திரு பைஞ்ஞீலி

  

௨ 

திருநாவுக்கரசு சுவாமிகள்   அருளிச்செய்த
ஐந்தாம் திருமுறை 

தகவல் பலகை	விவரம்
தலம்	திரு பைஞ்ஞீலி
பிற பெயர்கள்	கதலி வனம், ஞீலி வனம், அரம்பை வனம், விமாலரண்யம், தரலகிரி, சுதகிரி, வ்யாக்கிரபுரி,  மேலை சிதம்பரம்,
நாடு	சோழ நாடு (வ)
ॐசுவாமி	ஞீலிவனநாதர், வாழைவள நாதர் , நீலகண்டேஸ்வரர், ஆரண்ய விடங்கர்
ॐஅம்பிகை	விசாலாட்சி
பாடியவர்கள்	சம்பந்தர் (1)         ஆரிடம் பாடிலர் (3-14) அப்பர் (1)         உடையார் கோவணம் (5-41) சுந்தர்ர் (1)         காருலாவிய நஞ்சை (7-36)
ஸ்தல மரம்	வாழை
தீர்த்தம்	அப்பர் தீர்த்தம்
பண்	திருக்குறுந்தொகை
குறிப்புகள்	திருநாவுகரசருக்கு பொதி சோறு அளித்து பசியை போக்கிய தலம்  வசிட்டருக்கு நடகாட்சி அருளிய தலம்  எமனுக்கு தனி சன்னதி உள்ள திருத்தலம். எமனுக்கு உயிர் கொடுத்த திருத்தலம்.  நவகிரகங்களுக்கு தனி சந்நிதி இல்லை.  இது பரிகார ஸ்தலமாக போற்றப் படுகிறது  ஆயுள் விருத்தி, வழக்கு வெற்றி முதலியவற்றிக்கு வழிபாடு செய்து பலன் பெறலாம்.
பதிக பலன்	இடர் யாவும் நீங்கும்.
வரிசை எண்.	41                                                      61/63

திருச்சிற்றம்பலம்        

  
உடையர் கோவணம் ஒன்றும் குறைவிலர்
படைகொள் பாரிடம் சூழ்ந்த பைஞ்ஞீலியார்
சடையிற் கங்கை தரித்த சதுரரை
அடைய வல்லவர்க்கு இல்லை அவலமே.  1  

மத்த மாமலர் சூடிய மைந்தனார்
சித்த ராய்த்திரிவார்வினை தீர்ப்பரால்
பத்தர் தாம் தொழுது ஏத்து பைஞ்ஞீலி எம்
அத்தனைத் தொழ வல்லவர் நல்லரே.  2  

விழுது சூலத்தன் வெண்மழு வாட்படைக்
கழுது துஞ்சு இருள் காட்டகத்து ஆடலான்
பழுது ஒன்று இன்றிப் பைஞ்ஞீலிப் பரமனைத்
தொழுது செல்பவர் தம்வினை தூளியே.  3  

ஒன்றி மாலும் பிரமனுந் தம்மிலே
நின்ற சூழல் அறிவரியான் இடம்
சென்று பாரிடம் ஏத்து பைஞ்ஞீலியுள்
என்றும் மேவி இருந்த அடிகளே.  4  

வேழத்தின் உரி போர்த்த விகிர்தனார்
தாழச் செஞ்சடைமேற்பிறை வைத்தவர்
தாழைத் தண்பொழில் சூழ்ந்த பைஞ்ஞீலியார்
யாழின் பாட்டை உகந்த அடிகளே.  5  

குண்டு பட்டுக்குறி அறியாச் சமண்
மிண்ட ரோடுபடுத்துய்யப் போந்துநான்
கண்டங் கார்வயல் சூழ்ந்த பைஞ்ஞீலி எம்
அண்ட வாணன் அடி அடைந்து உய்ந்தனே.  6  

வரிப்பை ஆடரவு  ஆட்டி மதகரி
உரிப்பை மூடிய உத்தமனார் உறை
திருப்பைஞ்ஞீலி திசை தொழுவார்கள் போய்
இருப்பர் வானவரோடு இனி தாகவே.  7  

கோடல் கோங்கம்புறவணி முல்லைமேல்
பாடல் வண்டு இசைகேட்கும் பைஞ்ஞீலியார்
பேடு மாணும் பிறர் அறியாததோர்
ஆடு நாகம்அசைத்த அடிகளே.  8  

காரு லாமலர்க் கொன்றையந் தாரினான்
வாரு லாமுலை மங்கையோர் பங்கினன்
தேரு லாம்பொழில் சூழ்ந்தபைஞ் ஞீலி எம்
ஆர்கிலா அமுதை அடைந்து உய்ம்மினே.  9  

தருக்கிச் சென்று தடவரை பற்றலும்
நெருக்கி ஊன்ற நினைந்து சிவனையே
அரக்கன் பாட அருல் எம்மானிடம்
இருக்கை ஞீலி என்பார்க்கு இடர்  இல்லையே.

திருச்சிற்றம்பலம்