கீழை திருக்காட்டுப்பள்ளி

                                                                                         ௨ 

திருஞானசம்பந்தர்  சுவாமிகள்  அருளிச்செய்த
முதலாம்   திருமுறை

தகவல் பலகை	விவரம்
தலம்	கீழை திருக்காட்டுப் பள்ளி
ஊர்/வேறு பெயர்
நாடு	சோழ (காவிரி வட)
ॐசுவாமி	ஆரண்யசுந்தரர்
ॐஅம்பிகை	அகிலாண்ட நாயகி
பாடியவர்கள்	சம்பந்தர்   (1)         செய்யருகே புனல்  (01-05)
ஸ்தல மரம்
தீர்த்தம்	அமிர்த தீர்த்தம்
பண்	நட்டபாடை
குறிப்புகள்	நண்டு பூசித்த தலம்  இந்திரன் பூசித்த தலம்
பதிக பலன்	புகழோடு வாழலாம்.
வரிசை எண்.	05                                                           12/63

திருச்சிற்றம்பலம்

செய் செய்-வயல் அருகே புனல் பாய ஓங்கிச்

செங்கயல் பாயச் சிலமலர்த்தேன் மருத நிலத்து மலர்கள் தேன்

கையரு கேகனி வாழை ஈன்று

கானல்  எல்லாம்  கமழ் காட்டுப்பள்ளிப்

பையருகே அழல் வாயவை வாய்ப் 

பாம்பணையான் பணைத் தோளிபாகம்

மெய்யரு கே உடை யானை உள்கி

விண்டவர் ஏறுவர் மேல் உலகே.  1

திரைகள் எல்லாமல ரும் சுமந்து

செழுமணி முத்தொடு பொன்வரன்றிக்

கரைகள் எல்லாம் அணி சேர்ந்து உரிஞ்சிக்

காவிரி கால்பொரு காட்டுப்பள்ளி

உரைகள் எல்லாம் உணர்வு எய்தி நல்ல 

உத்தம ராய் உயர்ந்தார் உலகில்

அரவம் எல்லாம் அரை ஆர்த்த செல்வர்க்கு 

ஆட்செய அல்லல் அறுக்கலாமே.  3

தோலுடை யான்வண்ணப் போர்வையினான் 

சுண்ணவெண் ணீறு துதைந்து இலங்கு

நூலுடை யான் இமையோர் பெருமான் 

நுண்ணறி வால்வழி பாடுசெய்யும் 

காலுடை யான்கரிது ஆய கண்டன் 

காதலிக் கப்படும்  காட்டுப்பள்ளி

மேலுடை யான்  இமை யாதமுக்கண் 

மின்னிடை யாளொடும் வேண்டினானே.  4

சலசல சந்து அகிலோடும்உந்திச்

சந்தன மேகரை சார்த்தி எங்கும்

பலபல வாய்த்தலை ஆர்த்து மண்டிப்

பாய்ந்கு இழி காவிரிப் பாங்கரின்வாய்க்

கலகல நின்று அதிரும் கழலான் 

காதலிக் கப்படும்  காட்டுப்பள்ளிச்

சொலவல தொண்டர்கள் ஏத்தநின்ற 

சூலம்வல் லான்கழல் சொல்லுவோமே.  5

தளையவிழ் தண்ணிற நீலம்நெய்தல்

தாமரை செங்கழு நீரும் எல்லாம் 

களையவி ழுங்குழ லார்கடியக்

காதலிக் கப்படும்  காட்டுப்பள்ளித்

துளைபயி லும் குழல் யாழ் முரலத் 

துன்னிய இன்னிசை யால்துதைந்த

அளை பயில் பாம்பு அரை ஆர்த்த செல்வர்க்கு  

ஆட்செய அல்லல் அறுக்கலாமே. 6

முடிகையி னால் தொடும்  மோட்டுழவர்

முன்கைத் தருக்கைக் கரும்பின்கட்டிக்

கடிகையி னால் எறி காட்டுப்பள்ளி

காதல்செய் தான்கரிது ஆயகண்டன்

பொடியணி மேனியி னானை உள்கிப் 

போதொடு நீர்சுமந்து ஏத்தி முன்னின்று 

அடிகையி னால்தொழ வல்ல தொண்டர்

அருவினை யைத்துரந் தாட்செய்வாரே.  7

பிறை உடை யான்பெரி யோர்கள்பெம்மான் 

பெய்கழல் நாள்தொறும் பேணி ஏத்த

மறை உடையான் மழுவாள் உடையான் 

வார்தரு மால்கடல் நஞ்சம் உண்ட

கறை உடையான் கனல் ஆடு கண்ணால்  

காமனைக் காய்ந்தவன் காட்டுப்பள்ளிக்

குறை உடையான் குறள்  பூதச்செல்வன் 

குரைகழ லேகைகள் கூப்பினோமே.  8

செற்றவர் தம்அர ணம் அவற்றைச்

செவ்வழல் வாய்  எரி ஊட்டிநின்றும் 

கற்றவர் தாம் தொழுது ஏத்த நின்றான்

காதலிக் கப்படும்  காட்டுப்பள்ளி

உற்றவர் தாம் உணர்வு எய்தி நல்ல 

உம்பர் உ ள்ளார் தொழுகு ஏத்த நின்ற

பெற்றமரும் பெருமா னை அல்லால்

பேசுவ து மற்றொர் பேச்சிலோமே.  9

ஒண் துவர் ஆர் துகில் ஆடை மெய்போர்த்து 

உச்சி கொளாமை உண்டே உரைக்கும் 

குண்டர்க ளோடு அரைக் கூறை இல்லார்

கூறுவதாம் குணம் அல்லகண்டீர்

அண்ட மறையவன் மாலும் காணா 

ஆதியி னான் உறை காட்டுப்பள்ளி

வண்டு அமரும் மலர்க் கொன்றைமாலை

வார்சடை யான்கழல் வாழ்த்துவோமே.  10

பொன்னியல் தாமரை நீலம்நெய்தல்

போதுக ளால் பொலி வெய்துபொய்கைக்

கன்னியர் தாம் குடை காட்டுப்பள்ளிக்

காத லனைக்கடற் காழியர்கோன்

துன்னிய இன்னிசை யால் துதைந்து 

சொல்லிய ஞானசம் பந்தன் நல்ல

தன்னிசை யால் சொன்ன மாலை பத்தும் 

தாங்கவல்லார் புகழ் தாங்குவாரே.  11

திருச்சிற்றம்பலம்

இதில் 2-ம் பாடல் கிடைக்கப்பெறவில்லை.  2