திரு மங்கலகுடி

         ௨ 

திருநாவுக்கரசு  சுவாமிகள் அருளிச்செய்த
ஐந்தாம் திருமுறை

தகவல் பலகை	விவரம்
தலம்	திரு மங்கலகுடி
ஊர்
நாடு	சோழ (காவிரி வட)
ॐசுவாமி	பிராண வரதேஸ்வரர்
ॐஅம்பிகை	மங்கள நாயகி,
பாடியவர்கள்	சம்பந்தர் (1)         சீரினார் மணியும் அகில்(2-10) அப்பர் (1)          தங்கலப்பிய தக்கன் (5-73)
ஸ்தல மரம்	வெள்ளெருக்கு
தீர்த்தம்	மங்கள தீர்த்தம், காவிரி
பண்	இந்தளம்
குறிப்புகள்	பஞ்ச மங்கள ஷேத்திரம் என்று போற்றப்படுகிறது இத்தலத்தை தரிசித்த பிறகு அருகில் உள்ள சூரியனார் கோவில் சென்று வழி பட வேண்டும் என்பது மரபு காளி, சூரியன், திருமால், பிரமன், அகத்தியர் வழிபட்ட தலம்
பதிக பலன்	தேவர் தம் முதல்வராக விளங்குவர்
வரிசை எண்.	73                                                               38/63

திருச்சிற்றம்பலம்

தங்க லப்பிய தக்கன் பெருவேள்வி
அங்க லக்கழித்தாரருள் செய்தவன்
கொங்க லர்க் குழற் கொம்பனையாளொடு
மங்க லக்குடிமேய மணாளனே.  1

காவி ரியின்வடகரைக் காண் தகு
மாவி ரியும்பொழில்மங் கலக்குடித்
தேவ ரியும் பிரமனும்  தேடொணாத்
தூவெ ரிச்சுடர்ச்சோதியுட் சோதியே.  2

மங்க லக்குடி ஈசனை மாகாளி
வெங்க திர்ச்செல்வன் விண்ணொடு மண்ணும்நேர்
சங்கு சக்கர தாரி சதுர்முகன்
அங்க அகத்தியனும் அர்ச்சித்தார் அன்றே.  3

மஞ்சன் வார்கடல் சூழ்மங்க லக்குடி
நஞ்சம் ஆரமுதாக நயந்துகொண்டு 
அஞ்சும் ஆடல் அமர்ந்து அடியேனுடை
நெஞ்சம் ஆலய மாக்கொண்டு நின்றதே.  4

செல்வம்  மல்கு திருமங் கலக்குடிச்
செல்வம்  மல்கு சிவநிய மத்தராய்ச்
செல்வம்  மல்கு செழுமறை யோர்தொழச்
செல்வன் றேவியொடும் திகழ் கோயிலே.  5

மன்னு சீர்மங்கலக்குடி மன்னிய
பின்னு வார்சடைப்பிஞ்ஞகன் தன்பெயர்
உன்னு வாரும் உரைக்க வல்லார்களும் 
துன்னு வார்நன்னெறிதொடர் வெய்தவே.  6

மாத ரார்மருவும்மங்க லக்குடி
ஆதி நாயகன் அண்டர்கள் நாயகன்
வேத நாயகன் வேதியர் நாயகன்
பூத நாயகன் புண்ணிய மூர்த்தியே.  7

வண்டு சேர்பொழில் சூழ்மங்க லக்குடி
விண்ட தாதையைத்தாளற வீசிய
சண்ட நாயகனுக்கு அருள் செய்தவன்
துண்ட மாமதி சூடிய சோதியே.  8

கூசு வாரலர் குண்டர் குணமிலர்
நேசம் ஏதும் இலாதவர் நீசர்கள்
மாசர் பால்மங்கலக்குடி மேவிய
ஈசன் வேறு படுக்க உய்ந்தேன் அன்றே.  9

மங்க லக்குடியான்கயி லைமலை
அங்க லைத்தெடுக்குற்ற அரக்கர்கோன்
தன் கரத்தொடு தாள்தலை தோள்தகர்ந்து 
அங்கலைத்து அழுது உய்ந்தனன் தான் அன்றே .  10

திருச்சிற்றம்பலம்