திருவக்கரை

             

௨ 

திருஞானசம்பந்தர் சுவாமிகள் அருளிச்செய்த
மூன்றாம் திருமுறை

தகவல் பலகை	விவரம்
தலம்	திரு வக்கரை
ஊர்
நாடு	தொண்டை நாடு
ॐசுவாமி	சந்திரசேகரர்
ॐஅம்பிகை	வடிவாம்பிகை, அமிர்தேஸ்வரி
பாடியவர்கள்	திருஞானசம்பந்தர் (1)          கறையணி மாமிடற்றான் (3-60)
ஸ்தல மரம்	வில்வம்
தீர்த்தம்	சூரிய, சந்திர தீர்த்தம்.
பண்	பஞ்சமம்
குறிப்புகள்	வக்கிராசுரன் வழிபட்ட தலம்  மூலவர் மும்முக பொலி உடையவர்
பதிக பலன்	வினை நீக்கம் பெறுவர்
வரிசை எண்.	60                                                          30/32

திருச்சிற்றம்பலம்

            

கறையணி மாமிடற்றான்
          கரிகாடரங் காவுடையான்
பிறையணி கொன்றையினான்
          ஒருபாகமும் பெண் அமர்ந்தான்
மறையவன் தன் தலையில்
          பலிகொள்பவன் வக்கரையில்
உறைபவன் எங்கள்பிரான்
          ஒலியார்கழல் உள்குதுமே.  1  

பாய்ந்தவன் காலனைமுன்
          பணைத்தோளி ஓர் பாகமதா
ஏய்ந்தவன் எண்ணிறந்த இவ்
          இமையோர்கள் தொழுது இறைஞ்ச
வாய்ந்தவன் முப்புரங்கள்
          எரிசெய்தவன் வக்கரையில்
தேய்ந்து இள வெண்பிறைசேர்
          சடையான் அடி செப்புதுமே.  2  

சந்திர சேகரனே
          அருளாய் என்று தண்விசும்பில்
இந்திரனும் முதலா
          இமையோர்கள் தொழுது இறைஞ்ச
அந்தர மூவெயிலும்
          அனலாய்விழ ஓர் அம்பினால்
மந்தர மேருவில்லா
          வளைத்தானிடம் வக்கரையே.  3  

நெய்யணி சூலமோடு
          நிறைவெண்மழு வும்மரவும்
கையணி கொள்கையினான்
          கனல்மேவிய ஆடலினான்
மெய்யணி வெண்பொடியான்
          விரிகோவண ஆடையின்மேல்
மையணி மாமிடற்றான்
          உறையும் இடம் வக்கரையே.  4  

ஏனவெண் கொம்பினொடும்
          இள ஆமையும் பூண்டு உகந்து
கூனிள வெண்பிறையும்
          குளிர்மத்தமும் சூடிநல்ல
மான் என மென்விழியாளொடும் 
          வக்கரை மேவி அவன்
தான் அவர் முப்புரங்கள்
          எரிசெய்த தலைமகனே.  5  

கார்மலி கொன்றையோடும்
          கதிர்மத்தமும் வாள் அரவும்
நீர்மலியும் சடைமேல்
          நிரம்பாமதி சூடிநல்ல
வார்மலி மென்முலையாளொடும்
          வக்கரை மேவி அவன்
பார்மலி வெண் தலையில்
          பலிகொண்டு உழல் பான்மையனே.  6  

கான் அணவும்மறிமான்
          ஒருகையதோர் கைமழுவாள்
தேன் அணவும் குழலாள்
          உமைசேர்திரு மேனியினான்
வான் அணவும்பொழில்சூழ்
          திருவக்கரை மேவி அவன்
ஊன் அணவும் தலையில்
          பலிகொண்டு உழல் உத்தமனே.  7  

இலங்கையர் மன்னனாகி
          எழில்பெற்ற இராவணனைக்
கலங்க ஓர் கால்விரலால்
          கதிர்பொன்முடி பத்து அலற
நலங்கெழு சிந்தையனாய்
          அருள்பெற்றலு நன்கு அளித்த
வலங்கெழு மூவிலைவேல்
          உடையானிடம் வக்கரையே.  8  

காமனை ஈடு அழித்திட்டு 
          அவன்காதலி சென்று இரப்பச்
சேமமே உன் தனக்கு என்று 
          அருள்செய்தவன் தேவர்பிரான்
சாமவெண் தாமரைமேல்
          அயனும் தரணி அளந்த
வாமனனும் அறியா
          வகையானிடம் வக்கரையே.  9  

மூடிய சீவரத்தர்
          முதிர்பிண்டியர் என்று இவர்கள்
தேடிய தேவர்தம்மால்
          இறைஞ்சப்படும் தேவர்பிரான்
பாடிய நான்மறையன்
          பலிக்கு என்று பல்வீதிதோறும்
வாடிய வெண்தலைகொண்டு 
          உழல்வான் இடம் வக்கரையே.  10  

தண்புனலும் அரவும்
          சடைமேல் உடையான் பிறைதோய்
வண்பொழில் சூழ்ந்த அழகார்
          இறைவன் உறை வக்கரையைச்
சண்பையர் தம் தலைவன்
          தமிழ்ஞானசம் பந்தன்சொன்ன
பண்புனை பாடல்வல்லார்
          அவர்தம்வினை பற்று அறுமே.

திருச்சிற்றம்பலம்