பொது - திருவிக்குறள்

                                                                                      ௨ 

ஞானசம்பந்த மூர்த்தி சுவாமிகள்  அருளிச்செய்த
மூன்றாம்  திருமுறை

தகவல் பலகை	விவரம்
தலம்	பொது
ஊர்/வேறு பெயர்
நாடு	பொது
ॐசுவாமி	சுந்தரேஸ்வரர்
ॐஅம்பிகை	அங்கயற்கண்ணி
பாடியவர்கள்	சம்பந்தர்  (1)         கல்லால் நீழல்  (3-40)
ஸ்தல மரம்
தீர்த்தம்
பண்	கொல்லி
குறிப்புகள்	திருவிக்குறள் அமைப்பில் அமைந்த பதிகம்  எளிமையாக படித்து மனனம் செய்யும் படி அமைந்துள்ளது
பதிக பலன்	உய்வு பெறுவார்கள்
வரிசை எண்.	40

திருச்சிற்றம்பலம்

கல்லால் நீழல், அல்லாத் தேவை
நல்லார் பேணார், அல்லோம் நாமே.  1

கொன்றை சூடி, நின்ற தேவை
அன்றி ஒன்று, நன்றி லோமே.  2

கல்லா நெஞ்சின், நில்லான் ஈசன்
சொல்லா தாரோடு, அல்லோம் நாமே.  3

கூற்று உதைத்த, நீற்றி னானைப்
போற்று வார்கள், தோற்றி னாரே.  4

காட்டுள் ஆடும், பாட்டுள் உளானை
நாட்டு ளாரும், தேட்டு ளாரே.  5

தக்கன் வேள்விப், பொக்கம் தீர்த்த
மிக்க தேவர், பக்கத் தோமே.  6

பெண்ணாண் ஆய, விண்ணோர் கோவை
நண்ணா தாரை, எண்ணோம் நாமே.  7

தூர்த்தன் வீரம், தீர்த்த கோவை
ஆத்த மாக, ஏத்தி னோமே.  8

பூவினானும், தாவி னானும்
நாவினாலும், ஓவி னாரே.  9

மொட்ட மணர், கட்ட தேரர்
பிட்டர் சொல்லை, விட்டு ளோமே.  10

அந்தண் காழிப், பந்தன் சொல்லைச்
சிந்தை செய்வோர், உய்ந்து ளோரே.  11

திருச்சிற்றம்பலம்