3.19 - பரியங்க யோகம்

                                            

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	19
தந்திரம்	மூன்றாம் தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	19. பரியங்க யோகம்
பிற குறிப்புகள்	கூடியிருந்து செய்யும் போகத்தை யோகமாக்குதல் என்பது

திருச்சிற்றம்பலம்

பூசு வன எல்லாம் பூசிப் புலர்த்திய

வாச நறுங்குழல் மாலையும் சாத்தி

காயக் குழலி கலவி யொடுங்கலந்து

ஊசித் துளையுறத் தூங்காது போகமே  1

போகத்தை உன்னவே போகாது வாயுவு

மோகத்தை வெள்ளியும்  மீளும் வியாழத்தில்

சூது ஒத்த மென்முலை யாளுநற் சூதனும்

தாதில் குழைந்து தலைகண்ட வாறே  2

கண்டனும் கண்டியும் காதல்செய் யோகத்து

மண்டலம் கொண்டு இரு பாலும் வெளிநிற்கும்

வண்டியை மேற்கொண்டு வான் நீர் உருட்டிடத்

தண்டு ஒரு காலும் தளராது அங்கமே  3

அங்கு அப் புணர்ச்சியும் ஆகின்ற தத்துவம்

அங்கத்தில் விந்து வருகின்ற போகத்துப்

பங்கப் படாமல் பரிகரித் துத் தம்மைத்

தங்கிக் கொடுக்கத் தலைவனும் ஆமே  4

தலைவனும் ஆயிடும் தன்வழி ஞானம்

தலைவனும் ஆயிடும் தன்வழி போகம்

தலைவனும் ஆயிடும் தன்வழி உள்ளே

தலைவனும் ஆயிடும் தன்வழி அஞ்சேபஞ்ச பூதங்கள் - நிலம், நீர், காற்று, நெருப்பு, ஆகாயம்   5

அஞ்சி கடிகைமேல் ஆறாம்  கடிகையில்

துஞ்சுவது ஓ ன்றத் துணைவி துணைவன்பால்

நெஞ்சு நிறைந்தது வாய்கொளாது  எ ன்றது

பஞ்ச கடிகை பரியங்க யோகமே  6

பரியங்க யோகத்துப் பஞ்ச கடிகை

அரியஇவ் வியோகம் அடைந்தவர்க்கு அல்லது

சரிவளை முன்கைச்சி சந்தனக் கொங்கை

உருவித் தழுவ ஒருவற்கு ஓண்ணாதே  7

ஒண்ணாத யோகத்தை உற்றவர் ஆர் என்னில்

விண் ஆர்ந்த கங்கை விரிசடை வைத்தவன்

பண் ஆர் அமுதினைப் பஞ்ச கடிகையில்

'எண்ணாம்' எனஎண்ணி இருந்தான் இருந்ததே.  8

ஏய்ந்த பிராயம் இருபதும்  முப்பதும்

வாய்ந்த குழலிக்கு மன்னர்க்கும் ஆனந்தம்

வாய்ந்த குழலியோடு ஐந்தும்  மலர்ந்திடச்

சோர்ந்தன சித்தமும் சோர்வு இல்லை வெள்ளிக்கே  9

வெள்ளி உருகிப் பொன்வழி ஓடாமே

கள்ளத்தட் டானார் கரியிட்டு மூடினார்

கொள்ளி பறியக் குழல்வழி யேசென்று

வள்ளி உள் நாவில் அடக்கிவைத் தாரே  10

வைத்த இருவரும் தம்மின் மகிழ்ந்து உடன்

சித்தம் கலங்காது செய்கின்ற ஆனந்தம்

பத்து வகைக்கும் பதினெண் கணத்துக்கும்

வித்தக னாய்நிற்கும் வெங்கதி ரோனே  11

வெங்கதி ருக்குஞ் சனிக்கும் இடைநின்ற

நங்கையைப் புல்லிய நம்பிக்கோர் ஆனந்தம்

தங்களிற் பொன் இடை வெள்ளிதா ழாமுனந்

திங்களில் செவ்வாய் புதைத்து இருந் தாரே  12

திருத்திப் புதனைத் திருத்தல்செய் வார்க்குக்

கருத்தழ காலே கலந்து அங்கு இருக்கில்

வருத்தமும் இல்லையாம்  மங்கை பங்கற்கும் 

துருத்தியுள் வெள்ளியும் சோராது எழுமே  13

எழுகின்ற தீயை முன்னே கொண்டு சென்றிட்டால்

மெழுகு உருகும் பரிசு எய்திடும் மெய்யே

உழுகின்றது இல்லை ஒளியை அறிந்தபின்

விழுகின்றது இல்லை வெளி அறிவார்க்கே  14

வெளியை அறிந்து வெளியின் நடுவே

ஒளியை அறியின் உளி முறி ஆமே

தெளிவை அறிந்து செழுநந்தி யாலே

வெளியை அறிந்தனன் மேல் அறியேனே  15

மேல் ஆம்  தலத்தில் விரிந்தவர் ஆர் எனின்

மால் ஆம் திசைமுகன் மாநந்தி ஆயவர்

நால் ஆம்  நிலத்தின்  நடு ஆன அப்பொருள்

மேலாஇ உரைத்தனர் மின் இடை யாளுக்கே  16

மின்னிடை யாளுமின் னாளனும் கூட்டத்துப்

பொன்னிடை வட்டத்தின் உள்ளே புகப்பெய்து

தன்னொடு தன்னை தலைப்பெய்ய வல்லாரேன்

மண்ணிடைப் பல் ஊழி வாழலும் ஆமே  17

வாங்கல் இறுதலை வாங்கலில் வாங்கிய

வீங்க வலிக்கும் விரகு அறிவார் இல்லை

வீங்க வலிக்கும் விரகு அறி வாளரும்

ஓங்கிய தன்னை உதம்பண்ணி னாரே  18

உதமறிந் தங்கே ஒருசுழிப் பட்டால்

கதம் அறிந்து அதங்கே கபாலம் கறுக்கும்

இதம் அறிந்து என்றும் இருப்பாள் ஒருத்தி

பதம் அறிந்தும் உளே பார்க்கடிந் தாளே  19

பார் இல்லை நீர் இல்லை பங்கயம் ஒன்று உண்டு

தார் இல்லை வேர் இல்லை தாமரை பூத்தது

ஊர் இல்லை காணும் ஒளியது ஒன்று உண்டு

கீழ் இல்லை மேல் இல்லை கேள்வியிற் பூவே  20