2:25 - பெரியாரைத் துணைகோடல்

                             

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	25
தந்திரம்	இரண்டாம்  தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	25. பெரியாரைத் துணைக் கோடல்
பிற குறிப்புகள்	ஞானம் மிக்கவரை துணையாக கொள்ளுதல்

திருச்சிற்றம்பலம்

ஓடவல் லார்தம ரோடு நடாவுவன்

பாடவல் லார் ஒலி  பார்மிசை வாழ்குவன்

தேடவல் லார்க்கு அருள் தேவர் பிரானொடும்

கூடவல் லார் அடி கூடுவன் யானே.  1

தாமிடர்ப் பட்டுத் தளிர்போல் தயங்கினும்

மாமனத்து அங்குஅன்பு வைத்தது இலையாகும்

நீஇடர்ப் பட்டிருந்து என்செய்வாய் நெஞ்சமே

போம் இடத்து என்னொடும் போதுகண் டாயே.  2

அறிவார் அமரர் தலைவனை நாடிச்

செறிவார் பெறுவர் சிவ தத்துவத்தை

நெறிதான் மிகமிக நின்று அருள் செய்யும்

பெரியார் உடன்கூடல் பேரின்பம் ஆமே.  3

தார்சடை யான்தன் தமராய் உலகினில்

போர் புகழான் எந்தை பொன்னடி சேருவர்

வாய் அடையா உள்ளம் தேர்வார்க்கு அருள்செய்யும்

கோ அடைந்து அந்நெறி கூடலும் ஆமே.  4

உடையான் அடியார் அடியார் உடன்போய்

படையார் அழலான் பதிசென்று புக்கேன்

கடையார நின்றவர் கண்டறி விப்ப

உடையான் வருக என ஓலம் என் றாரே.  5

அருமைவல் லான்கலை ஞானத்துள் தோன்றும்

பெருமைவல் லோன்பிற விச்சுழி நீந்தும்

உரிமைவல் லோன் உணர்ந்து ஊழி இருக்கும்

திருமைவல் லாரொடு சேர்ந்தனன் யானே.

இரண்டாம் தந்திரம் முடிவுற்றது.