திரு புன்கூர்

                                                                             ௨ 

திருஞானசம்பந்தர்   சுவாமிகள்  அருளிச்செய்த
முதலாம்  திருமுறை

தகவல் பலகை	விவரம்
தலம்	திரு புன்கூர்
ஊர்/வேறு பெயர்
நாடு	சோழ (காவிரி வட)
ॐசுவாமி	சிவலோக நாதர்
ॐஅம்பிகை	சொக்க நாயகி
பாடியவர்கள்	சம்பந்தர்   (1)        முந்தி நின்ற வினைகள் (1-27) அப்பர் (1)         பிறவாதே தோன்றிய (6-11) சுந்தரர்  (1)          அந்தணாளன்  (7-55)
ஸ்தல மரம்	புங்கன் மரம்
தீர்த்தம்	கணபதி தீர்த்தம்
பண்	தக்க ராகம்
குறிப்புகள்	இந்திரன், சூரியன், சந்திரன், அக்னி, பிரமன், அகத்தியர், பதஞ்சலி, சப்த கன்னியர் ஆகியோர் வழிபட்ட தலம்  திருநாளைப் போவார் (நந்தனார்) விண்ணப்பத்தை ஏற்று, ஈசன் ஆணையால் நந்தி விலகி உள்ள திருத்தலம்.  நந்தனார் இங்கு திருக்குளம் வெட்டினார்.
பதிக பலன்	நிறைவான வாழ்வு கிட்டும்.
வரிசை எண்.	27                                                           20/63

திருச்சிற்றம்பலம்

முந்தி நின்ற வினைகள் அவைபோகச்
சிந்தி நெஞ்சே சிவனார் திருப்புன்கூர்
அந்தம் இல்லா அடிகள் அவர்போலும்
கந்த மல்கு கமழ்புன் சடையாரே.  1

மூவ ராய முதல்வர் முறையாலே
தேவர் எல்லாம் வணங்கும் திருப்புன்கூர்
ஆவர் என்னும் அடிகள் அவர்போலும்
ஏவின் அல்லார் எயில்மூன்று எரித்தாரே.  2

பங்க யங்கள் மலரும் பழனத்துச் பழனம்-பொய்கை
செங்க யல்கள் திளைக்குந் திருப்புன்கூர்க்
கங்கை தங்கு சடையார் அவர்போலும்
எங்கள் உச்சி உறையும் இறையாரே.  3

கரை உலாவு கதிர்மா மணிமுத்தம்
திரை உலாவு வயல்சூழ் திருப்புன்கூர்
உரையின் நல்ல பெருமான் அவர்போலும்
விரையின் நல்ல மலர்ச்சே வடியாரே.  4

பவழ வண்ணப் பரிசார் திருமேனி
திகழும் வண்ணம் உறையும் திருப்புன்கூர்
அழகர் என்னும் அடிகள் அவர்போலும்
புகழ நின்ற புரிபுன் சடையாரே.  5

தெரிந்து இலங்கு கழுநீர் வயற்செந்நெல்
திருந்த நின்ற வயல்சூழ் திருப்புன்கூர்ப்
பொருந்தி நின்ற அடிகள் அவர்போலும்
விரிந்து இலங்கு சடைவெண் பிறையாரே.  6

பாரும் விண்ணும் பரவித் தொழுது ஏத்தும்
தேர்கொள் வீதி விழவார் திருப்புன்கூர்
ஆர நின்ற அடிகள் அவர்போலும்
கூர நின்ற எயில்மூன்று எரித்தாரே.  7

மலையத னார் உடை யமதில் மூன்றும்
சிலையத னார் எரித் தார்திருப் புன்கூர்த்
தலைவர் வல்ல அரக்கன் தருக்கினை
மலையத னால் அடர்த்து மகிழ்ந் தாரே.  8

நாட வல்ல மலரான் மாலுமாய்த்
தேட நின்றார் உறையும் திருப்புன்கூர்
ஆட வல்ல அடிகள் அவர்போலும்
பாடல் ஆடல் பயிலும் பரமரே.  9

குண்டு முற்றிக் கூறை இன்றியே
பிண்டம் உண்ணும் பிராந்தர் பிராந்தர் - மாயையால் மயங்கியவர் சொல்கொளேல்
வண்டு பாட மலரார் திருப்புன்கூர்க்
கண்டு தொழுமின் கபாலி வேடமே.  10

மாட மல்கு மதில்சூழ் காழிமன்
சேடர் செல்வர் உறையும் திருப்புன்கூர்
நாட வல்ல ஞான சம்பந்தன்
பாடல் பத்தும் பரவி வாழ்மினே.  11

திருச்சிற்றம்பலம்