2:17 - அபாத்திரம்

       ௨

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	17
தந்திரம்	இரண்டாம்  தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	17.  அபாத்திரம்
பிற குறிப்புகள்	அல்லார்க்கு பயன் இல்லை என குறித்தது

திருச்சிற்றம்பலம்

                  

கோல வறட்டைக் குனிந்து குளகிட்டுப்

பாலைக் கறந்து பருகுவதே ஒக்கும்

சீலமும் நோன்பும் இலாதவர்க்கு ஈந்தது

காலம் கழிந்த பயிர் அது ஆகுமே.  1

ஈவது யோக இயம நியமங்கள்

சார்வது அறிந்தன்பு தங்கும் அவர்க்கு அன்றி

ஆவது அறிந்தன்பு தங்கா தவர்க்களுக்கு

ஈவ பெரும்பிழை என்றுகொள் ளீரே.  2

ஆமாறு அறியான் அதிபஞ்ச பாதகன்

தோமாறும் ஈசற்குந் தூய குரவற்கும்

காமாதி விட்டோ ர்க்கும் தூடணம் கற்பிப்போன்

போமா நரகில் புகான்போதங் கற்கவே.  3

மண்மலை அத்தனை மாதனம் ஈயினும்

அண்ணல் இவன் என்றே அஞ்சலி அத்தனாய்

எண்ணி இறைஞ்சாதார்க்கு  ஈந்த இருவரும்

நண்ணுவர் ஏழா நரகக் குழியிலே.  4