3.1 - அட்டாங்க யோகம்

                              

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	1
தந்திரம்	மூன்றாம் தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	1. அட்டாங்க யோகம்
பிற குறிப்புகள்	இயமம், நியமம் முதலான எட்டு அங்கங்களை உடைய இறைவனை அடையும் நெறி

திருச்சிற்றம்பலம்

உரைத்தன வற்கரி ஒன்று முடிய

நிரைத்த இராசி நிரைமுறை எண்ணிப்

பிரச்சதம் எட்டும்முன் பேசியே நந்தி

நிரைத்த இயமம் நியமம் செய்தானே.  1

செய்த இயம நியமம் சமாதிசென்று

உய்யப் பராசத்தி உத்தர பூருவ

மெய்த கவச நியாசங்கள் முத்திரை

எய்த உரைசெய்வன் இந்நிலை தானே.  2

அந்நெறி இந்நெறி என்னாது அட்டாங்கத்

தன் நெறி சென்று சமாதியி லேநின்மின்

நன்னெறி செல்வார்க்கு ஞானத்திலே கலாம்

புன்னெறி யாகத்தில் போக்கில்லை ஆகுமே. 3

இயம நியமமே எண்ணிலா ஆதனம்

நயமுறு பிராணாயாமம் பிரத்தி யாகாரம்

சயமிகு தாரணை தியானம் சமாதி

அயமுறும் அட்டாங்கம் ஆவதும் ஆமே.