திருபந்தனை நல்லூர்

     

௨ 

திருஞானசம்பந்தர் சுவாமிகள் அருளிச்செய்த
மூன்றாம்  திருமுறை

தகவல் பலகை	விவரம்
தலம்	திருபந்தணைநல்லூர்
ஊர்	கோவூர், விஷ்ணுபுரி, கந்துகபுரி, வாலி நகர், பானுபுரி, இந்திரபுரி
நாடு	காவிரி வடகரை (சோழ நாடு)
ॐசுவாமி	பசுபதீஸ்வரர்
ॐஅம்பிகை	வேணு புஜாம்பிகை
பாடியவர்கள்	திருஞானசம்பந்தர்(1),         இடறினார் கூற்றைப்  (3:121) திருநாவுக்கரசர்(1),         நோதங்கம் இல்லாதார்   (6:10)
ஸ்தல மரம்	சரக்கொன்றை
தீர்த்தம்	சூரிய தீர்த்தம்
பண்	புற நீர்மை
குறிப்புகள்	காமதேனு, திருமால், கண்வ முனிவர், வாலி, இந்திரன், பிரமன், சொசொரியன் முதலியோர் வழிபட்ட தலம்
பதிக பலன்	தொல் வினை தீரும்
வரிசை எண்.	121                                                                   -35/63

திருச்சிற்றம்பலம்

இடறினார் கூற்றைப் பொடிசெய்தார் மதிலை                         
          இவைசொல்லி யுலகெழுந் தேத்தக்                        
கடறினா ராவர் காற்றுளா ராவர்                        
          காதலித் துறைதரு கோயில்                        
கொடிறனார் யாதுங் குறைவிலார் தாம்போய்க்                        
          கோவணங் கொண்டுகூத் தாடும்                        
படிறனார் போலும் பந்தணை நல்லூர்                        
          நின்றஎம் பசுபதி யாரே.  1  

கழியுளார் எனவும்  கடலுளார் எனவும்                        
          காட்டுளார் நாட்டுளார் எனவும்                        
வழியுளார் எனவும் மலையுளார் எனவும்                        
          மண்ணுளார் விண்ணுளார் எனவும்                        
சுழியுளார் எனவும் சுவடுதாம் அறியார்                        
          தொண்டர்வாய் வந்தன சொல்லும்                        
பழியுளார் போலும் பந்தணை நல்லூர்                        
          நின்றஎம் பசுபதி யாரே.  2  

காட்டினார் எனவும் நாட்டினார் எனவும்                        
          கடுந்தொழிற் காலனைக் காலால்                        
வீட்டினார் எனவும் சாந்தவெண் நீறு                        
          பூசியோர் வெண்மதி சடைமேல்                        
சூட்டினார் எனவும் சுவடுதாம் அறியார்                        
          சொல்லுள சொல்லுநால் வேதப்                        
பாட்டினார் போலும் பந்தணை நல்லூர்                        
          நின்றஎம் பசுபதி யாரே.  3  

முருகினார் பொழில்சூழ் உலகினார் ஏத்த                        
          மொய்த்தபல் கணங்களின் துயர் கண்டு                         
உருகினார் ஆகி உறுதி போந்து உள்ளம்                        
          ஒண்மையால் ஒளிதிகழ் மேனி                        
கருகினார் எல்லாம் கைதொழுது ஏத்தக்                        
          கடலுள்நஞ்சு அமுதமா வாங்கிப்                        
பருகினார் போலும் பந்தணை நல்லூர்                        
          நின்றஎம் பசுபதி யாரே.  4  

பொன்னினார் கொன்றை இருவடம் கிடந்து                        
          பொறிகிளர் பூணநூல் புரள                        
மின்னினார் உருவின் மிளிர்வதோர் அரவம்                        
          மேவுவெண் ணீறுமெய் பூசித்                        
துன்னினார் நால்வர்க் கறம்அமர்ந் தருளித்                        
          தொன்மையார் தோற்றமுங் கேடும்                        
பன்னினார் போலும் பந்தணை நல்லூர்                        
          நின்றஎம் பசுபதி யாரே.  5  

ஒண்பொனார் அனைய அண்ணல்வாழ்க எனவும்                        
          உமையவள் கணவன்வாழ்க எனவும்                        
அண்பினார் பிரியார் அல்லுநன் பகலும்                        
          அடியவர் அடியிணை தொழவே                        
நண்பினார் எல்லாம் நல்லர் என்று ஏத்த                        
          அல்லவர் தீயர் என்று ஏத்தும்                        
பண்பினார் போலும் பந்தணை நல்லூர்                        
          நின்றஎம் பசுபதி யாரே.  6  

எற்றினார் ஏதும் இடைகொள்வார் இல்லை                        
          இருநிலம் வானுலகு எல்லை                        
தெற்றினார் தங்கள் காரண மாகச்                        
          செருமலைந்து அடியிணை சேர்வான்                        
முற்றினார் வாழும் மும்மதில் வேவ                        
          மூவிலைச் சூலமும் மழுவும்                        
பற்றினார் போலும் பந்தணை நல்லூர்                        
          நின்றஎம் பசுபதி யாரே.  7  

ஒலிசெய்த குழலின் முழவம் இயம்ப                        
          ஓசையால் ஆடல் அறாத                        
கலிசெய்த பூதங் கையினால் இடவே                        
          காலினால்  பாய்தலும் அரக்கன்                        
வலிகொள்வர் புலியின் உரிகொள்வர் ஏனை                        
          வாழ்வுநன் றானுமோர் தலையில்                        
பலிகொள்வர் போலும் பந்தணை நல்லூர்                        
          நின்றஎம் பசுபதி யாரே.  8  

சேற்றினார் பொய்கைத் தாமரை யானும்                        
          செங்கண்மால் இவர் இரு கூறாத்                        
தோற்றினார் தோற்றத் தொன்மையை அறியார்                        
          துணைமையும் பெருமையும் தம்மில்                        
சாற்றினார் சாற்றி ஆற்றலோம் என்னச்                        
          சரண்கொடுத் தவர்செய்த பாவம்                        
பாற்றினார் போலும் பந்தணை நல்லூர்                        
          நின்றஎம் பசுபதி யாரே.  9  

இப்பதிகத்தில் 10-ம் பாடல் கிடைக்கப்பெறவில்லை.  10  

கல்லிசை பூணக் கலை ஒலி ஓவாக்                        
          கழுமல முதுபதி தன்னில்                        
நல்லிசை யாளன் புல்லிசை கேளா                        
          நற்றமிழ் ஞானசம் பந்தன்                        
பல்லிசை பகுவாய்ப் படுதலை ஏந்தி                        
          மேவிய பந்தணை நல்லூர்                        
சொல்லிய பாடல் பத்தும்வல் லவர்மேல்                        
          தொல்வினை சூழகி லாவே.

திருச்சிற்றம்பலம்