திரு பைஞ்ஞீலி

 

௨ 

திருஞானசம்பந்தர்சுவாமிகள்   அருளிச்செய்த
மூன்றாம்   திருமுறை 

தகவல் பலகை	விவரம்
தலம்	திரு பைஞ்ஞீலி
பிற பெயர்கள்	கதலி வனம், ஞீலி வனம், அரம்பை வனம், விமாலரண்யம், தரலகிரி, சுதகிரி, வ்யாக்கிரபுரி,  மேலை சிதம்பரம்,
நாடு	சோழ நாடு (வ)
ॐசுவாமி	ஞீலிவனநாதர், வாழைவள நாதர் , நீலகண்டேஸ்வரர், ஆரண்ய விடங்கர்
ॐஅம்பிகை	விசாலாட்சி
பாடியவர்கள்	சம்பந்தர் (1)         ஆரிடம் பாடிலர் (3-14) அப்பர் (1)         உடையார் கோவணம் (5-41) சுந்தர்ர் (1)         காருலாவிய நஞ்சை (7-36)
ஸ்தல மரம்	வாழை
தீர்த்தம்	அப்பர் தீர்த்தம்
பண்	காந்தார பஞ்சமம்
குறிப்புகள்	திருநாவுகரசருக்கு பொதி சோறு அளித்து பசியை போக்கிய தலம்  வசிட்டருக்கு நடகாட்சி அருளிய தலம்  எமனுக்கு தனி சன்னதி உள்ள திருத்தலம். எமனுக்கு உயிர் கொடுத்த திருத்தலம்.  நவகிரகங்களுக்கு தனி சந்நிதி இல்லை.  இது பரிகார ஸ்தலமாக போற்றப் படுகிறது  ஆயுள் விருத்தி, வழக்கு வெற்றி முதலியவற்றிக்கு வழிபாடு செய்து பலன் பெறலாம்.
பதிக பலன்	உயர்ந்த வாழ்வு கிடைக்கும்.
வரிசை எண்.	14                                                      61/63

திருச்சிற்றம்பலம்          

ஆரிடம் பாடிலர் அடிகள் காடலால்
ஓரிடம் குறைவிலர் உடையர் கோவணம்
நீரிடஞ் சடைவிடை ஊர்தி நித்தலும்
பாரிடம் பணிசெயும் பயில்பைஞ்ஞீலியே.  1  

மருவிலார் திரிபுரம் எரிய மால்வரை
பருவிலாக் குனித்தபைஞ்ஞீலி மேவலான்
உருவிலான் பெருமையைஉளங்கொ ளாதவத்
திருவிலார் அவர்களைத்தெருட்டல் ஆகுமே.  2  

அஞ்சுரும் பணிமலர் அமுதம் மாந்தித்தேன்
பஞ்சுரம் பயிற்று பைஞ்ஞீலி மேவலான்
வெஞ்சுரந் தனில் உமை வெருவ வந்ததோர்
குஞ்சரம் பட உரி போர்த்த கொள்கையே.  3  

கோடல்கள் புறவணி கொல்லை முல்லைமேல்
பாடல் வண்டு இசைமுரல் பயில்பைஞ் ஞீலியார்
பேடலர் ஆணலர் பெண்ணும் அல்லதோர்
ஆடலை உகந்தஎம் அடிகள் அல்லரே.  4  

விழியிலா நகுதலை விளங்கு இளம்பிறை
சுழியிலார் வருபுனற் சூழல் தாங்கினான்
பழியிலார் பரவுபைஞ்ஞீலி பாடலான்
கிழியிலார் கேண்மையைக்கெடுக்கல் ஆகுமே.  5  

விடையுடைக் கொடிவலன் ஏந்தி வெண்மழுப்
படையுடைக் கடவுள்பைஞ்ஞீலி மேவலான்
துடியிடைக் கலையல்குலாளோர் பாகமாச்
சடையிடைப் புனல்வைத்தசதுரன் அல்லனே.  6  

தூயவன் தூயவெண் நீறு மேனிமேற்
பாயவன் பாயபைஞ்ஞீலி கோயிலா
மேயவன் வேய்புரைதோளி பாகமா
ஏயவன் எனைச்செயும் தன்மை என்கொலோ.  7  

தொத்தின தோள்முடியுடைய வன் தலை
பத்தினை நெரித்தபைஞ்ஞீலி மேவலான்
முத்தினை முறுவல்செய்தாள் ஓர் பாகமாப்
பொத்தினன் திருந்தடி பொருந்தி வாழ்மினே.  8  

நீருடைப் போது உறைவானும் மாலுமாய்ச்
சீருடைக் கழலடி சென்னி காண்கிலர்
பாருடைக் கடவுள்பைஞ்ஞீலி மேவிய
தாருடைக் கொன்றையந்தலைவர் தன்மையே.  9  

பீலியார் பெருமையும் பிடகர் நூன்மையுஞ்
சாலியா தவர்களைச்சாதி யாததோர்
கோலியா வருவரைகூட்டி எய்தபைஞ்
ஞீலியான் கழல் அடி நினைந்து வாழ்மினே.  10  

கண்புனல் விளைவயற் காழிக் கற்பகம்
நண்புணர் அருமறை ஞான சம்பந்தன்
பண்பினர் பரவு பைஞ்ஞீலி பாடுவார்
உண்பின  உலகினில் ஓங்கி வாழ்வரே.

திருச்சிற்றம்பலம்