திரு புத்தூர்

    

௨ 

திருஞானசம்பந்தர் சுவாமிகள் அருளிச்செய்த
முதலா ம்  திருமுறை

தகவல் பலகை	விவரம்
தலம்	திருப்புத்தூர்
ஊர் /வேறு பெயர்	திருப்பத்தூர்
நாடு	பாண்டிய நாடு
ॐசுவாமி	திருத்தளி நாதர், புதூர் ஈசர்
ॐஅம்பிகை	சிவகாமி அம்மையார்
பாடியவர்கள்	திருஞானசம்பந்தர் (1)         வெங்கள் விம்மு (1 -026) திருநாவுக்கரசர் (1)          புரிந்த அமரர் (6-076)
ஸ்தல மரம்	கொன்றை
தீர்த்தம்	திருத்தளி தீர்த்தம், சிவகங்கை
பண்	தக்க ராகம்
குறிப்புகள்	தற்போது திருப்பத்தூர் என்று அழைக்கப்படுகிறது .  கோவில்- திருத்தளி  உமாதேவியும், இலக்குமியும் பூசித்த தலம்
பதிக பலன்	துன்பம் இல்லா வாழ்வு அமையும்
வரிசை எண்.	026                                                                6/14

திருச்சிற்றம்பலம்

வெங்கள் விம்மு வெறியார் பொழில் சோலை

திங்களோடு திளைக்கும் திருப்புத் தூர்க்

கங்கை தங்கு முடியார் அவர் போலும்

எங்கள் உச்சிஉறையும் இறையாரே.  1  

வேனல் விம்மு வெறியார் பொழில் சோலைத்

தேனும் வண்டும்  திளைக்கும் திருப்புத்தூர்

ஊனம் இன்றி உறைவார் அவர் போலும்

ஏனம் உள்ளும் எயிறும் புனைவாரே.  2 

பாங்கு நல்ல வரி வண்டு இசை பாடத்

தேன் கொள் கொன்றை திளைக்கும் திருப்புத்தூர்

ஓங்கு கோயில் உறைவார் அவர்போலும்

தாங்கு திங்கள் தவழ்புன் சடையாரே.  3  

நாற விண்ட நறுமா மலர்கவ்வித்

தேறல் வண்டு திளைக்கும்  திருப்புத்தூர்

ஊறல் வாழ்க்கை உடையார் அவர்போலும்

ஏறு கொண்ட கொடி எம் இறையாரே.  4  

இசை விளங்கும் எழில் சூழ்ந்த இயல் பாகத்

திசை விளங்கும் பொழில் சூழ் திருப்புத்தூர்

பசை விளங்கப் படித்தார் அவர்போலும்

வசை விளங்கும் வடிசேர் நுதலாரே.  5  

வெண் நிறத்த விரையோடு அ லர் உந்தித்

தெண் நிறத்த புனல் பாய் திருப்புத்தூர்

ஒண் நிறத்த ஒளியார் அவர்போலும்

வெண் நிறத்த விடைசேர் கொடியாரே.  6  

நெய்தல் ஆம்பல் கழுநீர் மலர்ந்து எங்கும்

செய்கண் மல்கு சிவனார் திருப்புத்தூர்த்

தையல் பாகம் மகிழ்ந்தார் அவர்போலும்

மையுள் நஞ்ச மருவும் மிடற்றாரே.  7  

கருக்கம் எல்லாம் கமழும் பொழிற்சோலைத்

திருக்கொள் செம்மை விழவார் திருப்புத்தூர்

இருக்க வல்ல இறைவர் அவர்போலும்

அரக்கன் ஒல்க விரலால் அடர்த்தாரே.  8  

மருவி எங்கும் வளரும் மடமஞ்ஞை

தெருவு தோறும் திளைக்குந் திருப்புத்தூர்ப்

பெருகி வாழும் பெருமான் அவன்போலும்

பிரமன் மாலும் அறியாப் பெரியோனே.  9  

கூறைபோர்க்கும் தொழிலார் அமண் கூறல்

தேறல் வேண்டா தெளிமின் திருப்புத்தூர்

ஆறும் நான்கும் அமர்ந்தார் அவர்போலும்

ஏறுகொண்ட கொடி எம் இறையாரே.  10  

நல்ல கேள்வி ஞான சம்பந்தன்

செல்வர் சேடர் உறையும் திருப்புத்தூர்ச்

சொல்லல் பாடல் வல்லார் தமக்கு என்றும்

அல்லல் தீரும் அவலம் அடையாவே.

திருச்சிற்றம்பலம்