திரு வெஞ்சமாக் கூடல்

              

௨ 

சுந்தரமூர்த்தி  சுவாமிகள் அருளிச்செய்த
ஏழாம் திருமுறை

தகவல் பலகை	விவரம்
தலம்	திருவெஞ்சமாக்கூடல்
ஊர் /வேறு பெயர்
நாடு	கொங்கு நாடு
ॐசுவாமி	விகிர்தேஸ்வரர்
ॐஅம்பிகை	விகிர்தேஸ்வரி
பாடியவர்கள்	சுந்தரர் (1),         எறிக்கும் கதிர் வேய்  (7-42)
ஸ்தல மரம்	வில்வம்
தீர்த்தம்
பண்	கொல்லிக் கௌவாணம்
குறிப்புகள்	இறைவன் சுந்தரருக்கு நட காட்சி அருளிய திருத்தலம்.  உறுதி செய்து பாடிய சுந்தரர் திருப்பதிகம்.
பதிக பலன்	சிவலோக பதவி கிடைக்கும்.
வரிசை எண்.	42                                                                5/7

திருச்சிற்றம்பலம்

எறிக்குங் கதிர்வேய் உதிர்முத் தம்மோடு 
          ஏலம், இலவங்கம்,  தக்கோலம், இஞ்சி,
செறிக்கும் புனலும்  பெய்துகொண்டு மண்டித்
          திளைத்து எற்று சிற்றாறு அதன்கீழ்க் கரைமேல்
முறிக்குந் தழைமா முடப்புன்னை நாழல்
          குருக்கத்திகள் மேற்குயில் கூவலறா
வெறிக்கும்  கலைமா வெஞ்சமாக் கூடல்
          விகிர்தா அடியேனையும் வேண்டுதியே.  1  

குளங்கள் பலவுங் குழியுந் நிறையக்
          குடமாமணி சந்தனமும் அகிலும்
துளங்கும் புனலும் பெய்துகொண்டு மண்டித்
          திளைத்தெற்று சிற்றாறு அதன்கீழ்க் கரைமேல்
வளங்கொள் மதில்மா ளிகைகோ புரமும்
          மணிமண்டபமும் இவைமஞ்சு தன்னுள்
விளங்கும் மதிதோய் வெஞ்சமாக் கூடல்
          விகிர்தா அடியே னையும்வேண் டுதியே.  2  

வரைமான் அனையார் மயிற்சாயல் நல்லார்
          வடிவேல் கண்நல்லார் பலர்வந்து இறைஞ்சத்
திரையார் புனலுட் பெய்துகொண்டு மண்டித்
          திளைத்து எற்று சிற்றாறு அதன்கீழ்க் கரைமேல்
நிரையார் கமுகும் நெடுந்தாள் தெங்கும்
          குறுந்தாள் பலவும் விரவிக் குளிரும்
விரையார் பொழில்சூழ் வெஞ்சமாக் கூடல்
          விகிர்தா அடியே னையும்வேண் டுதியே.  3  

பண்ணேர் மொழியாளை ஓர்பங் குடையாய்
          படுகாட் டகத்து என் றும்ஓர்பற்று ஒழியாய்
தண்ணார் அகிலும் நலசா மரையும்
          அலைத்தெற்று சிற்றாறு அதன்கீழ்க்கரைமேல்
மண்ணார் முழவும் குழலும் இயம்ப
          மடவார் நடமாடு மணி அரங்கில்
விண்ணார் மதிதோய் வெஞ்சமாக் கூடல்
          விகிர்தா அடியே னையும்வேண் டுதியே.  4  

துளைவெண் குழையும் சுருள்வெண் தோடும்
          தூங்கும்  காதிற் துளங்கும் படியாய்
களையே கமழும் மலர்க்கொன் றையினாய்
          கலந்தார்க்கு அருள்செய்திடும் கற் பகமே
பிளைவெண் பிறையாய் பிறங்கும்  சடையாய்
          பிறவா தவனே பெறுதற்கு அரியாய்
வெளைமால் விடையாய் வெஞ்சமாக் கூடல்
          விகிர்தா அடியே னையும்வேண் டுதியே.  5  

தொழுவார்க்கு எளியாய் துயர்தீர நின்றாய்
          சுரும்பார் மலர்க்கொன் றை துன்றும் சடையாய்
உழுவார்க்கு அரிய விடைஏறி ஒன்னார்
          புரந்தீ எழஓ டுவித்தாய் அழகார்
முழவார் ஒலிபாடலோடு  ஆடல்அறா
          முதுகாடு அரங்கா நடமாட வல்லாய்
விழவார் மறுகின் வெஞ்சமாக் கூடல்
          விகிர்தா அடியே னையும்வேண் டுதியே.  6  

கடமா களியானை உரித் தவனே
          கரிகாடு இடமா அனல்வீசி நின்று
நடமா டவல்லாய் நரையேறு உகந்தாய்
          நல்லாய் நறுங்கொன் றை நயந் தவனே
படம்ஆ யிரமாம் பருத்துத்திப் பைங்கண்
          பகுவாய் எயிற்றோடு அழலே உமிழும்
விடவார் அரவா வெஞ்சமாக் கூடல்
          விகிர்தா அடியே னையும்வேண் டுதியே.  7  

காடும் மலையும் நாடும் இடறிக்
          கதிர்மா மணிசந் தனமும் அகிலுஞ்
சேடன் உறையும் இடந்தான் விரும்பி
          திளைத்தெற்று சிற்றாறு அதன் கீழ்க்கரைமேற்
பாடல் முழவும் குழலும் இயம்பப்
          பணைத்தோ ளியர்பா டலொடு ஆடல்அறா
வேடர் விரும்பும் வெஞ்சமாக் கூடல்
          விகிர்தா அடியேனையும் வேண்டுதியே.  8  

கொங்கார் மலர்க்கொன் றையந்தார் அவனே
          கொடுகொட்டி ஓர்வீ ணைஉடை யவனே
பொங்காடு அரவும் புனலும் சடைமேல்
          பொதியும் புனிதா புனஞ்சூழ்ந்து அழகார்
துங்கார் புனலும் பெய்துகொண்டு மண்டித்
          திளைத்தெற்று சிற்றாறு அதன்கீழ்க் கரைமேல்
வெங்கார் வயல்சூழ் வெஞ்சமாக் கூடல்
          விகிர்தா அடியே னையும்வேண் டுதியே.  9  

வஞ்சிநுண் இடையார் மயிற்சாய ல் அன்னார்
          வடிவேற் கண்நல்லார் பலர்வந்து இறைஞ்சும்
வெஞ்சமாக் கூடல் விகிர்தா அடியேனையும் 
          வேண் டுதியே என்றுதான் விரும்பி
வஞ்சியாது அளிக்கும் வயல்நா வலர்கோன்
          வனப்பகை அப்பன் வன் தொண்டன் சொன்ன
செஞ்சொல் தமிழ்மா லைகள்பத் தும்வல்லார்
          சிவலோ கத்து இருப்பது திண்ணம் அன்றே.

        

திருச்சிற்றம்பலம்