திரு மழபாடி

    

௨ 

திருஞானசம்பந்தர் சுவாமிகள்   அருளிச்செய்த
இரண்டாம் திருமுறை 

தகவல் பலகை	விவரம்
தலம்	திரு மழபாடி
பிற பெயர்கள்
நாடு	சோழ நாடு (வ)
ॐசுவாமி	வைத்தியநாதர், மழுவாட்டீஸ்வரர், வச்சிரதம்பேஸ்வரர்,
ॐஅம்பிகை	அழகம்மை, சுந்தராம்பிகை
பாடியவர்கள்	சம்பந்தர் (3)         களையும் வல்வினை  (2-09)         காளையார் வண்டு இனம் (3-028)         அங்கையார் அழல் அன்ன (3-048) அப்பர் (2)         நீறேறு மேனி உடையான் (6-039)         அலையடுத்த பெருங்கடல் (6-040) சுந்தரர் (1)         பொன்னார் மேனியனே (7-24)
ஸ்தல மரம்	பனை மரம்
தீர்த்தம்	இலக்குமி  தீர்த்தம்., கொள்ளிடம்
பண்	இந்தளம்
குறிப்புகள்	மார்க்கண்டேயரின் பொருட்டு இறைவன் மழு ஏந்தி நடம் புரிந்த தலம்  திருமால், இந்திரன் வழிபட்ட தலம்  நந்தி தேவர் மணம் முடித்த திருத்தலம்  மழபாடிக்கு வர மறந்தனையோ என அழைத்த திருத்தலம்
பதிக பலன்	நிறைவான வாழ்வு கிடைக்கும்.
வரிசை எண்.	09                                                      54/63

திருச்சிற்றம்பலம் 

         
களையும் வல்வினை அஞ்சல் 
          நெஞ்சே கருதார் புரம்
உளையும் பூசல்செய் தான் உயர்
          மால்வரை நல்விலா
வளைய வெஞ்சரம் வாங்கி 
          எய்தான் மதுத் தும்பி வண்டு
அலையும் கொன்றையந் தார்
          மழபாடியுள் அண்ணலே.  1

காச்சி லாதபொன் நோக்கும் 
          கனவயி ரத்திரள்
ஆச்சி லாத பளிங்கினன்
          அஞ்சுமுன் ஆடினான்
பேச்சி னால் உமக்கு ஆவது என்
          பேதைகாள் பேணுமின்
வாச்ச மாளிகை சூழ்
          மழபாடியை வாழ்த்துமே.  2

உரங்கெ டுப்பவன் உம்பர்கள்
          ஆயவர் தங்களைப்
பரங் கெடுப்பவன் நஞ்சை உண்டு
          பகலோன் தனை
முரண் கெடுப்பவன் முப்புரம்
          தீ எழச் செற்றுமுன்
வரங்கொ டுப்பவன் 
          மாமழபாடியுள் வள்ளலே.  3

பள்ளம் ஆர் சடையில் புடையே
          அடை யப்புனல்
வெள்ளம் ஆதரித் தான்விடை
          ஏறிய வேதியன்
வள்ளல் மாமழ பாடியுள்
          மேயம ருந்தினை
உள்ளம் ஆதரி மின்வினை
          ஆயின ஓயவே.  4

தேனு லாமலர் கொண்டுமெய்த்
          தேவர்கள் சித்தர்கள்
பால்நெய் அஞ்சுடன் ஆட்டமுன்
          ஆடிய பால்வணன்
வான நாடர்கள் கைதொழு
          மாமழ பாடி எம்
கோனை நாள் தொறும் 
          கும்பிடவேகுறி கூடுமே.  5

தெரிந்த வன்புரம் மூன்றுடன்
          மாட்டிய சேவகன்
பரிந்து கைதொழு வார் அவர்
          தம்மனம் பாவினான்
வரிந்த வெஞ்சிலை ஒன்று
          உடையான்மழ பாடியைப்
புரிந்து கை தொழுமின்
          வினைஆயின போகுமே.  6

சந்த வார்குழ லாள் உமை
          தன் ஒரு கூறுடை
எந்தை யான்இமை யாத
          முக்கண்ணினன் எம்பிரான்
மைந்தன் வார்பொழில் சூழ்
          மழபாடிம ருந்தினைச்
சிந்தி யா எழுவார் 
          வினைஆயின தேயுமே.  7

இரக்கம் ஒன்றும் இலான்
          இறையான்திரு மாமலை
உரக்கையால் எடுத்தான் தனது 
          ஒண்முடி பத்திற
விரல்தலைந்நிறுவி 
          உமையாளொடு மேயவன்
வரத்தை யேகொடுக் கும்
          மழபாடியுள் வள்ளலே.  8

ஆலம் உண்டு அமுதம் தம்
          அமரர்க்கு அருள் அண்ணலார்
காலன் ஆருயிர் வீட்டிய
          மாமணி கண்டனார்
சால நல் அடியார் 
          தவத்தார்களும் சார்விடம்
மால் அயன் வணங்கும்
          மழபாடி எம் மைந்தனே.  9

கலியின் வல் அமணும் 
          கரும் சாக்கியப் பேய்களும்
நலியும் நாள் கெடுத்து ஆண்ட 
          என் நாதனார் வாழ்பதி
பலியும் பாட்டொடு பண்
          முழவும் பல ஓசையும்
மலியும் மாமழ பாடியை
          வாழ்த்திவ ணங்குமே.  10

மலியு மாளிகை சூழ்
          மழபாடியுள் வள்ளலைக்
கலிசெய் மாமதில் சூழ்கடற்
          காழிக் கவுணியன்

.. . . . . . . . . . . . . 

திருச்சிற்றம்பலம்