திரு விசயமங்கை

       

௨ 

திருநாவுக்கரசு சுவாமிகள்   அருளிச்செய்த
ஐந்தாம் திருமுறை 

தகவல் பலகை	விவரம்
தலம்	திரு விசயமங்கை
பிற பெயர்கள்	கோவந்த புத்தூர்
நாடு	சோழ நாடு (வ)
ॐசுவாமி	விசய நாதேஸ்வரர்
ॐஅம்பிகை	மங்கள நாயகி
பாடியவர்கள்	சம்பந்தர் (1)       மருவமர் குழல் உமை (3-17) அப்பர்(1)         குசையும் அங்கையில்  (5-71)
ஸ்தல மரம்
தீர்த்தம்	அருச்சுனா  தீர்த்தம்
பண்	திருக்குறுந்தொகை
குறிப்புகள்	விசயன் - அர்ஜுனன் பூசித்து பேறு பெற்ற தலம்  பசு பூசித்த தலம்.  கோவந்த புத்தூர் என வழங்கப் பெற்றது.
பதிக பலன்	நன்னெறி வாய்க்க பெறுவர்
வரிசை எண்.	71                                                     47/63

திருச்சிற்றம்பலம் 

குசையும் அங்கையிற் கோசமுங் கொண்ட அவ்
வசையின் மங்கல வாசகர் வாழ்த்தவே
இசைய மங்கையும்  தானும் ஒன் றாயினான்
விசைய மங்கையுள் வேதியன் காண்மினே.  1

ஆதி நாதன் அடல்விடை மேலமர்
பூத நாதன் புலி அதள் ஆடையன்
வேத நாதன் விசயமங் கை உளான்
பாதம் ஓதவல்லார்க்கு இல்லை பாவமே.  2

கொள்ளி டக்கரைக் கோவந்த புத்தூரில்
வெள்விடைக்கு அருள் செய் விசயமங்கை
உள்ளிடத் உறைகின்ற உருத்திரன்
கிள்ளிடத்தலை அற்றது அயனுக்கே.  3

திசையும் எங்குங் குலுங்கத் திரிபுரம்
அசைய அங்கு எய்திட்டார் அழல் ஊட்டினான்
விசைய மங்கை விருத்தன் புறத்தடி
விசையின் மங்கிவிழுந்தனன் காலனே.  4

பொள்ளல் ஆக்கை அகத்தில் ஐம்பூதங்கள்
கள்ளம் ஆக்கிக் கலக்கிய கார் இருள்
விள்ளல் ஆக்கி விசயமங்கைப் பிரான்
உள்ளல்  நோக்கி என்னுள் உள் உறையுமே.  5

கொல்லை ஏற்றுக்கொடியொடு பொன்மலை
வில்லை ஏற்றுடையான்விச யமங்கைச்
செல்வ போற்றி என்பாருக்குத் தென்றிசை
எல்லை ஏற்றலும் இன்சொலும் ஆகுமே.  6

கண்பல் உக்கக் கபாலம்அங் கைக்கொண்டு
உண்பலிக் குழல் உத்தமன் உள்ளொளி
வெண் பிறைக் கண்ணியான் விசயமங்கை
நண்பனைத் தொழப் பெற்றது நன்மையே.  7

பாண்டு வின் மகன்பார்த்தன் பணிசெய்து
வேண்டு நல்வரம் கொள் விசயமங்கை
ஆண்டவன் அடியே நினைந்து ஆசையால்
காண்டலே கருத்தாகி இருப்பனே.  8

வந்து கேண்மின்மயல்தீர் மனிதர்காள்
வெந்த நீற்றன் விசயமங் கைப்பிரான்
சிந்தை யால்நினை வார்களைச் சிக்கெனப்
பந்து வாக்கி உயக்கொளும் காண்மினே.  9

இலங்கை வேந்தன் இருபது தோளிற
விலங்கள் சேர்விரலான்விச யமங்கை
வலம் செய்வார்களும் வாழ்த்து இசைப் பார்களும்
நலம் செய்வார் அவர் நன்னெறி நாடியே.

திருச்சிற்றம்பலம்