திரு குருகாவூர்

                                                                                        ௨ 

திருஞானசம்பந்தர்  சுவாமிகள்  அருளிச்செய்த
மூன்றாம்  திருமுறை

தகவல் பலகை	விவரம்
தலம்	திரு குருகாவூர்
ஊர்/வேறு பெயர்	திருக்குருகாவூர், வெள்ளடை
நாடு	சோழ (காவிரி வட)
ॐசுவாமி	வெள்ளடை நாதர், வெள்ளடையப்பர்
ॐஅம்பிகை	காவியங்கண்ணி, நீலோத்பல விசாலாட்சி
பாடியவர்கள்	சம்பந்தர்   (1)       சுண்ணவேண்ணீறணி (3-124) சுந்தரர் (1)         இத்தனை யாமாற்றை (7-29)
ஸ்தல மரம்
தீர்த்தம்	பால் கிணறு
பண்	அந்தாளிக் குறிஞ்சி
குறிப்புகள்	இறைவன் அமுதும் நன்னீரும் அளிஹ்துப் பசியும் தாகமும் தீர்த்த தலம்
பதிக பலன்	மன அமைதி கிட்டும்
வரிசை எண்.	29                                                           13/63

திருச்சிற்றம்பலம்

இத்தனை யாமாற்றை

          அறிந்திலேன் எம்பெருமான்

பித்தரே என்றும்மைப்

          பேசுவார் பிறர் எல்லாம்

முத்தினை மணிதன்னை

          மாணிக்கம் முளைத்து எழுந்த

வித்தனே குருகாவூர்

          வெள்ளடை நீ அன்றே.  1

ஆவியைப் போகாமே

          தவிர்த்து என்னை ஆட்கொண்டாய்

வாவியிற் கயல்பாயக்

          குளத்திடை மடைதோறும்

காவியும்  குவளையும்

          கமலம் செங் கழுநீரும்

மேவிய குருகாவூர்

          வெள்ளடை நீ அன்றே.  2

பாடுவார் பசிதீர்ப்பாய்

          பரவுவார் பிணிகளைவாய்

ஓடுநன் கலனாக

          உண்பலிக் குழல்வானே

காடு நின் இடமாகக் 

          கடு இருள் நடமாடும்

வேடனே குருகாவூர்

          வெள்ளடை நீ அன்றே.  3

வெப்பொடு பிணியெல்லாம்

          தவிர்த்து என்னை ஆட்கொண்டாய்

ஒப்புடை ஒளிநீலம்

          ஓங்கிய மலர்ப்பொய்கை

அப்படி அழகாய

          அணிநடை மட அன்னம்

மெய்ப்படு குருகாவூர்

          வெள்ளடை நீ அன்றே.  4

வரும்பழி வாராமே

          தவிர்த்து என்னை ஆட்கொண்டாய்

சுரும்புடை மலர்க்கொன்றைச்

          சுண்ணவெண் ணீற்றானே

அரும்புடை மலர்ப்பொய்கை

          அல்லியும் மல்லிகையும்

விரும்பிய குருகாவூர்

          வெள்ளடை நீ அன்றே.  5

பண்ணிடைத் தமிழ் ஒப்பாய்

          பழத்தினில்  சுவை ஒப்பாய்

கண்ணிடை மணி ஒப்பாய்

          கடு இருள் சுடர் ஒப்பாய்

மண்ணிடை அடியார்கள்

          மனத்திடர் வாராமே

விண்ணிடைக் குருகாவூர்

          வெள்ளடை நீ அன்றே.  6

போந்தனை தரியாமே

          நமன்தமர் புகுந்து என்னை

நோந்தனை செய்தாலும்

          நுன்னலது அறியேன்நான்

சாந்தனை வருமேலும்

          தவிர்த்து என்னை ஆட்கொண்ட

வேந்தனே குருகாவூர்

          வெள்ளடை நீ அன்றே.  7

மலக்கில்நின் அடியார்கள்

          மனத்திடை மால்தீர்ப்பாய்

சலச்சலம்  மிடுக்கு உடைய

          தருமனார் தமர் என்னைக்

கலக்குவான் வந்தாலும்

          கடுந்துயர் வாராமே

விலக்குவாய் குருகாவூர்

          வெள்ளடை நீ அன்றே.  8

படுவிப்பாய் உனக்கே ஆள்

          பலரையும் பணியாமே

தொடுவிப்பாய் துகிலொடு பொன்

          தோல் உடுத்து உழல்வானே

கெடுவிப்பாய் அல்லாதார்

          கேடிலாப் பொன் அடிக்கே

விடுவிப்பாய் குருகாவூர்

          வெள்ளடை நீ அன்றே.  9

வளங்கனி பொழில்மல்கு

          வயல் அணிந்து அழகாய

விளங்கொளி குருகாவூர்

          வெள்ளடை உறைவானை

இளங்கிளை ஆரூரன்

          வனப்பகை யவளப்பன்

உளங்குளிர் தமிழ்மாலை

          பத்தர்கட்கு உரையாமே.  10

திருச்சிற்றம்பலம்