2:13 - அருளல்

   ௨

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	13
தந்திரம்	இரண்டாம்  தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	13.  அனுக்கிரகம் - அருளல்
பிற குறிப்புகள்	மலம் நீக்கி அருள் செய்தல்

திருச்சிற்றம்பலம்

                  

எட்டுத் திசையும் எறிகின்ற காற்றொடு

வட்டத் திரை அனல் மாநிலம் ஆகாயம்

ஒட்டி உயிர்நிலை என்னும் இக் காயப்பை

கட்டி அவிழ்ப்பான் கண்ணுதல் காணுமே.  1

உச்சியில் ஓங்கி ஒளிதிகழ் நாதத்தை

நச்சியே இன்பம் கொள்வார்க்கு நமன்இல்லை

விச்சும் விரிசுடர் மூன்றும் உலகுக்குத்

தச்சும் அவனே சமைக்கவல் லானே.  2

குசவன் திரிகையில் ஏற்றிய மண்ணைக்

குசவன் மனத்து உற்றது எல்லாம் வனைவன்

குசவனைப் போல் எங்கள் கோன்நந்தி வேண்டில்

அசைவில் உலகம் அது இது ஆமே.  3

விரி உடையான் விகிர் தன்மிகு பூதப்

படை உடையான்பரி சேஉலகு ஆக்கும்

கொடை உடையான் குணம் எண்குணம் ஆகும்

சடை உடையான் சிந்தை சார்ந்து நின்றானே.  4

உகந்து நின்றே படைத்தான் உலகு ஏழும்

உகந்து நின்றே படைத்தான் பல ஊழி

உகந்து நின்றே படைத்தான் ஐந்து பூதம்

உகந்து நின்றே உயிர் ஊன்படைத் தானே.  5

படைத்து உடையான் பண்டு உலகங்கள் ஏழும்

படைத்து உடையான் பல தேவரை முன்னே

படைத்து உடையான் பல சீவரை முன்னே

படைத்து உடையான் பரமாகி நின் றானே.  6

ஆதி படைத்தனன் ஐம்பெரும் பூதம்

ஆதி படைத்தனன் ஆசில்பல் ஊழி

ஆதி படைத்தனன் எண்ணிலி தேவரை

ஆதி படைத்தவை தாங்கிநின் றானே.  7

அகன்றான் அகல் இடம் ஏழும் ஒன்றாகி

இவன் தான் என நின்ற எளியனும் அல்லன்

சிவன்தான் பல பல சீவனும் ஆகி 

நவின்றான் உலகு உறு நம்பனும் ஆமே.  8

உண்ணின்ற சோதி உறநின்ற ஓர் உடல்

விண் நின்ற அமரர் விரும்பும் விழுப்பொருள்

மண் நின்ற வானோர் புகழ் திருமேனியன்

கண் நின்ற மாமணி மாபோதம் ஆமே.  9

ஆரும் அறியாத அண்டத் திருவுருப்

பார்முத லாகப் பயிலும் கடத்திலே

நீரினில் பால்போல நிற்கின்ற நேர்மையைச்

சோராமல் காணும் சுகம்அறிந் தேனே.  10