2:18 - தீர்த்தம்

        ௨

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	18
தந்திரம்	இரண்டாம்  தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	18. தீர்த்தம்
பிற குறிப்புகள்	தூய நீராடுதல்

திருச்சிற்றம்பலம்

                  

உள்ளத்தின் உள்ளே உளபல தீர்த்தங்கள்

மெள்ளக் குடைந்துநின்று ஆடார் வினைகெடப்

பள்ளமும் மேடும் பரந்து திரிவரே

கள்ள மனமுடைக் கல்வி இலோரே.  1

தளி அறிவாளர்க்குத் தண்ணிதாய்த் தோன்றும்

குளி அறிவாளர்க்குக் கூடவும் ஒண்ணான்

வளி அறிவாளர்க்கு வாய்க்கினும் வாய்க்கும்

தெளி அறிவாளர்தம் சிந்தை உளானே.  2

உள்ளத்தின் உள்ளே உணரும் ஒருவனைக்

கள்ளத்தின் ஆரும் கலந்து அறிவார்இல்லை

வெள்ளத்தை நாடி விடும்அவர் தீவினைப்

பள்ளத்தில் இட்டதோர் பந்தலுள் ஆமே   3

அறிவு ஆர் அமரர்கள் ஆதிப் பிரானைச்

செறிவான் உறைபதம் சென்று வலங்கொள்

மறியார் வளைக்கை வருபுனல் கங்கைப்

பொறியார் புனல்மூழ்கப் புண்ணியர் ஆமே.  4

கடலில் கெடுத்துக் குளத்தினில் காண்டல்.

உடலுற்றுத் தேடுவார் தம்மைஒப் பார் இலர்

திடம் உற்ற நந்தி திருவரு ளால்சென்று

உடலிற் புகுந்தமை ஒன்று அறி யாரே.  5

கலந்தது நீர் அது உடம்பில் கறுக்கும்

கலந்தது நீர் அதுஉடம்பில் சிவக்கும்

கலந்தது நீர் அது உடம்பில் வெளுக்கும்

கலந்தது நீர் அனல் காற்று  அது ஆமே.  6