திரு இன்னம்பர்

              

௨ 

திருநாவுக்கரசர் சுவாமிகள் அருளிச்செய்த
ஐந்தாம்  திருமுறை

தகவல் பலகை	விவரம்
தலம்	திரு இன்னம்பர்
ஊர்
நாடு	சோழ (காவிரி வட)
ॐசுவாமி	தான் தோன்றி ஈசர், எழுத்தறிநாதர்
ॐஅம்பிகை	சுகுந்த குந்தாளாம்பிகை & நித்தியகல்யாணி
பாடியவர்கள்	திருஞானசம்பந்தர் (1)         எண் திசைக்கும் புகழ் (3-095) திருநாவுக்கரசர்(4)         விண்ணவர் மகுடகோடி (4-072)         மண்ணும் மலைமகள் (4-100)         என்னில் ஆரும் (5-021)         அல்லிமலர் நாற்றத்து (6-089)
ஸ்தல மரம்	பலா, செண்பகம்
தீர்த்தம்	ஐராவாத தீர்த்தம்
பண்	திருகுறுந்தொகை
குறிப்புகள்	அகத்தியர் வழிபட்டது அகத்தியர் இலக்கணம் உபதேசம் பெற்ற பதி ஐராவதம் பூசித்த தலம்.
பதிக பலன்	துயர் நீங்கும்.
வரிசை எண்.	72                                                             45/63

திருச்சிற்றம்பலம்

என்னி ஆரும்  எனக்கு இனியார் இல்லை
என்னிலும் இனியான் ஒருவன் உளன்
என்னுளே உயிர்ப்பாய்ப் புறம் போந்து புக்கு 
என் உளே நிற்கும் இன்னம்பர் ஈசனே.  1

மட்டுண் பார்கள் மடந்தையர் வாட்கண்ணால்
கட்டுண் பார்கள் கருதுவது என்கொலோ
தட்டி முட்டித் தள்ளாடித்  தழுக்குழி
எட்டு மூர்த்தியர் இன்னம்பர் ஈசனே.  2

கனலும் கண்ணியும் தண்மதியோடு உடன்
புனலும் கொன்றையும் சூடும் புரிசடை
அனலும் சூலமும் மான் மறிக் கையினர்
எனலும் என் மனத்து இன்னம்பர் ஈசனே.  3

மழைக்கண் மாமயிலால் ஆலும் மகிழ்ச்சியான்
அழைக்கும் தன் அடியார்கள் தம் அன்பினைக்
குழைக்கும் தன்னைக் குறிக்கொள வேண்டியே
இழைக்கும் என்மனத்து இன்னம்பர் ஈசனே.  4

தென்னவன் எனை ஆளும் சிவன் அவன்
மன்னவன் மதியம்மறை ஓதியான்
முன்ன மன்னவன் சேர்வன  பூழியான்
இன்னம் இன்புற்ற இன்னம்பர் ஈசனே.  5

விளக்கும் வேறுபடப்பிறர் உள்ளத்தில்
அளக்கும் தன் அடியார்மனத்து அன்பினைக்
குளக்கும் என்னைக் குறிக்கொள வேண்டியே
இளக்கும் என்மனத்து இன்னம்பர் ஈசனே.  6

சடைக்க ணாள்புனவாள்அனல் கையதோர்
கடைக்க ணால் மங்கை நோக்கிம வான்மகள்
படைக்க ணால் பருகப்படு வான்நமக்கு 
இடைக்க ணாய்நின்ற இன்னம்பர் ஈசனே.  7

தொழுது தூமலர்தூவித் துதித்துநின்று
அழுது காமுற்று அரற்றுகின் றாரையும்
பொழுது போக்கிப் புறக்கணிப் பாரையும்
எழுதும்  கீழ்க்கணக்கு இன்னம்பர் ஈசனே.  8

விரியுந் தண் இளவேனிலில் வெண்பிறை
புரியுங் காமனைவேவப் புருவமும்
திரியும் எல்லையில் மும்மதில் தீயெழும்
தெரிய நோக்கிய இன்னம்பர் ஈசனே.  9

சனியும் வெள்ளியும் திங்களும் ஞாயிறும்
முனிவனாய் முடி பத்து உடையான் தனைக்
கனிய ஊன்றிய காரணம் என்கொலோ
இனியனாய் நின்ற இன்னம்பர் ஈசனே.

திருச்சிற்றம்பலம்