2:23 - மயேசுர நிந்தை

                           

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	23
தந்திரம்	இரண்டாம்  தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	23.  மயேசுர நிந்தை
பிற குறிப்புகள்	மகேசுர பூசை செய்பவரை நிந்தை செய்தால் வரும் தீமை

திருச்சிற்றம்பலம்

ஆண்டான் அடியவர் ஆர்க்கும் விரோதிகள்

ஆண்டான் அடியவர் ஐயம் ஏற்று உண்பவர்

ஆண்டான் அடியரை வேண்டாது பேசினோர்

தாம்தாம் விழுவது தாழ்ந்த நரகு ஆகுமே.  1

ஞானியை நிந்திப் பவனும் நலன் என்றே

ஞானியை வந்திப் பவனுமே நல்வினை

யான கொடுவினை தீர்வார் அவன்வயம்

போன பொழுதே புகும் சிவ போகமே.  2