திருக்கேதீஸ்வரம்

       

௨ 

சுந்தரமூர்த்திசுவாமிகள் அருளிச்செய்த
ஏழாம் திருமுறை

தகவல் பலகை	விவரம்
தலம்	திருக்கேதீஸ்வரம்
ஊர்
நாடு	ஈழநாடு
ॐசுவாமி	கேதீசுவரர்
ॐஅம்பிகை	கெளரி அம்மை
பாடியவர்கள்	திருஞானசம்பந்தர்  (1)         விருது குன்றமா (2:107) சுந்தரர்(1)         நத்தார் புடை (7:80)
ஸ்தல மரம்
தீர்த்தம்	பலாவி ஆறு
பண்	நட்டபாடை
குறிப்புகள்	கேது வழிபட்ட தலம் இராமேஸ்வரத்தில் இருந்தபடியே இப்பதியை பாடி அருளியது
பதிக பலன்	வினை வந்து சேராது.
வரிசை எண்.	80                                                                                      2/2

திருச்சிற்றம்பலம்

நத்தார்புடை ஞானன்பசு ஏறிந்நனை கவிழ்வாய்
மத்தம்மத யானைஉரி போர்த்தமழு வாளன்
பத்தாகிய தொண்டர்தொழு பாலாவியின் கரைமேற்
செத்தார் எலும்பு அணிவான் திருக் கேதீச்சரத் தானே.  1  

சுடுவார்பொடி நீறுந்நல துண்டப்பிறைக் கீளும்
கடமார்களி யானைஉரி அணிந்தகறைக் கண்டன்
படவேரிடை மடவாளொடு பாலாவியின் கரைமேல்
திடமா உறைகின்றான் திருக் கேதீச்சரத் தானே.  2  

அங்கம்மொழி அன்னாரவர் அமரர்தொழுது ஏத்த
வங்கம்மலி கின்றகடல் மாதோட்டநன் நகரில் 
பங்கஞ்செய்த பிறைசூடினன் பாலாவியின் கரைமேல்
செங்கண் அரவு அசைத்தான் திருக் கேதீச்சரத் தானே.  3  

கரியகறைக் கண்டன்நல கண்மேல் ஒரு கண்ணான்
வரியசிறை வண்டியாழ்செயும் மாதோட்டநன் நகருள்
பரியதிரை எறியாவரு பாலாவியின் கரைமேல் 
தெரியும்மறை வல்லான்திருக் கேதீச்சரத் தானே.  4  

அங்கத்துறு நோய்கள் அடியார் மேல் ஒழித்து அருளி
வங்கம்மலி கின்றகடல் மாதோட்டநன் நகரில்
பங்கஞ்செய்த மடவாளொடு பாலாவியின் கரைமேல்
தெங்கம்பொழில் சூழ்ந்ததிருக் கேதீச்சரத் தானே.  5  

வெய்யவினை யாயஅடியார் மேல் ஒழித்து அருளி
வையம்மலி கின்றகடல் மாதோட்டநன் நகரில் 
பையேரிடை மடவாளொடு பாலாவியின் கரைமேல்
செய்யசடை முடியான்திருக் கேதீச்சரத் தானே.  6  

ஊனத்துறு நோய்கள் அடியார்மேல் ஒழித்து அருளி
வானத்துறு மலியுங்கடல் மாதோட்டநன் னகரில்
பானத்துறும் மொழியாளொடு பாலாவியின் கரைமேல்
ஏனத்து எயிறு அணிந்தான்திருக் கேதீச்சரத் தானே.  7  

அட்டன் அழ காகவரை தன்மேலர வார்த்து
மட்டுண்டுவண் டாலும்பொழில் மாதோட்டநன் நகரில்
பட்டவரி நுதலாளொடு பாலாவியின் கரைமேல்
சிட்டன்நமை யாள்வான்திருக் கேதீச்சரத் தானே.  8  

மூவர் என இருவர் என முக்கண்ணுடை மூர்த்தி
மாவின்கனி தூங்கும்பொழில்மாதோட்டநன் நகரில் 
பாவம்வினை அறுப்பார்பயில் பாலாவியின் கரைமேல்
தேவன் எனை ஆள்வான்திருக் கேதீச்சரத் தானே.  9  

கறையார்கடல் சூழ்ந்தகழிமாதோட்டநன் நகருள்
சிறையார்பொழில் வண்டியாழ்செயுங் கேதீச்சரத் தானை
மறையார்புகழ் ஊரன் அடித் தொண்டன் உரை செய்த
குறையாத்தமிழ் பத்துஞ்சொலக் கூடாகொடு வினையே.

திருச்சிற்றம்பலம்