திருப்பருப்பதம்

       

௨ 

திருநாவுக்கரசர்  சுவாமிகள் அருளிச்செய்த
நான்காம்   திருமுறை

தகவல் பலகை	விவரம்
தலம்	திருப்பருப்பதம்
ஊர் /வேறு பெயர்	பூகயிலாயம்
நாடு	வட நாடு
ॐசுவாமி	மல்லிகார்ஜுனர், பருப்பதநாயகர்
ॐஅம்பிகை	பிரமராம்பிகை, பருப்பதநாயகி
பாடியவர்கள்	திருஞானசம்பந்தர்(1),         சுடுமணி உமிழ் நாகம் (1-118) திருநாவுக்கரசர்(1),         கன்றினார் புரங்கள் (4-58) சுந்தரர்(1)         மானும்மரை இனமும் மயில் (7-79)
ஸ்தல மரம்	மருதமரம்
தீர்த்தம்	பர்வத தீர்த்தம்
பண்	திருநேரிசை
குறிப்புகள்	12 ஜோதிர் லிங்க தலத்தில் ஒன்று. மருத மரத்தை தலமரமாக கொண்ட தலங்கள் மூன்றினுள் ஒன்று சிலாத முனிவர் தவம் செய்த திருத்தலம். நந்தி தேவர் தவம் செய்து வாகனப் பேறு பெற்றார். சுவாமி மலையின்மேல் வீற்றிருந்து அருள்பாலிக்கிறார்.
பதிக பலன்	திருவருள் பெற
வரிசை எண்.	58                                                                  1/5

திருச்சிற்றம்பலம்

கன்றினார் புரங்கள் மூன்றும் கனல் எரி யாகச் சீறி
நின்றதோர் உருருவம் தன்னால் நீர்மையும் நிறையும் கொண்டு
ஒன்றியாங்கு உமையும் தாமும் ஊர்பலி தேர்ந்து பின்னும்
பன்றிப்பின் வேட ராகிப் பருப்பத நோக்கி னாரே.  1  

கற்றமா மறைகள் பாடிக் கடைதொறும் பலியும் தேர்வார்
வற்றலோர் தலைகை ஏந்தி வானவர் வணங்கி வாழ்த்த
முற்றவோர் சடையில் நீரை ஏற்றமுக் கண்ணர் தம்மைப்
பற்றினார்க்கு அருள்கள் செய்து பருப்பத நோக்கி னாரே.  2  

கரவிலா மனத்தர் ஆகிக் கைதொழு வார்கட்கு என்றும்
இரவு நின்று எரியது ஆடி இன்னருள் செய்யும் எந்தை
மருவலார் புரங்கள் மூன்று மாட்டிய நகைய ராகிப்
பரவுவார்க்கு அருள்கள் செய்து பருப்பத நோக்கி னாரே.  3  

கட்டிட்ட தலை கையேந்திக் கனல் எரி ஆடிச் சீறிச்
சுட்டிட்ட நீறு பூசிச் சுடுபிணக் காடர் ஆகி
விட்டிட்ட வேட்கை யார்க்கு வேறிருந்து அருள்கள் செய்து
பட்டிட்ட உடைய ராகிப் பருப்பத நோக்கி னாரே.  4  

கையராய்க் கபாலம் ஏந்திக் காமனைக் கண்ணால் காய்ந்து
மெய்யராய் மேனி தன்மேல் விளங்குவெண் நீறு பூசி
உய்வராய் உள்குவார்கட்கு உவகைகள் பலவும் செய்து
பையரா அரையில் ஆர்த்துப் பருப்பத நோக்கி னாரே.  5  

வேடராய் வெய்யர் ஆகி வேழத்தின் உரிவை போர்த்து
ஓடராய் உலகம் எல்லாம்   முழிதர்வர் உமையும் தாமும்
காடராய்க் கனல் கையேந்திக்  கடியதோர் விடைமேல் கொண்டு
பாடராய்ப் பூதம் சூழப் பருப்பத நோக்கி னாரே.  6  

மேகம்போல் மிடற்றர் ஆராகி வேழத்தின் உனுரிவை போர்த்து
ஏகம்பம் மேவி னார்தாம் இமையவர் பரவி ஏத்தக்
காகம்பர் கழறர் ஆகிக் கடியதோர் விடை ஒன்று ஏறிப்
பாகம்பெண் உருவம் ஆனார் பருப்பத நோக்கி னாரே.  7  

பேரிடர்ப் பிணிகள் தீர்க்கும் பிஞ்ஞகன் எந்தை பெம்மான்
காருடைக் கண்டர் ஆகிக் கபாலம் ஓர் கையில் ஏந்திச்
சீருடைச் செங்கண் வெள் ஏறு ஏறிய செல்வர் நல்ல
பாரிடம் பாணி செய்யப் பருப்பத நோக்கி னாரே.  8  

அங்கண் மால் உடையர் ஆய ஐவரால் ஆட்டு ணாதே
உங்கள்மால் தீர வேண்டில்  உள்ளத்தால் உள்கி ஏத்தும்
செங்கண்மால் பரவி ஏத்திச்  சிவன் என நின்ற செல்வர்
பைங்கண்வெள் ஏறு அது ஏறிப் பருப்பத நோக்கி னாரே.  9  

அடல்விடை ஊர்தி யாகி அரக்கன் தோள் அடர ஊன்றிக்
கடலிடை நஞ்சம் உண்ட கறையணி கண்ட னார்தாம்
சுடர்விடு மேனி தன்மேல்  சுண்ணவெண் நீறு பூசிப்
படர்சடை மதியம் சேர்த்திப் பருப்பத நோக்கி னாரே.

திருச்சிற்றம்பலம்