திரு பரங்குன்றம்

  

௨ 

சுந்தரமூர்த்தி சுவாமிகள் அருளிச்செய்த
ஏழாம் திருமுறை

தகவல் பலகை	விவரம்
தலம்	திருப்பரங்குன்றம்
ஊர் /வேறு பெயர்
நாடு	பாண்டிய நாடு
ॐசுவாமி	பரங்கிரிநாதர், சத்தியகிரீஸ்வரர்
ॐஅம்பிகை	ஆவுடை நாயகி
பாடியவர்கள்	திருஞானசம்பந்தர் (1)         நீடலர் சோதி  (1-100) சுந்தரர் (1)         கோத்திட்டையும் (7-02)
ஸ்தல மரம்	கிளுவை மரம்
தீர்த்தம்	லட்சுமி தீர்த்தம், சரவண பொய்கை
பண்	இந்தளம்
குறிப்புகள்	முருகப் பெருமானின் அறுபடை வீடுகளில் ஒன்று  நக்கீரர் வாழ்ந்த திருத்தலம்  சிபி சக்கரவர்த்தி, பிரமன், நக்கீரர் வழிபட்ட தலம்
பதிக பலன்	அரச பதவி கிடைக்கும்.
வரிசை எண்.	02                                                                3/14

திருச்சிற்றம்பலம்

கோத்திட்டையுங் கோவலும் கோயில்கொண் டீர்உமைக்

      கொண்டு உழல்கின்றதோர் கொல்லைச் சில்லைச்

சேத்திட்டுக் குத்தித் தெருவே திரியும்

      சில்பூத மும்நீ ரும்திசை திசையன

சோத்திட்டு விண்ணோர் பலரும் தொழநும்

      அரைக் கோவணத்தோடு ஒருதோல் புடைசூழ்ந்து 

ஆர்த்திட்டதும் பாம்பு கைக்கொண்டதும்பாம்பு

      அடிகேள் உமக்கு ஆட்செய அஞ் சுதுமே.  1  

முண்டம்  தரித்தீர் முதுகாடு உறைவீர்

      முழுநீறு மெய் பூசுதிர்மூக்கப் பாம்பைக்

கண்டத்தி லும்தோளி லும்கட்டி வைத்தீர்

      கடலைக் கடைந்திட்டதோர் நஞ்சை உண்டீர்

பிண்டம்  சுமந்தும் மொடும்கூட மாட்டோம்

      பெரியா ரொடுநட் பினிதென் றிருத்தும்

அண்டம் கடந்தப் புறத்தும் இருந்தீர்

      அடிகேள் உமக்கு ஆட்செய அஞ் சுதுமே.  2  

மூடாய முயலகன் மூக்கப் பாம்பு

      முடைநா றியவெண் தலைமொய்த்த பல்பேய்

பாடா வருபூதங் கள்பாய் புலித்தோல்

      பரிகொன்று அறியா தனபா ரிடங்கள்

தோடார் மலர்க்கொன்றையும் துன் எருக்கும்

      துணைமா மணிநா கம்அரைக்கு அசைத்து ஒன்று 

ஆடாதனவே செய்தீர் எம் பெருமான்

      அடிகேள் உமக்கு ஆட்செய அஞ் சுதுமே.  3  

மஞ்சுண்ட மாலை மதிசூடு சென்னி

      மலையான் மடந்தை மணவாள நம்பி

பஞ்சுண்ட அல்குல் பணைமென் முலையாளொடு

      நீரும் ஒன்றாய் இருத்தல் ஒழியீர்

நஞ்சுண்டு தேவர்க்கு அமுதம் கொடுத்த

      நலம் ஒன்று அறியோம் உங்கை நாகம் அதற்கு

அஞ்சுண்டு படம் அதுபோ கவிடீர்

      அடிகேள் உமக்கு ஆட்செய அஞ் சுதுமே.  4  

பொல்லாப் புறங்காட்டகத்து ஆட்டு ஒழியீர்

      புலால் வாயன பேயொடு பூச்சு ஒழியீர்

எல்லாம் அறிவீர் இதுவே அறியீர்

      என்று இரங்குவேன் எல்லியும் நண் பகலும்

கல் ஆல் நிழற்கீழ் ஒருநாட்கண் டதும்

      கடம்பூர்க் கரக்கோயிலின் முன் கண்டதும்

அல்லால் விரகு ஒன்றிலம் எம் பெருமான்

      அடிகேள் உமக்கு ஆட்செய அஞ் சுதுமே.  5  

தென்னாத் தெனாத் தெத் தெனாஎன்று பாடிச்

      சில்பூ தமும்நீ ரும்திசை திசையன

பன்னான் மறைபா டுதிர்பா சூர்உளீர்

      படம்பக்கம் கொட்டுந் திருவொற்றி யூரீர்

பண்ணார் மொழியாளைஓர்பங்கு உடையீர்

      படுகாட் டகத்து என்றும் ஓர் பற்று ஒழியீர்

அண்ணா மலையேன் என்றீர் ஆரூர் உளீர்

  அடிகேள் உமக்கு ஆட்செய அஞ் சுதுமே.  6  

சிங்கத்து உரி  மூடுதிர் தேவர் கணம்

      தொழ நிற்றீர் பெற்றம் உகந்து ஏறிடுதில்

பங்கம் பல பேசிடப் பாடும் தொண்டர்

      தமைப்பற்றிக் கொண்டு ஆண்டு விடவும் கில்லீர்

கங்கைச் சடையீர் உம்கருத்து அறியோம்

      கண்ணுமூன் று உடையீர் கண்ணேயாய் இருந்தால்

அங்கத்து உறுநோய் களைந்து ஆள கில்லீர்

      அடிகேள் உமக்கு ஆட்செய அஞ் சுதுமே.  7  

பிணிவண் ணத்தவல் வினைதீர்த்து அருளீர்

      பெருங்காட் டகத்திற் பெரும்பேயும் நீரும்

துணிவண் ணத்தின்மேலும் ஓர்தோல் உடுத்துச்

      சுற்றும்நா கத்தராய்ச் சுண்ணநீறு பூசி

மணிவண்ணத் தின்மேலும் ஓர்வண்ணத் தராய்

      மற்றுமற் றும்பல் பலவண் ணத்தராய்

அணிவண் ணத்தராய் நிற்றீர்எம் பெருமான்

      அடிகேள் உமக்கு ஆட்செய அஞ் சுதுமே.  8  

கோளா ளியகுஞ் சரங்கோள் இழைத்தீர்

      மலையின்  தலை அல்லது கோயில் கொள்ளீர்

வேளாளிய காமனை வெந்து அழிய

      விழித்தீர் அதுவன்றியும் வேய் புரையும்

தோளாள் உமைநங்கை ஓர் பங்கு உடையீர்

      உடு கூறையும் சோறும் தந்து ஆள கில்லீர்

ஆளா ளியவே கிற்றீர் எம் பெருமான்

      அடிகேள் உமக்கு ஆட்செய அஞ் சுதுமே.  9  

பாரோடு விண்ணும் பகலும் ஆகிப்

      பனிமால் வரை ஆகிப் பரவை ஆகி

நீரோடு தீயும் நெடுங்காற்றும் ஆகி

      நெடு வெள்ளிடை ஆகி நிலனும் ஆகித்

தேரோடு அவரை எடுத்த அரக்கன்

      சிரம்பத்து இறுத்தீர் உமசெய்கை எல்லாம்

ஆரோடுங் கூடா அடிகேள் இது என்

      அடியோம் உமக்கு ஆட்செய அஞ் சுதுமே.  10  

அடிகேள் உமக்கு ஆட்செய அஞ்சுதும் என்று 

      அமரர் பெருமானை ஆரூரன் அஞ்சி

முடியால் உலகாண்ட மூவேந்தர் முன்னே

      மொழிந்து ஆறும் ஓர் நான்கும் ஒன்றினையும்

படியா இவை கற்று வல்ல அடியார்

      பரங்குன்றம் மேய பரமன் அடிக்கே

குடியாகி வானோர்க்கும் ஓர்கோவும் ஆகிக்

      குலவேந்தராய் விண் முழுது ஆள்பவரே.

    திருச்சிற்றம்பலம்