திருவிடைமருதூர்

           

௨ 

திருநாவுக்கரசு  சுவாமிகள் அருளிச்செய்த
ஆறாம்  திருமுறை

தகவல் பலகை	விவரம்
தலம்	திருவிடைமருதூர்
ஊர்/வேறுபெயர்	இடைமருது மத்தியார்சுனம்
நாடு	காவிரி தென்கரை
ॐசுவாமி	மகாலிங்கம், மருதவாணர்
ॐஅம்பிகை	பிரகத் சுந்தர குஜாம்பிகை, நன்முலை நாயகி
பாடியவர்கள்	திருஞானசம்பந்தர்(6)          ஓடேகலன் உண்பதும் (1:032)         தோடு ஓர் காதினன் (1:095)         மருந்தவன் வானவர் (1:110)         நடை மரு திருபுரம் (1:!21)         விரிதரு புலியுரி (1:122)         பொங்கு நூல் மார்பினீர் (2:56)          திருநாவுக்கரசர்(5)         காடுடைச் சுடலை (4:35)         பாசம் ஒன்றிலராய் (5:14)         சூலப் படையுடையார்  (6:17)         ஆறு சடைக்கு அணிவர் (6:18)          சுந்தரர்(1)         கழுதை குங்குமம்  ( 7:60)
ஸ்தல மரம்	மருது (அர்சுனம்)
தீர்த்தம்	காவிரி
பண்	திருத்தாண்டகம்
குறிப்புகள்	தலைமருது - ஸ்ரீ சைலம் மல்லிகார்ஜுனம்  கடை மருது - திருப்புடைமருதூர்  இது இடை மருது
பதிக பலன்	வினை தீர்க்கும் - தோஷ நிவர்த்தி தலம்
வரிசை எண்.	17                                     காவிரி (தெ) -30/127

திருச்சிற்றம்பலம்

ஆறு சடைக்கு அணிவர் அங்கைத் தீயர்
அழகர் படை உடையர் அம்பொற் றோள்மேல்
நீறு தடவந்து இடபம் ஏறி
நித்தம் பலிகொள்வர் மொய்த்த பூதம்
கூறுங் குணமுடையர் கோவ ணத்தர்
கோடால வேடத்தர் கொள்கை சொல்லின்
ஈறும்  நடுவும்  முதலும் ஆவார்
இடைமருது மேவி இடம் கொண் டாரே.  1  

மங்குல் மதிவைப்பர் வான நாடர்
மடமா னிடமுடையர் மாத ராளைப்
பங்கில் மிகவைப்பர் பால்போல் நீற்றர்
பளிக்கு வடம்புனைவர் பாவ நாசர்
சங்கு திரையுகளுஞ் சாய்க்காடு ஆள்வர்
சரிதை பல உடையர் தன்மை சொல்லின்
எங்கும் பலிதிரிவர் என்னுள் நீங்கார்
இடைமருது மேவி இடம்  கொண்டாரே.  2  

ஆல நிழலிருப்பர் ஆகா யத்தர்
அருவரையின் உச்சியர் ஆணர் பெண்ணர்
காலம் பலகழித்தார் கறைசேர் கண்டர்
கருத்துக்குச் சேயார்தாங் காணா தார்க்குக்
கோலம் பலவுடையர் கொல்லை ஏற்றர்
கொடுமழுவர் கோழம்ப மேய ஈசர்
ஏல மணநாறும் ஈங்கோய் நீங்கார்
இடைமருது மேவி இடம் கொண் டாரே.  3  

தேசர் திறம்நினைவார் சிந்தை சேரும்
செல்வர் திருவாரூர் என்றும் உள்ளார்
வாச மலரின்கண் மான்தோல் போர்ப்பர்
மருவுங் கரிஉரியர் வஞ்சக் கள்வர்
நேசர் அடைந்தார்க்கு அடையா தார்க்கு 
நிட்டுரவர் கட்டங்கர் நினைவார்க் கு என்றும்
ஈசர் புனற்பொன்னித் தீர்த்தர் வாய்த்த 
இடைமருது மேவி இடம் கொண் டாரே.  4  

கரப்பர் கரியமனக் கள்வர்க்கு உள்ளம்
கரவாதே தந்நினைய கிற்பார் பாவந்
துரப்பர் தொடுகடலின் நஞ்சம் உண்பர்
தூய மறைமொழியர் தீயால் ஒட்டி
நிரப்பர் புரமூன்றும் நீறு செய்வர்
நீள்சடையர் பாய்விடைகொண்டு எங்கும் ஐயம்
இரப்பர் எமையாள்வர் என்னுள் நீங்கார்
இடைமருது மேவி இடம் கொண் டாரே.  5  

கொடியார் இடபத்தர் கூத்து மாடிக்
குளிர்கொன்றை மேல்வைப்பர் கோலம் ஆர்ந்த
பொடியாரு மேனியர் பூதிப் பையர்
புலித்தோலர் பொங்கரவர் பூண நூலர்
அடியார் குடியாவர் அந்த ணாளர் 
ஆகுதியின் மந்திரத்தார் அமரர் போற்ற
இடியார் களிற்றுரியார் எவரும் போற்ற
இடைமருது மேவி இடம் கொண் டாரே.  6  

பச்சை நிறமுடையர் பாலர் சாலப் 
பழையர் பிழை எலாம் நீக்கி ஆள்வர்
கச்சைக் கதநாகம் பூண்ட தோளர்
கலன் ஒன்று கையேந்தி இல்லம் தோறும்
பிச்சை கொளநுகர்வர் பெரியர் சாலப்
பிறங்கு சடைமுடியர் பேணுந் தொண்டர்
இச்சை மிகஅறிவர் என்று முள்ளார்
இடைமருது மேவி இடம் கொண் டாரே.  7  

காவார் சடைமுடியர் காரோ ணத்தர்
கயிலாய மன்னினார் பன்னு மின்சொற்
பாவார் பொருளாளர் வாளார் கண்ணி
பயிலுந் திருவுருவம் பாக மேயார்
பூவார் புனலணவு புன்கூர் வாழ்வர்
புரமூன்று மொள்ளழலாக் காயத் தொட்ட
ஏவார் சிலைமலையர் எங்குந் தாமே
இடைமருது மேவி இடம் கொண் டாரே.  8  

புரிந்தார் நடத்தின்கண் பூத நாதர்
பொழில் ஆரூர் புக்கு உறைவர் போந்து தம்மிற்
பிரிந்தா ரகல்வாய பேயுந் தாமும் 
பிரியா ர் ஒருநாளும் பேணு காட்டில்
எரிந்தார் அனல் உகப்பர் ஏழில் ஓசை 
எவ்விடத்துந் தாமே என்று ஏத்து வார்பால்
இருந்தார் இமையவர்கள் போற்ற என்றும் 
இடைமருது மேவி இடம் கொண் டாரே.  9  

விட்டிலங்கு மாமழுவர் வேலை நஞ்சர்
விடங்கர் விரிபுனல்சூழ் வெண்காட் டு உள்ளார்
மட்டிலங்கு தார்மாலை மார்பில் நீற்றர்
மழபாடி யுள் உறைவர் மாகா ளத்தர்
சிட்டிலங்கு வல்லரக்கர் கோனை அன்று 
செழுமுடியுந் தோளைந்நான் கடரக் காலால்
இட்டிரங்கி மற்றவனுக்கு ஈந்தார் வென்றி
இடைமருது மேவி இடம் கொண் டாரே.

திருச்சிற்றம்பலம்