திருவிற்கோலம்

                            

௨ 

திருஞானசம்பந்தர் சுவாமிகள் அருளிச்செய்த
மூன்றாம்  திருமுறை

தகவல் பலகை	விவரம்
தலம்	திரு விற்கோலம்
ஊர்	கூவம் , கூபரக்னபுரி
நாடு	தொண்டை நாடு
ॐசுவாமி	திருபுராந்தகேஸ்வரர், திருவிற்கோல நாதர்
ॐஅம்பிகை	திருபுராந்தகி, திரிபுர சுந்தரி
பாடியவர்கள்	ஞானசம்பந்தர்  (1)         உருவினார் உமை(3-23)
ஸ்தல மரம்
தீர்த்தம்	அக்கினிதீர்த்தம்
பண்	காந்தார பஞ்சமம்
குறிப்புகள்	தீண்டாத் திருமேனி  மணல் லிங்கம்  இங்குள்ள பைரவர் சந்நிதியில் நாய் வாகம் இல்லை
பதிக பலன்	பாவம் விலகும்
வரிசை எண்.	23                                                         14/32

திருச்சிற்றம்பலம்

          

உருவினார் உமையொடும்

          ஒன்றி நின்றதோர்

திருவினான் வளர்சடைத்

          திங்கள் கங்கையான்

வெருவி வானவர் தொழ

          வெகுண்டு நோக்கிய

செருவினான் உறைவிடம்

          திருவிற் கோலமே.  1  

சிற்றிடை உமை ஒரு

          பங்கன் அங்கையில்

உற்றதோர் எரியினன்

          ஒரு சரத்தினால்

வெற்றி கொள் அவுணர்கள்

          புரங்கள் வெந்தறச்

செற்றவன் உறைவிடம்

          திருவிற் கோலமே.  2  

ஐயன்நல் அதிசயன்

          அயன் விண்ணோர் தொழும்

மையணி கண்டனார்

          வண்ண வண்ணம்வான்

பையரவு அல்குலாள்

          பாகம் ஆகவும்

செய்யவன் உறைவிடம்

          திருவிற் கோலமே.  3  

விதைத்தவன் முனிவருக்கு

          அறமுன் காலனை

உதைத்தவன் உயிர் இழந்து 

          உருண்டு வீழ்தரப்

புதைத்தவன் நெடுநகர்ப்

          புரங்கள் மூன்றையும்

சிதைத்தவன் உறைவிடம்

          திருவிற் கோலமே.  4  

முந்தினான் மூவருள்

          முதல்வன் ஆயினான்

கொந்துலாம் மலர்ப்பொழில்

          கூகம் மேவினான்

அந்திவான் பிறையினான்

          அடியர் மேல்வினை

சிந்துவான் உறைவிடம்

          திருவிற் கோலமே.  5  

தொகுத்தவன் அருமறை

          அங்கம் ஆகமம்

வகுத்தவன் வளர்பொழிற்

          கூக மேவினான்

மிகுத்தவன் மிகுத்தவர்

          புரங்கள் வெந்தறச்

செகுத்தவன் உறைவிடம்

          திருவிற் கோலமே.  6  

விரித்தவன் அருமறை

          விரிச டைவெள்ளம்

தரித்தவன் தரியலர்

          புரங்கள் ஆசற

எரித்தவன் இலங்கையர்

          கோன் இ டர்படச்

சிரித்தவன் உறைவிடம்

          திருவிற் கோலமே.  7  

இப்பதிகத்தில் 8-ம் பாடல் கிடைக்கப்பெறவில்லை.  8  

திரிதரு புரம் எரி

          செய்த சேவகன்

வரியர வொடுமதி

          சடையில் வைத்தவன்

அரியொடு பிரமனது 

          ஆற்றலால் உருத்

தெரியலன் உறைவிடம்

          திருவிற் கோலமே.  9  

சீர்மையில் சமணொடு

          சீவ ரக்கையர்

நீர்மையில் உரைகள்

          கொள்ளாத நேசர்க்குப்

பார்மலி பெரும் செல்வம்

          பரிந்து நல்கிடும்

சீர்மையினான் இடம்

          திருவிற் கோலமே.  10  

கோடல்வெண் பிறையனைக்

          கூகம் மேவிய

சேடன செழுமதில்

          திருவிற் கோலத்தை

நாடவல் லதமிழ்

          ஞானசம் பந்தன

பாடல்வல் லார்களுக்கு

          இல்லை பாவமே.

திருச்சிற்றம்பலம்