திரு குருகாவூர்

                                                                                       ௨ 

திருஞானசம்பந்தர்  சுவாமிகள்  அருளிச்செய்த
மூன்றாம்  திருமுறை

தகவல் பலகை	விவரம்
தலம்	திரு குருகாவூர்
ஊர்/வேறு பெயர்	திருக்குருகாவூர்,  வெள்ளடை
நாடு	சோழ (காவிரி வட)
ॐசுவாமி	வெள்ளடை நாதர், வெள்ளடையப்பர்
ॐஅம்பிகை	காவியங்கண்ணி, நீலோத்பல விசாலாட்சி
பாடியவர்கள்	சம்பந்தர்   (1)       சுண்ணவேண்ணீறணி (3-124) சுந்தரர் (1)         இத்தனை யாமாற்றை (7-29)
ஸ்தல மரம்
தீர்த்தம்	பால் கிணறு
பண்	அந்தாளிக் குறிஞ்சி
குறிப்புகள்	இறைவன் அமுதும் நன்னீரும் அளிஹ்துப் பசியும் தாகமும் தீர்த்த தலம்
பதிக பலன்	மன அமைதி ஏற்படும்
வரிசை எண்.	124                                                           13/63

திருச்சிற்றம்பலம்

சுண்ணவெண் ணீறணி மார்பில் தோல்புனைந்து 

எண்ணரும் பல்கணம் ஏத்தநின்று ஆடுவார்

விண்ணமர் பைம்பொழில் வெள்ளடை மேவிய

பெண்ணமர் மேனி எம் பிஞ்ஞக னாரே. பிஞ்ஞகனார்-ஈசன்   1

திரைபுல்கு கங்கை திகழ்சடை வைத்து

வரைமக ளோடுடன் ஆடுதிர் மல்கு

விரைகமழ் தண்பொழில் வெள்ளடை மேவிய

அரை மல்கு வாள் அரவு ஆட்டு உகந் தீரே.  2

அடையலர் அடையலர்-பகைவர் தொல்நகர் மூன்று எரித்து அன்ன

நடைமட மங்கை ஓர் பாகம் நயந்து

விடையுகந்து ஏறுதிர் வெள்ளடை மேவிய

சடையமர் வெண்பிறைச்சங்கர னீரே.  3

வளம் கிளர் கங்கைமடவர லோடு

களம்பட ஆடுதிர் காடரங் காக

விளங்கிய தண் பொழில் வெள்ளடை மேவிய

இளம்பிறை சேர்சடை எம்பெரு மானே.  4

சுரிகுழல் நல்ல துடியிடை யோடு

பொரிபுல்கு காட்டிடை ஆடுதிர் பொங்க

விரிதரு பைம்பொழில் வெள்ளடை மேவிய

எரிமழு வாட்படை எந்தை பிரானே.  5

காவியங் கண்மட வாளொடும் காட்டிடைத்

தீயக லேந்தி நின்று ஆடுதிர் தேன்மலர்

மேவிய தண்பொழில் வெள்ளடை மேவிய

ஆவினில் ஐந்துகொண்டு ஆட்டு உகந் தீரே.  6

திருச்சிற்றம்பலம்