2:21 - சிவ நிந்தை

           ௨

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	21
தந்திரம்	இரண்டாம்  தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	21.  சிவ நிந்தை
பிற குறிப்புகள்	பெருமானை பழித்தல்

திருச்சிற்றம்பலம்

 

தெளிவுறு ஞானத்துச் சிந்தையின் உள்ளே

அளிவு உறுவார் அமராபதி நாடி

எளியன் என்று ஈசனை நீசர் இகழின்,

கிளி ஒன்று பூஞையால் கீழது ஆகுமே.  1

முளிந்தவர் வானவர் தானவர் எல்லாம்

விளிந்தவர் மெய்ந்நின்ற ஞானம் உணரார்

அளிந்து அமுது ஊறிய ஆதிப் பிரானைத்

தளிந்தவர்க்கு அல்லது தாங்கஒண் ணாதே.  2

அப்பகை யாலே அசுரரும் தேவரும்

நற்பகை செய்து நடுவே முடிந்தனர்

எப்பகை ஆகிலும் எய்தார் இறைவனைப்

பொய்ப்பகை செய்யினும் ஒன்றுபத் தாமே.  3

போகமும் மாதர் புலவி அதுநினைந்த

ஆகமும் உள்கலந்து அங்குஉளர் ஆதலில்

வேதியர் ஆயும் விகிர்தன் ஆம் என்கின்ற

நீதியுள் ஈசன் நினைப்பு ஒழிவாரே.  4