திரு கள்ளில்

                      

௨ 

திருஞான சமபந்த  சுவாமிகள் அருளிச்செய்த
முதலாம் திருமுறை

தகவல் பலகை	விவரம்
தலம்	திரு கள்ளில்
ஊர்	திருக் கண்டம், திருக்கள்ளம்
நாடு	தொண்டை நாடு
ॐசுவாமி	சிவானந்தேஸ்வரர்
ॐஅம்பிகை	ஆனந்தவல்லி
பாடியவர்கள்	திருஞானசம்பந்தர் (1)          முள்ளின் மேல் (1-119)
ஸ்தல மரம்
தீர்த்தம்	நந்தி தீர்த்தம்
பண்	வியாழக்குறிஞ்சி
குறிப்புகள்	பிருகு முனிவர் பூசித்த திருத்தலம்
பதிக பலன்	புகழும் இன்பமும் பெறுவர்.
வரிசை எண்.	119                                                         19/32

திருச்சிற்றம்பலம்

          

முள்ளின்மேல் முதுகூகை முரலும் சோலை

வெள்ளின்மேல் விடுகூறைக் கொடி விளைந்த

கள்ளில்மேய அண்ணல் கழல்கள் நாளும்

உள்ளுமேல் உயர்வெய்தல் ஒருதலையே.  1  

ஆடலான் பாடலான் அரவங்கள் பூண்டான்

ஓடு அலாற் கலன் இல்லான் உறை பதியால்

காடு அலாற் கருதாத கள்ளில் மேயான்

பாடெலாம் பெரியார்கள் பரசு வாரே.  2  

எண்ணார் மும்மதில் எய்த இமையா முக்கண்

பண்ணார்நான் மறைபாடும் பரம யோகி

கண்ணார் நீறணிமார்பன் கள்ளில் மேயான்

பெண்ணாணாம் பெருமான் எம் பிஞ்ஞ கனே.  3  

பிறைபெற்ற சடையண்ணல் பெடை வண்டு ஆலும்

நறைபெற்ற விரிகொன்றைத் தார் நயந்த

கறைபெற்ற மிடற்று அண்ணல் கள்ளில் மேயான்

நிறைபெற்ற அடியார்கள் நெஞ்சு ளானே.  4  

விரையாலும் மலராலும் விழுமை குன்றா

உரையாலும் எதிர்கொள்ள ஊரா ரம்மாக்

கரையார்பொன் புனல்வேலிக் கள்ளில் மேயான்

அரையார்வெண் கோவணத்த அண்ணல் தானே.  5  

நலனாய பலிகொள்கை நம்பான் நல்ல

வலனாய மழுவாளும் வேலும் வல்லான்

கலனாய தலையோட்டான் கள்ளில் மேயான்

மலனாய தீர்த்து எய்தும் மாதவத் தோர்க்கே.  6  

பொடியார்மெய் பூசினும் புறவின் நறவம்

குடியாவூர் திரியினுங் கூப்பி டினும்

கடியார்பூம் பொழிற்சோலைக் கள்ளில் மேயான்

அடியார்பண்பு இகழ்வார்கள் ஆதர் களே.  7  

திருநீல மலர் ஒண்கண் தேவி பாகம்

புரிநூலும் திருநீறும் புல்கு மார்பில்

கருநீல மலர்விம்மு கள்ளில் என்றும்

பெருநீல மிடற்று அண்ணல் பேணு வதே.  8  

வரியாய மலரானும் வையம் தன்னை

உரிதாய அளந்தானும் உள்ளு தற்கு அங்கு

அரியானும் அறியாத கள்ளில் மேயான்

பெரியான் என்று அறிவார்கள் பேசு வாரே.  9  

ஆச்சியப் பேய்களோடு அமணர் குண்டர்

பேச்சு இவை நெறி அல்ல பேணு மின்கள்

மாச்செய்த வளவயல் மல்கு கள்ளில்

தீச்செய்த சடை அண்ணல் திருந்து அடியே.  10  

திகைநான்கும் புகழ்காழிச் செல்வம் மல்கு

பகல்போலும் பேரொளியான் பந்தன் நல்ல

முகைமேவு முதிர்சடையான் கள்ளில் ஏத்தப்

புகழோடும் பேரின்பம் புகுதும் அன்றே.

திருச்சிற்றம்பலம்