திருகோணமலை

         

௨ 

திருஞானசம்பந்தர் சுவாமிகள் அருளிச்செய்த
மூன்றாம் திருமுறை

தகவல் பலகை	விவரம்
தலம்	திருக் கோணமலை
ஊர்	மாதோட்டம்
நாடு	ஈழநாடு
ॐசுவாமி	கோனேஸ்வர்
ॐஅம்பிகை	மாதுமையாள்
பாடியவர்கள்	திருஞானசம்பந்தர்  (1)         நிரை கடல் (3:123)
ஸ்தல மரம்
தீர்த்தம்
பண்	புறநீர்மை
குறிப்புகள்	தென் கயிலாயம் என போற்றப்படுவது தேவேந்திரன் வழிப்பட்டது இராமேஸ்வரத்தில் இருந்தபடியே இப்பதியை பாடி அருளியது
பதிக பலன்	தொல்வினை அகலும்
வரிசை எண்.	123                                                                               1/2

திருச்சிற்றம்பலம்

நிரைகழ் அரவம்  சிலம்பொலி அலம்பும் நிமலர்நீறு அணிதிரு மேனி
வரைகெழு மகளோர் பாகமாப் புணர்ந்த வடிவினர் கொடிஅணி விடையர்
கரைகெழு சந்துங் கார் அகில் பிளவும் அளப்பருங் கனமணி வரன்றிக்
குரைகடல் ஓதம் நித்திலம் கொழிக்கும் கோணமாமலை அமர்ந் தாரே.  1  

கடிது என வந்த கரிதனை உரித்து அவ்வுரி மேனிமேற் போர்ப்பர்
பிடியன நடையாள் பெய்வளை மடந்தை பிறைநுதல் அவளொடும் உடனாய்க்கொடிது எனக் கதறுங் குரைகடல் சூழ்ந்து  கொள்ளமுன்                                                                                                                                             நித்திலம் சுமந்து
குடிதனை நெருங்கிப் பெருக்கமாய்த் தோன்றும் கோணமா மலை                                                                                                                                               அமர்ந் தாரே.  2  

பனித்திளந் திங்கட் பைந்தலை நாகம் படர்சடை முடியிடை வைத்தார்
கனித்திளந் துவர்வாய்க் காரிகை பாக மாகமுன் கலந்தவர் மதின்மேற்
தனித்த பேர்உருவ விழித்தழல் நாகம் தாங்கிய மேருவெஞ் சிலையாக்
குனித்ததோர் வில்லார் குரைகடல் சூழ்ந்தகோணமாமலைஅமர்ந் தாரே.  3  

பழித்திளங் கங்கை சடைமுடி வைத்துப் பாங்குடை மதனனைப் பொடியா
விழித்தவன் தேவி வேண்டமுன் கொடுத்த விமலனார் கமலமார் பாதர்
தெழித்துமுன் அரற்றும் செழுங்கடற் தரளம் செம்பொனும் இப்பியுஞ்                                                                                                                                                            சுமந்து
கொழித்துவன் றிரைகள் கரையிடைச் சேர்க்கும் கோணமா மலை                                                                                                                                           அமர்ந் தாரே.4  

தாயினும் நல்ல தலைவர் என்று அடியார் தம் அடி போற்றி இசைப்பார்கள்
வாயினும் மனத்தும் மருவிநின்று அகலா மாண்பினர் காண்பல வேடர்
நோயிலும் பிணியும் தொழிலர்பால் நீக்கி நுழைதரு நூலினர் ஞாலம்
கோயிலும் சுனையும் கடலுடன் சூழ்ந்த கோணமா மலை அமர்ந் தாரே.  5  

பரிந்துநன் மனத்தால் வழிபடும் மாணி தன்உயிர் மேல்வருங் கூற்றைத்
திரிந்திடா வண்ணம் உதைத்தவற்கு அருளுஞ் செம்மையார் நம்மை                                                                                                                                                ஆளுடையார்
விரிந்துயர் மௌவல், மாதவி, புன்னை, வேங்கை, வண்செருந்தி,                                                                                                                                                 செண்பகத்தின்
குருந்தொடு முல்லை கொடிவிடும் பொழில்சூழ் கோணமா மலை                                                                                                                                               அமர்ந் தாரே.  6  

எடுத்தவன் தருக்கை இழித்தவர் விரலால் ஏத்திட வாத்தமாம் பேறு
தொடுத்தவர் செல்வம் தோன்றிய பிறப்பும் இறப்பு அறி யாதவர் வேள்வி
தடுத்தவர் வனப்பால் வைத்ததோர் கருணை  தன்னருட் பெருமையும்                                                                                                                                                         வாழ்வுங்
கொடுத்தவர் விரும்பும் பெரும்புகழாளர் கோணமாமலை அமர்ந் தாரே.  8  

அருவரை தொருகை வெண்தலை ஏந்தி அகந்தொறும் பலியுடன் புக்க
பெருவரா உறையும் நீர்மையர் சீர்மைப் பெருங்கடல் வண்ணனும் பிரமன்
இருவரும் அறியா வண்ணம்ஒள் எரியாய் உயர்ந்தவர் பெயர்ந்தநன்                                                                                                                                                             மாற்குங்
குருவராய்நின்றார்குரைகழல்வணங்கக் கோணமாமலை அமர்ந் தாரே.  9  

நின்று உணும் சமணும் இருந்து உணும் தேரும் நெறியலாதன புறங் கூற
வென்றுநஞ் சு உண்ணும் பரிசினர் ஒருபால் மெல்லிய லொடும்உட னாகித்
துன்றுமொண் பௌவ மவ்வலுஞ் சூழ்ந்து தாழ்ந்துறு திரைபல மோதிக்
குன்றுமொண்கானல் வாசம்வந்து உலவுங் கோணமா மலைஅமர்ந் தாரே.  

குற்றமி லாதார் குரைகடல் சூழ்ந்த கோணமா மலை அமர்ந் தாரைக்
கற்று உணர் கேள்விக் காழியர் பெருமான்  கருத்துடை ஞானசம் பந்தன்
உற்றசெந் தமிழார் மாலை ஈர் ஐந்தும் உரைப்பவர் கேட்பவர் உயர்ந்தோர்
சுற்றமு மாகித் தொல்வினை அடையார் தோன்றுவர் வானிடைப்                                                                                                                                                       பொலிந்தே.

இப்பதிகத்தில் 7-ம் பாடல் கிடைக்கப்பெறவில்லை.  7  

திருச்சிற்றம்பலம்