திருப்புன்கூர் - திருநீடூர்.

     

௨ 

திருநாவுக்கரசு  சுவாமிகள் அருளிச்செய்த
ஆறாம்  திருமுறை

தகவல் பலகை	விவரம்
தலம்	திருபுன்கூர்
ஊர்
நாடு	காவிரி வடகரை (சோழ நாடு)
ॐசுவாமி	சிவலோகநாதர்
ॐஅம்பிகை	சொக்கநாயகி
பாடியவர்கள்	திருப்புன்கூர்: திருஞானசம்பந்தர்(1),         முந்தி நின்ற வினை (1:27) திருநாவுக்கரசர்(1),         பிறவாதே தோன்றிய (6:11) சுந்தரர்(1)         அந்தணாளன் (7:55) திருநீடூர்: திருநாவுக்கரசர்(1),         பிறவாதே தோன்றிய (6:11) சுந்தரர்(1)         ஊர்வதோர் விடை ஒன்று (7:56)
ஸ்தல மரம்	திருப்புன்கூர்         புங்கமரம் திருநீடூர்          மகிழம்
தீர்த்தம்	கணபதி தீர்த்தம்
பண்	திருத்தாண்டகம்
குறிப்புகள்	பிரமன், இந்திரன், சந்திரன், சூரியன், அக்கினி, சப்த கன்னியர், அகத்திய முனிவர், பதஞ்சலி வியாக்கிரபாதர் வழிபட்டது நந்தனார் வழிபடும் பொருட்டு நந்தியை விலகி இருக்குமாறு பணித்த தலம் இங்கு உள்ள திருக்குளம் விநாயகரை வேண்டி நந்தனார் அமைத்தது. = விறல் மின்ட நாயனார் வழிபட்ட தலம்
பதிக பலன்	இறையருள்  பெற
வரிசை எண்.	11                                                              காவிரி (வ) -35/63

திருநீடூர் 

தகவல் பலகை	விவரம்
தலம்	திருநீடூர்
ஊர்
நாடு	காவிரி வடகரை (சோழ நாடு)
ॐசுவாமி	அருட் சோம நாதேஸ்வரர்
ॐஅம்பிகை	வேயுறு தோளியம்மை
பாடியவர்கள்	திருநாவுக்கரசர்(1), சுந்தரர்(1)
ஸ்தல மரம்	மகிழமரம்
தீர்த்தம்
பண்	திருத்தாண்டகம்
குறிப்புகள்	இந்திரன், சந்திரன், சூரியன், காளி, நண்டு ஆகியோர் வழிபட்ட தலம் முனையடுவார் நாயனார் திருத் தொண்டு செய்து முத்தி அடைந்த தலம்.
பதிக பலன்	இறையருள்  பெற
வரிசை எண்.	11                                                         காவிரி (வ) -21/63

திருச்சிற்றம்பலம்

பிறவாதே தோன்றிய பெம்மான் தன்னைப்
பேணாதார் அவர்தம்மைப் பேணா தானைத்
துறவாதே கட்டறுத்த சோதி யானைத்
தூநெறிக்குந் தூநெறியாய் நின்றான் றன்னைத்
திறமாய எத்திசையும் தானே ஆகித் 
திருப்புன்கூர் மேவிய சிவலோ கனை
நிறமாம் ஒளியானை நீடூ ரானை
நீதனே என்னேநான் நினையா வாறே.  1  

பின்தானும் முன்தானு ம் ஆனான் தன்னைப்
பித்தர்க்குப் பித்தனாய் நின்றான் தன்னை
நன்று ஆங்கு அறிந்தவர்க்கும் தானே ஆகி 
நல்வினையும் தீவினையும் ஆனான் தன்னைச்
சென்று ஓங்கி விண்ணளவுந் தீயா னானைத்
திருப்புன்கூர் மேவிய சிவலோ கனை
நின்றாய நீடூர் நிலாவி னானை
நீதனே என்னேநான் நினையா வாறே.  2  

இல்லானை எவ்விடத்தும் உள்ளான் தன்னை
இனியநினை யாதார்க்கு இன்னா தானை
வல்லானை வல்லடைந்தார்க்கு அருளும் வண்ணம்
மாட்டாதார்க்கு எத்திறத்தும் மாட்டா தானைச்
செல்லாத செந்நெறிக்கே செல்விப் பானைத்
திருப்புன்கூர் மேவிய சிவலோ கனை
நெல்லால் விளைகழனி நீடூ ரானை
நீதனே என்னேநான் நினையா வாறே.  3  

கலைஞானங் கல்லாமே கற்பித் தானைக்
கடுநரகம் சாராமே காப்பான் தன்னைப்
பலவாய வேடங்கள் தானே ஆகிப்
பணிவார்கட்கு அங்கங்கே பற்றா னானைச்
சிலையாற் புரமெரித்த தீயா டியைத்
திருப்புன்கூர் மேவிய சிவலோ கனை
நிலையார் மணிமாட நீடூ ரானை
நீதனே என்னேநான் நினையா வாறே.  4  

நோக்காதே எவ்வளவும் நோக்கி னானை
நுணுகாதே யாது ஒன்றும் நுணுகி னானை
ஆக்காதே யாது ஒன்றும் ஆக்கி னானை
அணுகாதார் அவர்தம்மை அணுகா தானைத்
தேக்காதே தெண்கடல்நஞ் சு உண்டான் தன்னைத்
திருப்புன்கூர் மேவிய சிவலோ கனை
நீக்காத பேரொளிசேர் நீடு ரானை
நீதனே என்னேநான் நினையா வாறே.  5  

பூணலாப் பூணானைப் பூசாச் சாந்தம் 
உடையானை முடைநாறும் புன்க லத்தில்
ஊணலா ஊணானை ஒருவர் காணா 
உத்தமனை ஒளிதிகழும் மேனி யானைச்
சேணுலாம் செழும்பவளக் குன்று ஒப் பானைத்
திருப்புன்கூர் மேவிய சிவலோ கனை
நீணுலா மலர்க்கழனி நீடூ ரானை
நீதனே என்னேநான் நினையா வாறே.  6  

உரையார் பொருளுக்கு உலப்பி லானை
ஒழியாமே எவ் உயிரும்  ஆனான் த ன்னைப்
புரையாய்க் கனமாயாழ்ந் தாழா தானைப்
புதியனவு மாய்மிகவும் பழையான் தன்னைத்
திரையார் புனல்சேர் மகுடத் தானைத்
திருப்புன்கூர் மேவிய சிவலோ கனை
நிரையார் மணிமாட நீடூ ரானை
நீதனே என்னேநான் நினையா வாறே.  7  

கூர் அரவத்து அணையானும் குளிர்தண் பொய்கை 
மலர்அவனும் கூடிச்சென்று  அறிய மாட்டார்
ஆர் ஒருவர் அவர்தன்மை அறிவார் தேவர்
அறிவோம் என்பார்க்கு எல்லாம் அறிய லாகாச்
சீர் அரவக் கழலானை நிழலார் சோலைத் 
திருப்புன்கூர் மேவிய சிவலோ கனை
நீர் அரவத் தண்கழனி நீடூ ரானை
நீதனே என்னேநான் நினையா வாறே.  8  

கையெலாம் நெய்பாயக் கழுத்தே கிட்டக்
கால்நிமிர்த்து நின்று உண்ணும் கையர் சொன்ன
பொய் எலாம் மெய் என்று கருதிப் புக்குப் 
புள்ளுவரால் அகப்படாது உய்யப் போந்தேன்
செய்யெலாம் செழுங்கமலப் பழன வேலித் 
திருப்புன்கூர் மேவிய சிவலோ கனை
நெய்தல்வாய்ப் புனற்படப்பை நீடூ ரானை
நீதனே என்னேநான் நினையா வாறே.  9  

இகழுமாறு எங்ஙனே ஏழை நெஞ்சே
இகழாது பரந்து ஒன்றாய் நின்றான் தன்னை
நகழமால் வரைக்கீழிட்டு அரக்கர் கோனை 
நலன் அழித்து நன்கு அருளிச் செய்தான் தன்னைத்
திகழுமா மதகரியின் உரிபோர்த் தானைத்
திருப்புன்கூர் மேவிய சிவலோ கனை
நிகழுமா வல்லானை நீடூ ரானை
நீதனே என்னேநான் நினையா வாறே..

திருச்சிற்றம்பலம்