3.4 - ஆதனம்

                                 

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	4
தந்திரம்	மூன்றாம் தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	4. ஆதனம்
பிற குறிப்புகள்	ஆசனம் - யோகத்தை மேற்கொள்ளும் முன் ஆசனம் நிலை

திருச்சிற்றம்பலம்

பங்கயம் ஆதி பரந்தபல் ஆதனம்

இங்குள வாம்இரு நாலும் அவற்றினுள்

சொங்கு இல்லை யாகச் சுவத்திகம் என மிகத்

தங்க இருப்பத் தலைவனும் ஆமே  1

ஓரணை யப்பதம் ஊருவின் மேல் ஏறிட்டு

ஆர வலித்ததன் மேல்வைத்து அழகுறச்

சீர்திகழ் கைகள் அதனைத்தன் மேல்வைக்கப்

பார்திகழ் பத்மாசனம் எனல் ஆகுமே  2

துரிசு இல் வலக்காலைத் தோன்றவே மேல்வைத்து

அரிய முழந்தாளில் அங்கையை நீட்டி

உருகியிடும் உடல் செவ்வே இருத்திப்

பரிசு பெறும் அது பத்திரா சனமே  3

ஒக்க அடி இணை ஊருவில் ஏறிட்டு

முக்கி உடலை முழங்கை தனில்ஏற்றித்

தொக்க அறிந்து துளங்காது இருந்திடில்

குக்குட ஆசனம்  கொள்ளலும் ஆமே  4

பாதம் முழந்தாளில் பாணிகளைநீட்டி

ஆதர வோடும்வாய் அங்காந்து அழகுறக்

கோது இல் நயனம் கொடி மூக்கிலே உறச்

சீர்திகழ் சிங்காதனம் எனச் செப்புமே  5

பத்திரங் கோமுகம் பங்கயங் கேசரி

சொத்திரம் வீரம் சுகாதனம் ஓர் ஏழும்

உத்தம மாமுது ஆசனம் எட்டு எட்டுப்

பத்தொடு நூறு பலஆ சனமே