திரு அன்பில் ஆலந்துறை

 

௨ 

திருநாவுக்கரசு சுவாமிகள்   அருளிச்செய்த
ஐந்தாம் திருமுறை 

தகவல் பலகை	விவரம்
தலம்	திரு அன்பில் ஆலந்துறை
பிற பெயர்கள்	அன்பில்,
நாடு	சோழ நாடு (வ)
ॐசுவாமி	சத்திய வாகீச்வரர்
ॐஅம்பிகை	சௌந்தர நாயகி
பாடியவர்கள்	சம்பந்தர் (1)         கணை நெடு எரி மால் (1-33) அப்பர் (1)         வானம் சேர் மதி சூடி (5-80)
ஸ்தல மரம்	ஆல மரம்
தீர்த்தம்	கொள்ளிடம், சந்திர தீர்த்தம்
பண்	திருக்குறுந்தொகை
குறிப்புகள்	பிரமன், வாகீச முனிவர் வழிபட்ட தலம்.
பதிக பலன்	தேவர்கள் வணங்குவார்கள்.
வரிசை எண்.	80                                                      57/63

திருச்சிற்றம்பலம்          

வானம் சேர்மதி சூடிய மைந்தனை
நீநெஞ்சே கெடு வாய் நினைகிற்கிலை
ஆன அஞ்சு ஆடியை அன்பில் ஆலந்துறைக்
கோன் எம் செல்வனைக்கூறிட கிற்றியே.  1  

காரணத்தர் கருத்தர் கபாலியார்
வாரணத்து  உரி போர்த்த மணாளனார்
ஆர ணப்பொருள் அன்பில் ஆலந்துறை
நார ணற்கு அரியான் ஒரு நம்பியே.  2  

அன்பின் ஆன் அஞ்சும் ஐந்துடன் ஆடிய
என்பின் ஆனை உரித்துக் களைந்தவன்
அன்பிலானை அம்மானை அள்ளூறிய
அன்பினால் நினைந்தார் அறிந் தார்களே.  3  

சங்கை உள்ளதும் சாவது மெய்யுமை
பங்க னார் அடிபாவியேன் நான் உய்ய
அங்க ணன் எந்தை அன்பில் ஆலந்துறைச்
செங்கணார் அடிச் சேரவும் வல்லனே.  4  

கொக்கிறகர் குளிர்மதிச் சென்னியர்
மிக்க அரக்கர் புரம் எரி செய்தவர்
அக்க ரையினர் அன்பில் ஆலந்துறை
நக்கு உருவரும்நம்மை அறிவரே.  5  

வெள்ளம் உள்ள விரிசடை நந்தியைக்
கள்ளம் உள்ள மனத்தவர் காண்கிலார்
அள்ளல் ஆர் வயல் அன்பில் ஆலந்துறை
உள்ளவாறு அறியார் சிலர் ஊமரே.  6  

பிறவி மாயப்பிணக்கில் அழுந்தினும்
உறவு எலாம் சிந்தித்து உன்னி உகவாதே
அறவன் எம்பிரான்அன்பிலா லந்துறை
மறவா தேதொழுது ஏத்தி வணங்குமே.  7  

நுணங்கு நூலயன் மாலும் இருவரும்
பிணங்கி எங்கும் திரிந்து எய்த்தும்  காண்கிலா
அணங்கன் எம்பிரான் அன்பில் ஆலந்துறை
வணங்கும் நும்வினை மாய்ந்து அறும் வண்ணமே.  8  

பொய் எலாம் உரைக்கும் சமண் சாக்கியக்
கையன் மாரு உரை கேளாது எழுமினோ
ஐயன் எம்பிரான்அன்பில் ஆலந்துறை
மெய்யன் சேவடி ஏத்துவார் மெய்யரே.  9  

இலங்கை வேந்தன்இருபது தோளிற்று
மலங்க மாமலைமேல்விரல் வைத்தவன்
அலங்கல் எம்பிரான் அன்பில் ஆலந்துறை
வலங்கொள் வாரை வானோர் வலம் கொள்வரே.

திருச்சிற்றம்பலம்