்னீர்    
          எம்மை ஆள்வான் இருப்ப தென்னீர்    
பல்லை யுக்கப் படுத லையிற்    
          பகல்எ லாம்போய்ப் பலிதி ரிந்திங்    
கொல்லை வாழ்க்கை ஒழிய மாட்டீர்    
          ஓண காந்தன் தளியு ளீரே.  4  

கூடிக் கூடித் தொண்டர் தங்கள்    
          கொண்ட பாணி குறைப டாமே    
ஆடிப் பாடி அழுது நெக்கு அங்கு   
          அன்பு உடையவர்க்கு இன்பம் ஓரீர்    
தேடித் தேடித் திரிந்து எய்த் தாலும்    
          சித்தம் என்பால் வைக்க மாட்டீர்    
ஓடிப் போகீர் பற்றும் தாரீர்    
          ஓண காந்தன் தளியு ளீரே.  5  

வாரி ருங்குழல் வாள்நெ டுங்கண்    
          மலைம கள்மது விம்மு கொன்றைத்    
தாரி ருந்தட மார்பு நீங்காத்    
          தைய லாள்உலகு உய்ய வைத்த    
கார் இரும்பொழிற் கச்சி மூதூர்க்    
          காமக் கோட்டம் உண்டாக நீர்போய்    
ஊர் இடும்பிச்சை கொள்வது என்னே    
          ஓண காந்தன் தளியு ளீரே.  6  

பொய்ம்மை யாலே போது போக்கிப்    
          புறத்தும் இல்லை அகத்தும் இல்லை    
மெய்ம்மை சொல்லி ஆள மாட்டீர்    
          மேலை நாள் ஒன்று இடவும் கில்லீர்    
எம்மைப் பெற்றால் ஏதும் வேண்டீர்    
          ஏதும் தாரீர் ஏதும் ஓதீர்    
உம்மை அன்றே எம்பெ ருமான்    
          ஓண காந்தன் தளியு ளீரே.  7  

வலையம் வைத்த கூற்ற மீவான்    
          வந்து நின்ற வார்த்தை கேட்டுச்    
சிலை அமைத்த சிந்தை யாலே    
          திருவடி தொழுது உய்யின் அல்லால்
கலை அமைத்த காமச் செற்றக்    
          குரோத லோப மதவ ரூடை    
உலைஅ மைத்து இங்கு ஒன்ற மாட்டேன்    
          ஓண காந்தன் தளியு ளீரே.  8  

வார மாகித் திருவ டிக்குப்    
          பணிசெய் தொண்டர் பெறுவது என்னே    
ஆரம் பாம்பு வாழ்வது ஆரூர்    
          ஒற்றி யூரேல் உம்ம தன்று    
தார மாகக் கங்கை யாளைச்    
          சடையில் வைத்த அடிகேள் உந்தம்    
ஊரும் காடு உடையும் தோலே    
          ஓண காந்தன் தளியு ளீரே.  9  

ஓவ ணமேல் எருது ஒன்று ஏறும்    
          ஓண காந்தன் தளியுளார் தாம்    
ஆவணம் செய்து ஆளும் கொண்ட
          வரைது கில்லொடு பட்டு வீக்கிக்    
கோவ ணமேற் கொண்ட வேடம்    
          கோவை யாகஆ ரூரன் சொன்ன    
பாவ ணத்தமிழ் பத்தும்வல் லார்க்குப்    
          பறையும்  தாம் செய்த பாவம் தானே.

திருச்சிற்றம்பலம்