2:24 - பொறையுடைமை

                            

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	24
தந்திரம்	இரண்டாம்  தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	24.  பொறையுடைமை
பிற குறிப்புகள்	பொறுத்துக் கொள்ளும் தன்மை உடைமை

திருச்சிற்றம்பலம்

பற்றிநின் றார்நெஞ்சில் பல்லிதான் ஒன்று உண்டு

முற்றிக் கிடந்தது மூக்கையும் நாவையும்

தெற்றிக் கிடந்து சிதைக்கின்ற சிந்தையுள்

வற்றா தொழிவது மாகமை ஆமே.  1

ஓலக்கம் சூழ்ந்த உலப்பு இலி தேவர்கள் 

பால் ஒத்த மேனியன் பாதம் பணிந்து உய்ய

மாலுக்கும் ஆதிப் பிரமற்கும் மன்னவன் 

ஞாலத்து இவன் மிக நல்லவன் என்றாரே.  2 

ஞானம் விளைந்தவர் நம்மிட மன்னவர்

சேனை வளைந்து திசைதொறும் கைதொழ

ஊனை விளைத்திடும் உம்பர்தம் ஆதியை

ஏனை விளைந்தருள் எட்டலும் ஆமே.  3

வல்வகை யாலும் மனையிலும் மன்றிலும்

பல்வகை யாலும் பயிற்றிப் பதம் செய்யும்

கொல்லையின் நின்று குதிகொள்ளும் கூத்தனுக்கு

எல்லை இலாத இலயம்உண் டாமே.  4