திரு புறம்பயம்

 

௨ 

சுந்தரமூர்த்தி   சுவாமிகள் அருளிச்செய்த
ஏழாம்   திருமுறை

தகவல் பலகை	விவரம்
தலம்	திருப்புறம்பயம்
ஊர்/பிற பெயர்கள்	புன்னாக வனம், கல்யாண மாநகர், திரு புறம்பியம்
நாடு	காவிரி வடகரை (சோழ நாடு)
ॐசுவாமி	சாட்சி நாதர், புன்னை வன நாதர்
ॐஅம்பிகை	கரும்ப்பன்னசொல்லி
பாடியவர்கள்	திருஞானசம்பந்தர் (1)          மறம்பய மலைந்தவர் (2:30) அப்பர்(1)         கொடிமாட நீள் தெருவு (7:13) சுந்தரர்(1)         அங்கம் ஓதியோர் ( 7:35)
ஸ்தல மரம்	புன்னை மரம்
தீர்த்தம்	பிரம தீர்த்தம்
பண்	கொல்லி
குறிப்புகள்	வெண்ணிற திருமேனி கொண்ட விநாயகர் ஒரு பெண்ணுக்காக இறைவன் சாட்சி சொன்னது.. அகத்தியர், சனகர், சனந்தனர் புலத்தியர், விசுவாமித்திரர்  வழிபட்ட தலம்
பதிக பலன்	சிவ பதம் கிடைக்கும்.
வரிசை எண்.	35                                                     46/63

திருச்சிற்றம்பலம்

அங்கம்ஓதி ஓர் ஆறைமேற்றளி
          நின்றும்போந்து வந்து இன்னம்பர்த்
தங்கினோமையும் இன்னது என்றிலர்
          ஈசனார் எழு நெஞ்சமே
கங்குல் ஏமங்கள் கொண்டு தேவர்கள்
          ஏத்திவானவர் தாம் தொழும்
பொங்குமால்விடை ஏறி செல்வப்
          புறம்பயம் தொழப் போதுமே.  1

பதியும் சுற்றமும் பெற்றமக்களும்
          பண்டையாரலர் பெண்டிரும்
நிதியிலி இம்மனை வாழும்வாழ்க்கையும்
          நினைப்பு ஒழி மட நெஞ்சமே
மதியம் சேர்சடைக் கங்கையானிடம்
          மகிழும்மல்லிகை செண்பகம்
புதியபூமலர்ந்து எல்லிநாறும்
          புறம் பயம் தொழப் போதுமே.  2

புறந்திரைந்து நரம்பு எழுந்து
          நரைத்து நீ உரையால் தளர்ந்து
அறம்புரிந்து நினைப்பது ஆண்மை
          அரிதுகாண்இஃது அறிதியேல்
திறம்பியாது எழு நெஞ்சமே சிறு
          காலை நாமுறு வாணியம்
புறம்பயத்துறை பூதநாதன்
          புறம்பயம் தொழப் போதுமே.  3

குற்றொருவரைக் கூறைகொண்டு
          கொலைகள் சூழ்ந்த களவு எலாம்
செற்றொருவரைச் செய்ததீமைகள்
          இம்மையே வரும் திண்ணமே
மற்றொருவரைப் பற்றிலேன்
          மறவாது எழு மட நெஞ்சமே
புற்று அரவுடைப் பெற்றம் ஏறி
          புறம்பயம் தொழப் போதுமே.  4

கள்ளி நீ செய்த தீமை உள்ளன
          பாவமும் பறையும் படி
தெள்ளிதா எழு நெஞ்சமே செங்கண்
          சேவுடைச் சிவலோகன் ஊர்
துள்ளி வெள்ளிள வாளைபாய்வயல்
          தோன்றுதாமரைப் பூக்கள்மேல்
புள்ளி நள்ளிகள் பள்ளி கொள்ளும்
          புறம்பயம் தொழப் போதுமே.  5

படை எலாம் பகடார ஆளிலும்
          பௌவஞ்சூழ்ந்து அர சாளிலும்
கடையெலாம் பிணைத் தேரைவால்
          கவலாது எழு மட நெஞ்சமே
மடை எலாம் கழு நீர்மலர்ந்து
          மருங்கெலாங் கரும்பு ஆடத்தேன்
புடை எலாம் மணம் நாறு சோலைப்
          புறம்பயம் தொழப் போதுமே.  6

முன்னைச்செய்வினை இம்மையில்வந்து
          மூடும் ஆதலின் முன்னமே
என்னை நீதியக் காது எழு
          மட நெஞ்சமே எந்தை தந்தை ஊர்
அன்னச் சேவலோடு ஊடிப்பேடைகள்
          கூடிச் சேரும் அணிபொழில்
புன்னைக்கன்னி கழிக் கண் நாறும்
          புறம்பயம் தொழப் போதுமே.  7

மலம் எலாம் அறும் இம்மையே
          மறுமைக்கும் வல்வினை சார்கிலா
சலம் எலாம் ஒழி நெஞ்சமே எங்கள்
          சங்கரன்வந்து தங்கும் ஊர்
கலமெலாம் கடல் மண்டுகாவிரி
          நங்கை ஆடிய கங்கை நீர்
புலம் எலாம் மண்டிப் பொன்விளைக்கும்
          புறம்பயம் தொழப் போதுமே.  8

பண்டு அரீயன செய்ததீமையும்
          பாவமும் பறையும் படி
கண்டரீயன கேட்டியேற்
          கவலாது எழுமட நெஞ்சமே
தொண்டரீயன பாடித்து உள்ளி
          நின்று ஆடிவானவர் தாம் தொழும்
புண்டரீக மலரும்பொய்கைப்
          புறம்பயம் தொழப் போதுமே.  9

துஞ்சியும் பிறந்தும் சிறந்தும் 
          துயக்கு அறாத மயக்கிவை
அஞ்சிஊரன் திருப்புறம்பயத்து
          அப்பனைத் தமிழ்ச் சீரினால்
நெஞ்சினாலே புறம்பயம் தொழு
          துய்தும் என்று நினைத்தன
வஞ்சியாது உரை செய்யவல்லவர்
          வல்ல வான் உலகு ஆள்வரே.

திருச்சிற்றம்பலம்