திருமுருகன் பூண்டி

             

௨ 

சுந்தரமூர்த்தி  சுவாமிகள் அருளிச்செய்த
ஏழாம் திருமுறை

தகவல் பலகை	விவரம்
தலம்	திருமுருகன் பூண்டி
ஊர் /வேறு பெயர்
நாடு	கொங்கு நாடு
ॐசுவாமி	முருகாவுடையார்
ॐஅம்பிகை	ஆவுடை நாயகி
பாடியவர்கள்	சுந்தரர் (1),         கொடுகு வெஞ்சிலை (7-49)
ஸ்தல மரம்	மாவிலங்கம்
தீர்த்தம்	பிரம தீர்த்தம்
பண்	பழம் பஞ்சுரம்
குறிப்புகள்	இறைவன் வேடுவராக வந்து பொருட்களை பறித்து பதிகம் பாடி மீட்ட ஸ்தலம்.
பதிக பலன்	துன்பம்  இன்றி வாழலாம்.
வரிசை எண்.	49                                                                2/7

திருச்சிற்றம்பலம்

கொடுகு வெஞ்சிலை வடுக வேடுவர்
          விரவ லாமை சொல்லித்
திடுகு மொட்டு எனக் குத்திக் கூறைகொண்டு 
          ஆடாற லைக்கு மிடம்
முடுகு நாறிய வடுகர் வாழ்முருகன்
          பூண்டி மாநகர் வாய்
இடுகு நுண்ணிடை மங்கை தன்னொடும்
          எத்துக்கு இங் கிருந்தீர் எம் பிரானீரே.  1  

வில்லைக் காட்டி வெருட்டி வேடுவர்
          விரவ லாமை சொல்லிக்
கல்லி னால் எறிந்து இட்டும் மோதியும்
          கூறை கொள்ளு மிடம்
முல்லைத் தாது மணங்கமழ் முருகன்
          பூண்டி மாநகர் வாய்
எல்லை காப்பது ஒன்று இல்லை யாகில்நீர்
          எத்துக்கு இங் கிருந்தீர் எம் பிரானீரே.  2  

பசுக்க ளேகொன்று தின்று பாவிகள்
          பாவம் ஒன்று அறியார்
உசிர்க்கொ லைபல நேர்ந்து நாள் தொறும்
         கூறை கொள்ளும் இடம்
முசுக்கள் போற்பல வேடர்வாழ் முருகன்
        பூண்டி மாநகர் வாய்
இசுக்க ழியப் பயிக்கங் கொண்டுநீர்
  எத்துக்கு இங் கிருந்தீர் எம் பிரானீரே.  3  

பீறற் கூறை உடுத்தோர் பத்திரம்
          கட்டி வெட்டன ராய்ச்
சூறைப் பங்கியர் ஆகி நாள் தொறும்
          கூறை கொள்ளும் இடம்
மோறை வேடுவர் கூடிவாழ் முருகன்
          பூண்டி மாநகர் வாய்
ஏறு காலிற்ற தில்லை யாய்விடில்
          எத்துக்கு இங் கிருந்தீர் எம் பிரானீரே.  4  

தயங்கு தோலை உடுத்த சங்கரா
          சாம வேதம் ஓதி
மயங்கி ஊரிடு பிச்சை கொண்டு உணும்
          மார்க்கம் ஒன்று அறியீர்
முயங்கு பூண்முலை மங்கையாளொடு முருகன்
          பூண்டி மாநகர் வாய்
இயங்க வும் மிடுக்கு உடைய ராய்விடில்
          எத்துக்கு இங் கிருந்தீர் எம் பிரானீரே.  5  

விட்டி சைப்பன கொக்க ரைகொடு
          கொட்டி தத்த ளகம்
கொட்டிப் பாடும் இத் துந்து மியொடு
          குடமுழா நீர் மகிழ்வீர்
மொட்டு  அலர்ந்து மணங்கமழ் முருகன்
          பூண்டி மாநகர் வாய்
இட்ட பிச்சைகொண் டு உண்பது ஆகில்நீர்
          எத்துக்கு இங் கிருந்தீர் எம் பிரானீரே.  6  

வேதம் ஓதிவெண் நீறு பூசிவெண்
          கோவணம் அற்ற யலே
ஓதம் மேவிய ஒற்றி யூரையும்
          உத்திரம் நீர் மகிழ்வீர்
மோதி வேடுவர் கூறைகொள்ளும் முருகன்
          பூண்டி மாநகர் வாய்
ஏது காரணம் ஏது காவல்கொண்டு 
          எத்துக்கு இங் கிருந்தீர் எம் பிரானீரே.  7  

படவ ரவுநுண் ணேரி டைப்பணைத்
          தோள்வ ரிநெடுங் கண்
மடவ ரல்லுமை நங்கை தன்னையோர்
          பாகம் வைத்து கந்தீர்
முடவ ரல்லீர் இடரிலீர் முருகன்
          பூண்டி மாநகர் வாய்
இடவ மேறியும் போவ தாகில்நீர்
          எத்துக்கு இங் கிருந்தீர் எம் பிரானீரே.  8  

சாந்த மாகவெண் நீறு பூசிவெண்
          பற்ற லைக லனா
வேய்ந்த வெண்பிறைக் கண்ணி தன்னையோர்
          பாகம் வைத்து உகந்தீர்
மோந்தை யோடு முழக்கறா முருகன்
          பூண்டி மாநகர் வாய்
ஏந்து பூண்முலை மங்கை தன்னொடும்
          எத்துக்கு இங் கிருந்தீர் எம் பிரானீரே.  9  

முந்தி வானவர் தாம் தொழு முருகன்
          பூண்டி மாநகர் வாய்ப்
பந்த ணை விரல் பாவை தன்னையோர்
          பாகம் வைத்த வனைச்
சிந்தை யில் சிவ தொண்டன் ஊரன்
          உரைத்தன பத்தும்  கொண்டு 
எந்தம் அடிகளை ஏத்து வார் இடர்
          ஒன்றும்  தாம் இலரே.

        

திருச்சிற்றம்பலம்