திரு இலம்பையங்கோட்டூர்

                             

௨ 

திருஞானசம்பந்தர் சுவாமிகள் அருளிச்செய்த
முதலாம்  திருமுறை

தகவல் பலகை	விவரம்
தலம்	திரு இலம்பையங்கோட்டூர்
ஊர்	எளுமியன் கோட்டூர்
நாடு	தொண்டை நாடு
ॐசுவாமி	அரம்பேஸ்வரர்
ॐஅம்பிகை	கோடேந்து முலை அம்மை
பாடியவர்கள்	ஞானசம்பந்தர்  (1)        மலையினார் பருப்பதம் (1-76)
ஸ்தல மரம்	மல்லிகை
தீர்த்தம்	மல்லிகை தீர்த்தம்
பண்	குறிஞ்சி
குறிப்புகள்	சம்பந்தருக்கு, பாலனாக விருத்தனாக பசுவாக தோன்றி காட்சி தந்த தலம்  எனது உரை தனது உரை யாக  என பாடிய திருத்தலம்
பதிக பலன்	வீடு பேறு கிட்டும்
வரிசை எண்.	23                                                         14/32

திருச்சிற்றம்பலம்

          

மலையினார் பருப்பதம் துருத்திமாற் பேறு 

          மாசிலாச் சீர்மறைக் காடுநெய்த் தானம்

நிலையினான் "எனது உரை தனது உரை யாக" 

          நீறு அணிந்து ஏறு உகந்து ஏறிய நிமலன்

கலையினார் மடப்பிணை துணையொடும் துயிலக் 

          கானலம் பெடைபுல்கிக் கணமயிலாலும்

இலையினார் பைம்பொழில் இலம்பையங் கோட்டூர்     

          இருக்கையாப் பேணி என் எழில்கொள்வது இயல்பே.  1 

 திருமலர்க் கொன்றையான் நின்றியூர் மேயான் 

          தேவர்கள் தலைமகன் திருக்கழிப் பாலை

நிருமலன் "எனது உரை தனது உரை யாக" 

          நீறு அணிந்து ஏறு உகந்து ஏறிய நிமலன்

கருமலர்க் கமழ்சுனை நீள்மலர்க் குவளை 

          கதிர்முலை இளையவர் மதிமுகத்து உலவும்

இருமலர்த் தண்பொய்கை இலம்பையங் கோட்டூர்

          இருக்கையாப் பேணி என் எழில்கொள்வது இயல்பே.  2  

பாலனாம் விருத்தனாம் பசுபதி தானாம் 

          பண்டுவெங் கூற்று உதைத்து அடியவர்க்கு அருளும்

காலனாம் "எனது உரை தனது உரை யாக" 

          கனல் எரி அங்கையில் ஏந்திய கடவுள்

நீலமா மலர்ச்சுனை வண்டுபண் செய்ய 

          நீர்மலர்க் குவளைகள் தாதுவிண் டோங்கும்

ஏலம்நா றும்பொழில் இலம்பையங் கோட்டூர்

          இருக்கையாப் பேணி என் எழில்கொள்வது இயல்பே.  3  

உளம் கொள்வார் உச்சியார் கச்சி ஏகம்பன் 

          ஒற்றியூர் உறையும் அண்ணாமலை அண்ணல்

விளம்புவான் "எனது உரை தனது உரையாக" 

          வெள்ளநீர் விரிசடைத் தாங்கிய விமலன்

குளம்புறக் கலைதுள மலைகளும் சிலம்பக் 

          கொழுங்கொடி எழுந்து எங்கும் கூவிளம் கொள்ள

இளம்பிறை தவழ்பொழில் இலம்பையங் கோட்டூர் 

          இருக்கையாப் பேணி என் எழில்கொள்வது இயல்பே.  4  

தேனுமாய் அமுதமாய்த் தெய்வமும் தானாய்த் 

          தீயொடு நீருடன் வாயுவாம்  தெரியில்

வானுமாம் "எனது உரை தனது உரை யாக" 

          வரிஅரா வரைக்கு அசைத்து உழிதரு மைந்தன்

கானமான் வெருவுறக் கருவிரல் ஊகம் 

          கடுவனோடு உகளும் ஊர் கற்கடும் சாரல்

ஏனம் ஆன் உழிதரும் இலம்பையங் கோட்டூர்

          இருக்கையாப் பேணி என் எழில்கொள்வது இயல்பே.  5

மனம் உலாம் அடியவர்க்கு அருள் புரிகின்ற 

          வகையலால் பலிதிரிந்து உண்பிலான் மற்றோர்

தனம் இலான் "எனது உரை தனது உரை யாக" 

          தாழ்சடை இளமதி தாங்கிய தலைவன்

புனம் எலாம் அருவிகள் இருவிசேர் முத்தம் 

          பொன்னொடு மணிகொழித் தீண்டி வந்து எங்கும்

இனமெலாம் அடைகரை இலம்பையங் கோட்டூர்

          இருக்கையா பேணி என் எழில் கொள்வது இயல்பே.  6  

நீர் உளான் தீ உளான் அந்தரத்து உள்ளான்

          நினைப்பவர் மனத்து உளான் நித்தமா ஏத்தும்

ஊருளான் "எனது உரை தனது உரை யாக" 

          ஒற்றைவெள் ஏறு உகந்து ஏறிய ஒருவன்

பாருளார் பாடலோடு ஆடல் அறாத

          பண்முரன்று அஞ்சிறை வண்டு இனம் பாடும்

ஏர் உளார் பைம்பொழில் இலம்பையங் கோட்டூர்

          இருக்கையாப் பேணி என் எழில் கொள்வது இயல்பே.  7  

வேருலாம் ஆழ்கடல் வருதிரை இலங்கை

        வேந்தன் தடக்கைகள் அடர்த்தவன் உலகில்

ஆர் உலாம் "எனது உரை தனது உரை யாக" 

        ஆகம் ஓமோர் அரவு அணிந்து உழிதரும் அண்ணல்

வாருலா நல்லன மாக்களும் சார

        வாரணம் உழிதரும் மல்லல் அம் கானல்

ஏருலாம் பொழில் அணி இலம்பையங் கோட்டூர்

        இருக்கையாப் பேணி என் எழில்கொள்வது இயல்பே.  8  

கிளர்மழை தாங்கினான் நான்முகம் உடையோன்

          கீழடி மேல்முடி தேர்ந்து அளக் கில்லா

உளமழை "எனது உரை தனது உரை யாக" 

          ஒள்ளழல் அங்கையில் ஏந்திய ஒருவன்

வளமழை எனக்கழை வளர்துளி சோர

          மாசுண முழிதரு மணி அணி மாலை

இளமழை தவழ்பொழில் இலம்பையங் கோட்டூர்

          இருக்கையாப் பேணி என் எழில்கொள்வது இயல்பே.  9  

உரிஞ்சன கூறைகள் உடம்பினர் ஆகி

          உழிதரு சமணரும்  சாக்கியப் பேய்கள்

பெரும்செல்வன் "எனது உரை தனது உரை யாக" 

          பெய் பலிக்கு என்று உழல் பெரியவர் பெருமான்

கருஞ்சினை முல்லைநன் பொன்னடை வேங்கை

          களிமுக வண்டொடு தேன்இனம் முரலும்

இருஞ்சுனை மல்கிய இலம்பையங் கோட்டூர்

          இருக்கையாப் பேணி என் எழில் கொள்வது இயல்பே.  10  

கந்தனை மலிகனை கடல் ஒலி ஓதம்

          கானலங் கழிவளர் கழுமலம் என்னும்

நந்தியார் உருறை பதி நால்மறை நாவன்

          நற்றமிழ்க்கு இன் துணை ஞானசம் பந்தன்

எந்தையார் வளநகர் இலம்பையங் கோட்டூர் 

          இசையொடு கூடிய பத்தும்வல் லார் போய்

வெந்துயர் கெடுகிட விண்ணவ ரோடும் 

          வீடுபெற்று இம்மையின் வீடு எளி தாமே.

திருச்சிற்றம்பலம்