திருக்கேதீஸ்வரம்

        

௨ 

திருஞானசம்பந்தர் சுவாமிகள் அருளிச்செய்த
இரண்டாம் திருமுறை

தகவல் பலகை	விவரம்
தலம்	திருக்கேதீஸ்வரம்
ஊர்	மாதோட்டம்
நாடு	ஈழநாடு
ॐசுவாமி	கேதீசுவரர்
ॐஅம்பிகை	கெளரி அம்மை
பாடியவர்கள்	திருஞானசம்பந்தர்  (1)         விருது குன்றமா (2:107) சுந்தரர்(1)         நத்தார் புடை (7:80)
ஸ்தல மரம்
தீர்த்தம்	பலாவி ஆறு
பண்	நட்டபாடை
குறிப்புகள்	கேது வழிபட்ட தலம் இராமேஸ்வரத்தில் இருந்தபடியே இப்பதியை பாடி அருளியது
பதிக பலன்	சிவகதி பெற
வரிசை எண்.	107                                                                                2/2

திருச்சிற்றம்பலம்

விருது குன்றமா மேருவில் நாண் அரவா அனல் எரிஅம்பாப்            
பொருது மூவெயில் செற்றவன் பற்றிநின்று உறைபதி எந்நாளும்            
கருது கின்றவூர் கனைகடற் கடிகமழ் பொழில் அணி மாதோட்டம்            
கருத நின்ற கேதீச்சரங் கைதொழக் கடுவினை அடையாவே.  1  

பாடல் வீணையர் பலபல சரிதையர்  எருதுகைத்து அருநட்டம்            
ஆடல் பேணுவர் அமரர்கள் வேண்டநஞ்சு உண்டு இருள் கண்டத்தர்            
ஈட மாவது இருங்கடற் கரையினில் எழில்திகழ் மாதோட்டம்            
கேடி லாத கேதீச்சரங் கைதொழக் கெடும் இடர் வினைதானே.  2  

பெண்ஓர் பாகத்தர் பிறைதவழ் சடையினர் அறைகழல் சிலம்பு ஆர்க்கச்

சுண்ண ஆதரித்து ஆடுவர் பாடுவர் அகந்தொறும் இடுபிச்சைக்கு             
உண்ணல் ஆவதோர் இச்சையில் உழல்பவர் உயர்தரு மாதோட்டத்து             
அண்ணல் நண்ணுகே தீச்சரம் அடைபவர்க்கு அருவினை அடையாவே.  3  

பொடிகொள் மேனியர் புலியதள் அரையினர் விரிதரு கரத்தேந்தும்            
வடிகொள் மூவிலை வேலினர் நூலினர் மறிகடல் மாதோட்டத்து            
அடிகள் ஆதரித்து இருந்தகே தீச்சரம் பரிந்தசிந் தையர் ஆகி            
முடிகள் சாய்த்தடி பேணவல்லார்தம்மேல் மொய்த்து எழும்வினைபோமே.  

நல்லர் ஆற்றவும் ஞானநன் குடையர்தம் மடைந்தவர்க் கருள் ஈய            
வல்லர் பார்மிசை வான்பிறப் பிறப்பிலர் மலிகடல் மாதோட்டத்து             
எல்லை யில்புகழ் எந்தைகே தீச்சரம்  இராப்பகல் நினைந்து ஏத்தி            
அல்லல் ஆசு அறுத்து அரனடி இணைதொழும்  அன்பராம் அடியாரே.  5  

பேழை வார்சடைப் பெருந்திரு மகள்தனைப்  பொருந்தவைத்து ஒரு பாகம்
மாழை அங்கயற் கண்ணிபா அருளிய பொருளினர் குடிவாழ்க்கை            
வாழை யம்பொழில் மந்திகள் களிப்புற  மருவிய மாதோட்டக்            
கேழல் வெண்மருப் பணிந்தநீள் மார்பர் கேதீச்சரம் பிரியாரே.  6  

பண்டு நால்வருக்கு அறம் உரைத்து அருளிப்பல்உலகினில்                                                                                                                                           உயிர்வாழ்க்கை      
கண்ட நாதனார் கடலிடங் கைதொழக் காதலித்து உறைகோயில்            
வண்டு பண்செயு மாமலர்ப் பொழில்மஞ்ஞை  நடமிடு மாதோட்டம்            
தொண்டர் நாள் தொறும் துதிசெய அருள்செய் கேதீச்சரம் அதுதானே.  7  

தென் இலங்கையர் குலபதி மலைநலிந்து எடுத்தவன் முடிதிண்தோள்  
தன்னிலங் கெட அடர்த்து அவருக்கு அருள்செய்த  தலைவனார்                                                                                                                                                             கடல்வாயப்  
பொன்னி லங்கிய முத்துமா மணிகளும்  பொருந்திய மாதோட்டத்து            
உன்னி அன்பொடும் அடியவர் இறைஞ்சு கே தீச்சரத் து உள்ளாரே.  8  

பூவு ளானுமப் பொருகடல் வண்ணனும் புவியிழந்து எழுந்து ஓடி            
மேவி நாடிநின் அடியிணை காண்கிலா வித்தகம் என்னாகும்            
மாவும் பூகமும் கதலியும் நெருங்குமா தோட்டநன் னகர்மன்னித்            
தேவி தன்னொடுந் திருந்துகே தீச்சரத்து இருந்தஎம் பெருமானே.  9  

புத்த ராய்ச்சில புனைதுகில் உடையவர்  புறன் உரைச் சமண்ஆதர்            
எத்தர் ஆகி நின்று உண்பவர் இயம்பிய  ஏழைமை கேளேன்மின்            
மத்த யானையை மறுகிட உரிசெய்து போர்த்தவர் மாதோட்டத்து            
அத்தர் மன்னுபா லாவியின் கரையிற் கேதீச்சரம் அடைமின்னே.  10  

மாடெ லாமண முரசெனக் கடலின  தொலிகவர் மாதோட்டத்து            
ஆடல் ஏறுடை அண்ணல் கே தீச்சரத்து அடிகளை அணிகாழி            
நாடு ளார்க்கிறை ஞானசம் பந்தன்சொல்  நவின்று எழு பாமாலைப்            
பாடல் ஆயின பாடுமின் பத்தர்கள்  பரகதி பெறலாமே.

திருச்சிற்றம்பலம்