திரு ஒமாம்புலியூர்

                                                                                    ௨ 

ஞானசம்பந்த மூர்த்தி சுவாமிகள்  அருளிச்செய்த
மூன்றாம்  திருமுறை

தகவல் பலகை	விவரம்
தலம்	திரு ஒமாம்புலியூர்
ஊர்/வேறு பெயர்
நாடு	சோழ (காவிரி வட)
ॐசுவாமி	துயர் தீர்த்த நாதர்
ॐஅம்பிகை	பூங்கொடி நாயகி
பாடியவர்கள்	சம்பந்தர்  (1)         பூங்கொடி மடவாள் (3-122) அப்பர் (1)         ஆராரம் மூவிலைமேல் (6-88)
ஸ்தல மரம்	இலந்தை மரம்
தீர்த்தம்	கெளரி தீர்த்தம், கொள்ளிடம்
பண்	திருத்தாண்டகம்
குறிப்புகள்	வியாக்கிரபாதர் வழிப்பட்ட தலம்  அம்பிகைக்குக் பிரணவப் பொருளை உபதேசித்து அருளிய தலம்
பதிக பலன்	தேவலோக வாழ்வு கிட்டும்.
வரிசை எண்.	122                                                            31/63

திருச்சிற்றம்பலம்

பூங்கொடி மடவாள் உமை ஒரு பாகம்                        
          புரிதரு சடைமுடி அடிகள்                        
வீங்கிருள் நட்டம் ஆடும் எம் விகிதர்                        
          விருப்பொடும் உறைவிடம் வினவில்                        
தேங்கமழ் பொழிலில் செழுமலர் கோதிச்                        
          செறிதரு வண்டு இசை பாடும்                        
ஓங்கிய புகழார் ஓமமாம் புலியூர்                        
          உடையவர் வடதளி அதுவே.  1

சம்பரற்கு அருளிச் சலந்தரன் வீயத்                        
          தழல் உமிழ் சக்கரம் படைத்த                        
எம்பெரு மானார் இமையவர் ஏத்த 
          இனிதின் அங்கு உறைவிடம் வினவில்                        
அம்பர மாகி அழல் உமிழ் புகையின்                        
          ஆகுதி யால்மழை பொழியும்                        
உம்பர்கள் ஏத்தும் ஓமமாம் புலியூர்                        
          உடையவர் வடதளி அதுவே.  2

பாங்குடைத் தவத்துப் பகீரதற்கு அருளிப்
          படர்சடைக் கரந்தநீர்க் கங்கை           
தாங்குதல் தவிர்த்துத் தராதலத்து தராதலம்-அதல, விதல, சுதல, தராதல, மகாதல, ரசாதல, பாதாள என்ற ஏழு உலகத்தில் ஒன்று; மண்ணுலகம்இழித்த
          தத்துவன் உறைவிடம் வினவில்                 
ஆங்கு எரி மூன்றும் அமர்ந்து உடன் இருந்த
          அங்கையால் ஆகுதி வேட்கும்
ஓங்கிய மறையோர் ஓமமாம் புலியூர்
          உடையவர் வடதளி அதுவே.  3

புற்றரவு அணிந்து நீறுமெய் பூசிப்
          பூதங்கள் சூழ்தர ஊரூர்
பெற்றம் ஒன்று ஏறிப் பெய்பலி கொள்ளும்
          பிரான் அவன் உறைவிடம் வினவில்                        
கற்றநால் வேதம் அங்கம் ஓர் ஆறும்                         
          கருத்தினார் அருத்தியால் தெரியும்
உற்றபல் புகழார் ஓமமாம் புலியூர்            
          உடையவர் வடதளி அதுவே.  4

நிலத்தவர் வானம் ஆள்பவர் கீழோர்                        
          துயர்கெட நெடியமாற்கு அருளால்                        
அலைத்த வல் அசுரர் ஆசற ஆழி                        
          அளித்தவன் உறைவிடம் வினவில் 
சலத்தினால் பொருள்கள் வேண்டுதல் செய்யாத்                        
          தன்மையார் நன்மையால் மிக்க                        
உலப்பில்பல் புகழார் ஓமமாம் புலியூர்                        
          உடையவர் வடதளி அதுவே.  5

மணந்திகழ் திசைகள் எட்டும் ஏழ் இசையும்
          மலியும் ஆறு அங்கம்ஐ வேள்வி
இணைந்த நால் வேதம் மூன்று எரி இரண்டு
          பிறப்பென ஒருமையால் உணரும்
குணங்களும் அவற்றின் கொள்பொருள் குற்றம்
          அற்றவை யுற்றது எல்லாம்
உணர்ந்தவர் வாழும் ஓமமாம் புலியூர்
          உடையவன் வடதளி அதுவே.  6

தலை ஒரு பத்தும் தடக்கையது இரட்டி
          தானுடை அரக்கன் ஒண் கயிலை
அலைவது செய்த அவன்திறல் கெடுத்த
          ஆதியார் உறைவிடம் வினவில்
மலை என ஓங்கும் மாளிகை நிலவும்
          மாமதில் மாற்றலர் என்றும்
உலவுபல் புகழார் ஓமமாம் புலியூர்
          உடையவர் வடதளி அதுவே.  8

கள்ளவிழ் மலர்மேல் இருந்தவன் கரியோன் 
          என்று இவர் காண்பரி தாய
ஒள்ளெரி உருவர் உமை அவளோடும்
          உகந்து இனிது உறைவிடம் வினவில்
 பள்ளநீர் வாளை பாய்தரு கழனிப் 
          பனிமலர்ச் சோலைசூழ் ஆலை  
ஒள்ளிய புகழார் ஓமமாம் புலியூர்   
          உடையவர் வடதளி அதுவே.  9

தெள்ளியர் அல்லாத் தேரரோடு அமணர்
          தடுக்கொடு சீவரம் உடுக்கும்    
கள்ளமார் மனத்துக் கலதிகட்கு அருளாக்
          கடவுளார் உறைவிடம் வினவில் 
நள்ளிருள் யாமம் நான்மறை தெரிந்து
          நலந்திகழ் மூன்று எரி ஓம்பும் 
ஒள்ளியார் வாழும் ஓமமாம் புலியூர்
          உடையவர் வடதளி அதுவே.  10

விளைதரு வயலுள் வெயில்செறி பவளம்
          மேதிகள் மேய்புலத்து இடறி
ஒளிதர மல்கும் ஓமமாம் புலியூர்
          உடையவர் வடதளி அரனைக்
களிதரு நிவப்பிற் காண்டகு செல்வக்
          காழியுள் ஞானசம் பந்தன்
அளிதரு பாடல் பத்தும்வல் லார்கள்
          அமரலோ கத்து இருப் பாரே.  11

திருச்சிற்றம்பலம்

இப்பதிகத்தில் 7-ம் பாடல் கிடைக்கப்பெறவில்லை.  7