திரு அன்பில் ஆலந்துறை

௨ 

திருஞானசம்பந்தர்சுவாமிகள்   அருளிச்செய்த
முதலாம்  திருமுறை 

தகவல் பலகை	விவரம்
தலம்	திரு அன்பில் ஆலந்துறை
பிற பெயர்கள்	அன்பில்,
நாடு	சோழ நாடு (வ)
ॐசுவாமி	சத்திய வாகீச்வரர்
ॐஅம்பிகை	சௌந்தர நாயகி
பாடியவர்கள்	சம்பந்தர் (1)         கணை நெடு எரி மால் (1-33) அப்பர் (1)         வானம் சேர் மதி சூடி (5-80)
ஸ்தல மரம்	ஆல மரம்
தீர்த்தம்	கொள்ளிடம், சந்திர தீர்த்தம்
பண்	தக்க ராகம்
குறிப்புகள்	பிரமன், வாகீச முனிவர் வழிபட்ட தலம்.
பதிக பலன்	துன்பமும் இல்லை. பாவமும் இல்லை.
வரிசை எண்.	33                                                      57/63

திருச்சிற்றம்பலம்          

கணைநீடு எரி மால் அரவம் வரைவில்லா
இணையாஎயில் மூன்றும் எரித்த இறைவர்
பிணைமாமயிலும் குயில் சேர்மட அன்னம்
அணையும்பொழில் அன்பில் ஆலந்துறை யாரே.  1  

சடையார்சது ரன்முதி ராமதி சூடி
விடையார் கொடி ஒன்று உடை எந்தை விமலன்
கிடையார் ஒலி ஓத்து அரவத்து இசை கிள்ளை
அடையார்பொழில் அன்பில் ஆலந்துறை யாரே.  2  

ஊரும் அரவம் சடை மேல் உற வைத்துப்
பாரும் பலி கொண்டு ஒலி பாடும் பரமர்
நீருண் கயலும் வயல் வாளை வராலோடு 
ஆரும் புனல் அன்பில் ஆலந்துறை யாரே.  3  

பிறையும் அரவும் முறவைத்த முடிமேல்
நறை உண்டு எழு வன்னியு மன்னு சடையார்
மறையும்பல வேதியர் ஓத ஒலிசென்று
அறையும்புனல் அன்பில் ஆலந்துறை யாரே.  4  

நீடும்புனல் கங்கையும் தங்க முடிமேல்
கூடும் மலை யாள் ஒரு பாகம் அமர்ந்தார்
மாடும் முழவம் மதிர் அம்மட மாதர்
ஆடும்பதி அன்பில் ஆலந்துறை யாரே.  5  

நீறார் திருமேனியர் ஊனம் இலார்பால்
ஊறார் சுவையாகிய உம்பர் பெருமான்
வேறு ஆர் அகிலும் மிகு சந்தனம் உந்தி
ஆறு ஆர் வயல் அன்பில் ஆலந்துறை யாரே.  6  

செடியார் தலையில் பலி கொண்டு இனி துண்ட
படியார் பரமன் பரமேட்டி தன் சீரைக்
கடியார் மலரும் புனல் தூவி நின்று ஏத்தும்
அடியார்தொழும் அன்பில் ஆலந்துறை யாரே.  7  

விடத்தார் திகழும் மிடறன் நடமாடி
படத்தார் அரவம் விரவும் சடை ஆதி
கொடித்தேர் இலங்கைக் குலக் கோன் வரை ஆர
அடர்த்து ஆர் அருள் அன்பில் ஆலந்துறை யாரே.  8  

வணங்கிம் மலர் மேல் அயனும் நெடு மாலும்
பிணங்கி அறிகின்றிலர் மற்றும் பெருமை
சுணங்கும் முகத் தம்முலை யாள் ஒரு பாகம்
அணங்கும் நிகழ் அன்பில் ஆலந்துறை யாரே.  9  

தறியார்துகில் போர்த்து உழல் வார்சமண் கையர்
நெறியா உணரா நிலை கேடினர் நித்தல்
வெறியார்மலர் கொண்டு அடி வீழும் அவரை
அறிவார் அவர் அன்பில் ஆலந்துறை யாரே.  10  

அரவு ஆர் புனல் அன்பில் ஆலந்துறை தன்மேல்
கரவாதவர் காழியுள் ஞானசம் பந்தன்
பரவு ஆர் தமிழ் பத்து இசை பாட வல்லார்போய்
விரவாகுவர் வான் இடை வீடு எளி தாமே.

திருச்சிற்றம்பலம்