திரு புறம்பயம்

௨ 

திருஞானசம்பந்தர்  சுவாமிகள் அருளிச்செய்த
இரண்டாம்   திருமுறை

தகவல் பலகை	விவரம்
தலம்	திருப்புறம்பயம்
ஊர்/பிற பெயர்கள்	புன்னாக வனம், கல்யாண மாநகர், திரு புறம்பியம்
நாடு	காவிரி வடகரை (சோழ நாடு)
ॐசுவாமி	சாட்சி நாதர், புன்னை வன நாதர்
ॐஅம்பிகை	கரும்ப்பன்னசொல்லி
பாடியவர்கள்	திருஞானசம்பந்தர் (1)          மறம்பய மலைந்தவர் (2:30) அப்பர்(1)         கொடிமாட நீள் தெருவு (7:13) சுந்தரர்(1)         அங்கம் ஓதியோர் ( 7:35)
ஸ்தல மரம்	புன்னை மரம்
தீர்த்தம்	பிரம தீர்த்தம்
பண்	திருத்தாண்டகம்
குறிப்புகள்	வெண்ணிற திருமேனி கொண்ட விநாயகர் ஒரு பெண்ணுக்காக இறைவன் சாட்சி சொன்னது.. அகத்தியர், சனகர், சனந்தனர் புலத்தியர், விசுவாமித்திரர்  வழிபட்ட தலம்
பதிக பலன்	பிணி நீங்கி வீடு பேறு கிட்டும்.
வரிசை எண்.	30                                                     46/63

திருச்சிற்றம்பலம்

மறம்பய மலைந்தவர் மதிற்பரி சறுத்தனை
நிறம்பசுமை செம்மையொடு இசைந்து உனது நீர்மை
திறம்பய னுறும்பொருள் தெரிந்துணரு நால்வர்க்கு
அம் பயன் உரைத்தனை புறம்பயம் அமர்ந்தோய்.  1

விரித்தனை திருச்சடை அரித்தொழுகு வெள்ளம்
தரித்தனை அதன்றியும் மிகப்பெரிய காலன்
எருத்திற உதைத்தனை இலங்கு இழையொர் பாகம்
பொருத்துதல் கருத்தினை புறம்பயம் அமர்ந்தோய்.  2

விரிந்தனை குவிந்தனை விழுங்குயிர் உமிழ்ந்தனை
திரிந்தனை குருந்து ஒசி பெருந்தகையு நீயும்
பிரிந்தனை புணர்ந்தனை பிணம்புகு மயானம்
புரிந்தனை மகிழ்ந்தனை புறம்பயம் அமர்ந்தோய்.  3

வளங்கெழு கடும்புனலொடுஞ்சடை ஒடுங்கத்
துளங்கு அமர் இளம்பிறை சுமந்தது விளங்க
உளங்கொள வளைந்தவர் சுடுஞ்சுடலை நீறு
புளங்கொள விளங்கினை புறம்பயம் அமர்ந்தோய்.  4

பெரும்பிணி பிறப்பினொடு இறப்பிலை ஒர் பாகம்
கரும்பொடு படுஞ்சொலின் மடந்தையை மகிழ்ந்தோய்
சுரும்புண அரும்பு அவிழ் திருந்தி எழு கொன்றை
விரும்பினை புறம்பயம் அமர்ந்தஇறை யோனே.  5

அனல் படு தடக்கையவர் எத்தொழில ரேனும்
நினைப்புடை மனத்தவர் வினைப்பகையு நீயே
தனற்படு சுடர்ச்சடை தனிப்பிறையொடு ஒன்றப்
புனற்படு கிடைக்கையை புறம்பயம் அமர்ந்தோய்.  6

மறத்துறை மறுத்தவர் தவத்தடிய ருள்ளம்
அறத்துறை ஒறுத்துனது அருட்கிழமை பெற்றோர்
திறத்துள திறத்தினை மதித்து அகல நின்றும்
புறத்துள திறத்தினை புறம்பயம் அமர்ந்தோய்.  7

இலங்கையர் இறைஞ்சிறை விலங்கலின் முழங்க
உலங்கெழு தடக்கைகள் அடர்த்திடலும் அஞ்சி
வலங்கொள எழுந்தவன் நலங்கவின அஞ்சு
புலங்களை விலங்கினை புறம்பயம் அமர்ந்தோய்.  8

வடம் கெட நுடங்குண இடந்தவிடை அல்லிக்
கிடந்தவன் இருந்தவன் அளந்து உணர லாகார்
தொடர்ந்தவர் உடம்பொடு நிமிர்ந்துடன் வணங்கப்
புடங்கருள்செய்து ஒன்றினை புறம்பயம் அமர்ந்தோய்.  9

விடக்கொருவர் நன்று என விடக்கொருவர் தீது என
உடற்குடை களைந்தவர் உடம்பினை மறைக்கும்
படக்கர்கள் பிடக்குரை படுத்து உமையொர் பாகம்
அடக்கினை புறம்பயம் அமர்ந்தவுர வோனே.  10

கருங்கழி பொருந்திரை கரைக்குலவு முத்தம்
தரும் கழுமலத்திறை தமிழ்க்கிழமை ஞானன்
சுரும்பவிழ் புறம்பயம் அமர்ந்த தமிழ்வல்லார்
பெரும்பிணி மருங்கற ஒருங்குவர் பிறப்பே.

திருச்சிற்றம்பலம்